Fréttayfirlit

Straumlaust verður á morgun, miðvikudaginn 24. ágúst vegna tengingar á háspennustreng: 1: Frá kl.13:00 til 13:30 á milli Laugalands og Fellshlíðar, sjá dökkbláa svæðið á korti. 2: Frá kl. 13:00 til 17:00 við Laugaland, Brúnulaug, Munkaþverá og Rútsstaði, sjá bláa hringi á korti. Einnig verða styttri straumleysi á fimmtudag eða föstudag, um klukkutíma hjá hverjum notenda á meðan notkun verður færð frá línu yfir á strengkerfi, auk þess sem um hálftíma straumleysi verður á þriðjudaginn 30. ágúst þegar loftlínan verður aftengd.

Á morgun, þriðjudaginn 23. ágúst kl. 15, verður formlega opnaður nýr endurhæfingar- og útivistarstígur í Kristnesskógi í Eyjafirði. Stígur þessi er malbikaður og hannaður með þarfir hreyfihamlaðra í huga svo sem flestir geti notið útivistar og hreyfingar í skóginum. Stígurinn er steinsnar frá Kristnesspítala þar sem rekin er endurhæfingardeild og öldrunardeild. Með þessum stíg skapast einstök aðstaða til útivistar og endurhæfningar.

Fyrstu fjárgöngur verða 3. og 4. september og aðrar göngur 17. og 18. september. Norðan Fiskilækjar verða fyrstu göngur 10. september og aðrar göngur 24. september. Æsustaðatungur, Eyjafjarðardalur eystri verða fyrstu göngur 8.-10. september. Hrossasmölun verður 30. september og hrossaréttir 1. október.

484. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, miðvikudaginn 24. ágúst 2016 og hefst kl. 15:00

Rafmagnstruflanir gætu orðið í Eyjafirði og Fnjóskadal að Ljósvatnsskarði í nótt, aðfaranótt fimmtudagsins 11. ágúst vegna vinnu við háspennukerfi. Sjá meðfylgjandi mynd. Nánari upplýsingar veitir Svæðisvakt RARIK Norðurlandi í síma 528 9690.

Stjórn veiðifélags Eyjafjarðarár hefur ákveðið að landeigendur og börn þeirra get veitt fyrir sínu landi tvo daga, það er 11. ágúst og 15. september. Um veiðreglur vísar veiðifélagið á vefslóðina www.eyjafjardara.is

Kvöldvaka Handverkshátíðar og Landbúnaðarsýningar verður föstudagskvöldið 5. ágúst kl. 19:30-23:00. Miðaverð 4.200 kr. fullorðnir og 2.300 kr. börn.

Fimmtudag – laugardag frá kl. 12.00 – 19.00 og sunnudag frá kl. 12.00 – 18.00 Handverksmarkaður fimmtudag, laugardag og sunnudag í veislutjaldi. Fjölbreyttur og spennandi matarmarkaður alla dagana. Forsala aðgöngumiða á kvöldvökuna verður í veitingasölunni fimmtudag og föstudag.

Forseti Íslands herra Guðni Th. Jóhannesson og eiginkona hans Eliza Reid munu verða gestir Handverkshátíðar og Landbúnaðarsýningar á Hrafnagili föstudaginn 5. ágúst. Hátíðin verður sett á morgun fimmtudag klukkan 12.00 en forsetahjónin verða gestir hátíðarinnar upp úr hádegi á föstudag.

Vegna vinnu við dreifikerfi verður lokað fyrir KALT VATN við Hrafnagil (sjá kort) á mánudag 25.07.2016 Kl. 10:00 og frameftir degi. Á heimasíðu okkar www.no.is má sjá góð ráð við kaldavatnsrofi