Fréttayfirlit

FUNDARBOÐ 644. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 12. desember 2024 og hefst kl. 17:00.

Síðasti opnunardagur fyrir jól er föstudagurinn 20. desember. Þá er opið frá kl. 14.00-16.00. Opið verður föstudaginn 27. desember milli kl. 14.00 og 16.00. Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan.

Á 303. fundi stjórnar Norðurorku hf. 22. október 2024 var afgreidd fjárhagsáætlunar fyrir árið 2025. Í undirbúningi fjárhagsáætlunar voru forsendur verðbreytinga skilgreindar. Í þeirri vinnu var horft til fjölmargra þátta svo sem verðlagsþróunar, spár um verðlagsþróun, rekstrarkostnað, viðhaldsþarfa en ekki síst til uppbyggingarþarfa í einstökum veitum fyrirtækisins. Samhliða gerð fjárhagsáætlunar var einnig unnin áætlun um nýfjárfestingar og meiriháttar viðhaldsverkefni til ársins 2030. Við ákvörðun um breytingar á verðskrá var m.a. stuðst við svokallaða vísitölu Norðurorku og í öðru lagi var horft til framkvæmda og fjárfestinga.

Hvernig á að flokka jóla- og áramótúrganginn Við hjá Terra umhverfisþjónustu tókum saman helstu úrgangs tegundir og viljum deila því með ykkur hvernig sé best að flokka þá til að ná hreinum straumum frá heimilum og fyrirtækjum sem skilar sér aftur inn í hringrásarhagkerfið.

Í nóvember fór fram átakið Syndum á vegum ÍSÍ en því er ætlað að hvetja landsmenn til að nýta sundlaugar landsins til hollrar hreyfingar. Í íþróttamiðstöðinni í Eyjafjarðarsveit lágu skráningarblöð frammi í afgreiðslunni þar sem þátttakendur skráðu vegalengdina sem synt var hverju sinni. Alls voru það 33 einstaklingar sem skráðu sundferðir og tveir af þeim fóru 20 sinnum í laugina á tímabilinu. Samtals voru syntir 116.7 kílómetrar og voru m.a. þrír einstaklingar sem lögðu meira en 10 km að baki hver.

"Okkur tókst ekki að klára fyrri hringinn í gær. Það gerir það að verkum að seinni klárast líklegast ekki fyrr en á fimmtudag."

Eyjafjarðarsveit auglýsir til leigu íbúð fyrir eldri borgara í raðhúsinu að Skólatröð 2, íbúðin er laus frá og með 1.janúar 2025. Þá er auglýst til leigu íbúð á annarri hæð í Skólatröð 7 sem laus er til úthlutunar frá 1.desember 2024. Leigist hún út sem almenn leiguíbúð.

Eyjafjarðarsveit sendi 4 fulltrúa á Ungmennaþing SSNE sem haldið var í Þingeyjarsveit dagana 14. og 15. október. Með hópnum fór Sunna Björg Valsdóttir umsjónarmaður félagsmiðstöðvarinnar Hyldýpis. Þau sem sóttu þingið voru Haukur Skúli Óttarsson, Sunna Bríet Jónsdóttir, Emelía Lind Brynjarsdóttir og Kristín Harpa Friðriksdóttir, meðlimir ungmennaráðs sveitarfélagsins.

Sveitarstjórn Eyjafjarðarsveitat hefur samþykkt reglur vegna útgáfu rekstrarleyfa fyrir starfsemi í íbúðarbyggð í Eyjafjarðarsveit. Markmið þessara reglna er að marka verklag og setja viðmið um afgreiðslu umsagna til sýslumanns um atvinnustarfsemi á svæðum sem í skipulagsáætlunum eru skilgreind sem svæði fyrir íbúðabyggð.

Starfsmannafélag ÍME stóð fyrir fjársöfnun í bleikum október til handa Krabbameinsfélagi Akureyrar og nágrennis. Alls söfnuðust 60 þúsund krónur með liðsinni gesta íþróttamiðstöðvarinnar sem fengu frítt kaffi en gátu á móti styrkt söfnunina með frjálsum framlögum. Starfsfólk íklæddist m.a. bleikum vinnubolum í október til að minna á verkefnið og fjársöfnunina. Eva Björg Óskarsdóttir verkefnastjóri móttöku, kynninga og vefmiðla tók við styrknum í íþróttamiðstöðinni í morgun úr höndum þeirra Jakobs Sævars Sigurðssonar og Ástu Heiðrúnar Stefánsdóttur. Starfsmannafélag ÍME vill koma kæru þakklæti á framfæri við alla þá sem lögðu söfnuninni lið og óskar KAON velfarnaðar í sinni starfsemi.