Fréttayfirlit

Gjaldskrá 2025

Gámasvæði við Hrafnagilshverfi er vaktað og lokað utan opnunartíma. Þriðjudagur 24. desember - LOKAÐ Fimmtudagur 26. desember - LOKAÐ Laugardagur 28. desember - OPIÐ kl. 13:00-17:00 Þriðjudagur 31. desember - LOKAÐ Venjulegur opnunartími eftir áramót þ.e. þriðju-, föstu- og laugard. kl. 13:00-17:00.

Starfsfólk eignasjóðs keppist nú við að setja upp skjólvegg á vestur- og suðurhliðar sundlaugargarðsins. Tilgangur framkvæmdanna er að hefta fok á laufi og ýmsum jarðefnum inn á sundlaugarsvæðið og að sama skapi beisla að einhverju leyti vindhviður þangað inn. Þeir Davíð Ágústsson og Hallgrímur Ævarsson voru á vettvangi í morgun að festa járnplötur á girðinguna og virtist farast það verkefni vel úr hendi. 

Íbúar Eyjafjarðarsveitar fá blaðið Eyvind 2024 í póstkassann sinn miðvikudaginn 18. desember. Lionsklúbbarnir í Eyjafjarðarsveit, Vitaðsgjafi og Sif munu sjá um dreifingu á blaðinu til sveitar og þorps. Þeir íbúar sem ekki hafa póstkassa geta nálgast eintak af blaðinu á skrifstofu Eyjafjarðarsveitar, Skólatröð 9, eða haft samband milli kl. 10 og 14 í síma 463-0600. Brottfluttir og/eða aðrir áhugasamir geta skráð sig í áskrift og kostar blaðið 1.000 kr., sendingakostnaður er innifalinn.

Að venju mun Hjálparsveitin Dalbjörg vera með flugeldasölu í Hrafnagilsskóla. Opnunartímar verða sem hér segir: 28. desember kl. 16-22 29.-30. desember kl. 10-22 31. desember kl. 9-16 5. janúar kl. 19-21. (Dalborg) Flugeldasalan er okkar stærsta fjáröflun og við hvetjum sem flesta að styrkja björgunarsveitina í okkar heimabyggð. Við tökum einnig við frjálsum framlögum frá þeim sem ekki vilja styrkja í formi flugelda, bæði er hægt að finna upplýsingar á heimasíðunni okkar, dalbjorg.is eða mæta á staðinn og renna korti í gegnum posann, taka spjallið og fá sér kaffisopa. Við hlökkum til að taka á móti sveitungum okkar og öðrum velunnurum! Kveðja, Hjálparsveitin Dalbjörg.

Lionsklúbbarnir Vitaðsgjafi og Sif bjóða til skötuveislu á Þorláksmessu, í matsal Hrafnagilsskóla frá kl. 11:30 til 13:30. Saltfiskur verður til reiðu handa þeim sem ekki þora. Verð er 5.000 kr. á manninn og allur ágóði rennur til líknarmála. Lkl. Sif verður einnig með leiðisgreinar til sölu á 3.000 kr. stk. Kaffi, öl og konfekt. Komið og eigið saman ilmandi góða stund fyrir jólin.

Á morgun þriðjudaginn 17. des. verða opnir tónleikar Tónlistarskóla Eyjafjarðar í Laugarborg kl. 18.00. Þetta eru jafnframt lokatónleikar á mikilli tónfunda/tónleika dagskrá á aðventunni. Á tónleikunum koma fram nemendur af öllum okkar starfsstöðum og á öllum aldri. Við munum m.a. heyra sexhent píanó frá Grenivík, söngdúett frá Hrafnagili og harmonikku samspil þvert á stöðvar sem og aðra efnilega nemendur frá Svalbarðsströnd og úr Hörgársveit svo eitthvað sé nefnt. Það eru allir velkomnir að heyra og sjá þverskurð af okkar ágæta nemendahópi og fylgjast með okkar blómlega starfi í Tónlistarskóla Eyjafjarðar. Verið velkomin.

Á fundi sveitarstjórnar Eyjafjarðarsveitar þann 12. desember var fjárhagsáætlun sveitarfélagsins fyrir árið 2025 og árin 2026–2028 samþykkt samhljóða í síðari umræðu. Áætlunin undirstrikar sterka fjárhagsstöðu sveitarfélagsins og tryggir áframhaldandi jafnvægi í rekstri.

FUNDARBOÐ 644. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 12. desember 2024 og hefst kl. 17:00.

Síðasti opnunardagur fyrir jól er föstudagurinn 20. desember. Þá er opið frá kl. 14.00-16.00. Opið verður föstudaginn 27. desember milli kl. 14.00 og 16.00. Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan.