Fréttayfirlit

Umhverfisverðlaun Eyjafjarðarsveitar fyrir tímabilið 2015 til 2017 voru afhent í liðinni viku. Markmið með umhverfisverðlaunum er að sýna þakklæti fyrir lofsvert framtak til fegrunar umhverfisins og auka umhverfisvitund íbúa sveitarfélagsins. Umhverfisverðlaun Eyjafjarðarsveitar eru afhent annað hvert ár. Að þessu sinni afhenti Hákon Bjarki Harðarson, formaður umhverfisnefndar, annars vegar Önnu Guðmundsdóttur og Páli Ingvarssyni á Reykhúsum ytri og hins vegar Laugarborg viðurkenningar umhverfisnefndar vegna framlags þeirra til umhverfismála og fegrunar umhverfis.

Hollvinasamtök Sjúkrahússins á Akureyri (SAk) afhentu Kristnesspítala veglega gjöf þann 30.júní síðastliðinn. Um er að ræða 9 fullkomna flatskjái sem settir verða upp á setustofum spítalans sem og inn á nokkur herbergi. Eining-Iðja og Félag málmiðnaðarmanna styrktu verkefnið veglega og einnig útvegaði Ormsson tækin með góðum afslætti og studdu þannig við verkefnið. Eru þeim færðar bestu þakkir fyrir stuðninginn. Það er einlæg von stjórnar Hollvinasamtakanna að gjöfin nýtist skjólstæðingum spítalans sem allra best.

Laus er til umsóknar 100% staða á leikskólanum Krummakoti. Um blönduð störf er að ræða frá 9.ágúst næstkomandi. Umsóknarfrestur er til 4. júlí. Umsókn skal fylgja ferilskrá og skal skilað á netfangið krummakot@krummi.is

Laus er til umsóknar staða deildarstjóra við leikskólann Krummakot í Eyjafjarðarsveit. Umsúknarfrestur er til 4.júlí. Umsókn skal fylgja ferilskrá og kynningarbréf. Umsóknum skal skilað á netfangið krummakot@krummi.is

Kæru viðskiptavinir. Íþróttamiðstöð Eyjafjarðarsveitar verður lokuð frá kl. 8.00 mánudaginn 20. júní vegna bilunar hjá Norðurorku. Opnum aftur þriðjudagsmorgun 21. júní kl. 6:30. Starfsfólk

Miðvikudaginn 15.júní næstkomandi kl. 20.00 fundar sveitarstjórn Eyjafjarðarsveitar í fundarherbergi sveitarstjórnar, Skólatröð 9, til að staðfesta og leggja fram kjörskrá vegna forsetakosninga 25. júní nk.

Kjörstaður í Eyjafjarðarsveit vegna forsetakosninganna 25. júní 2016 verður í Hrafnagilsskóla. Kjörfundur hefst kl. 10:00 og lýkur kl. 22:00. Á kjörstað gerir kjósandi grein fyrir sér með framvísun skilríkja eða á annan fullnægjandi hátt. Þeim sem eiga erfitt með gang er heimilt að aka út að skóla. Á kjördegi hefur kjörstjórn aðsetur í Hrafnagilsskóla, sími 464-8100 eða 899-4935. Kjörstjórnin í Eyjafjarðarsveit 15. júní 2016. Emilía Baldursdóttir, Níels Helgason, Ólafur Vagnsson

Kjörskrá fyrir Eyjafjarðarsveit vegna forsetakosninganna 25. júní 2016 liggur frammi á skrifstofu Eyjafjarðarsveitar að Skólatröð 9 frá og með 15. júní 2016 til kjördags. Opnunartími skrifstofu er kl: 10:00-14:00. Einnig er bent á vefinn http://www.kosning.is/forsetakosningar-2016/forsetakosningar/kjosendur/kjorskra/ þar sem hægt er að fá upplýsingar um kjörskrá og kosningarnar. Skrifstofa Eyjafjarðarsveitar

Sveitarstjórn Eyjafjarðarsveitar samþykkti þann 8. júní 2016 að auglýsa tillögu að deiliskipulagi fyrir efnisnámu í landi Hvamms skv. 1. mgr. 41. gr. skipulagslaga nr. 123/2010. Tillagan fellur undir lög um umhverfismat áætlana nr. 105/2006 og fylgir henni umhverfisskýrsla.

Sýslumaðurinn á Norðurlandi eystra vill koma eftirfarandi á framfæri: Utankjörfundaratkvæðagreiðsla vegna forsetakosninga þann 25. júní 2016 fer fram á skrifstofum embættisins sem hér segir: -Akureyri, Hafnarstræti 107, virka daga frá kl. 9:00 til 15:00. Frá 13. júní er opið til kl. 18:30. Laugardaginn 18. og sunnudaginn 19. júní er opið frá kl. 14:00 til 17:00. Laugardaginn 25. júní er opið frá kl. 10:00 til 18:00.