Fréttayfirlit

Ræktin hefur verið opnuð aftur eftir viðhald og endurbætur. Keypt var svokallað fjölnota tæki, sem hægt er að gera ýmsar æfingar í. Einnig eru nýjar ketilbjöllur, medicine boltar, nokkrar gerðir af teygjum og rúllum svo eitthvað sé nefnt.

Vikuna 3.-8. febrúar heldur Tónlistarskóli Eyjafjarðar opna viku þar sem hefðbundin kennsla er að mestu felld niður, en býður nemendum í staðinn námskeið í brasilískri tónlist þar sem okkar brasilíski slagverksleikari Rodrigo Lopes og samlandi hans Guito leiðbeina nemendum okkar á Hrafnagili, Þelamörk og Grenivík. Það verður gaman að sjá hvort að þeir geta ekki aðeins liðkað okkur til í vetrarfrostinu og gefið okkur örlítinn smjörþef af sumri og sól. Kennarar skólans bregða á leik og bjóða uppá ýmislegt fyrir okkur sveitungana.

Svæðisskipulagsnefnd Eyjafjarðar auglýsir hér með tillögu að breytingu á Svæðisskipulagi Eyjafjarðar 2012 – 2024 og umhverfisskýrslu. Sveitarstjórnir allra þeirra sveitarfélaga sem aðild eiga að skipulagstillögunni hafa samþykkt hana til auglýsingar.

FUNDARBOÐ 542. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 23. janúar 2020 og hefst kl. 15:00

Í vikunni 20.-24. janúar verður ræktin lokuð vegna viðhalds og endurbóta. Stefnum á að opna aftur fyrir helgina, auglýsum það síðar.

Laugardaginn 1. febrúar verður hið margrómaða þorrablót sveitarinnar haldið í íþróttahúsinu á Hrafnagili – þá verður GAMAN. Húsið opnar kl. 19:30 og borðhald hefst kl. 20:00. Heimatilbúin atriði, þorramatur (og annar fyrir þá viðkvæmu) frá Bautanum og Danshljómsveit Friðjóns heldur uppi fjörinu. Miðapantanir sunnudaginn 26. og mánudaginn 27. jan. kl. 20:00-22:00 hjá Huldu (864-6191 eða 463-1191) – Kristínu (846-2090) – Bylgju (863-1315). Miðaverð 8.500.- Miðaafhending gegn peningagreiðslu (enginn posi) í anddyri Íþróttamiðstöðvarinnar á Hrafnagili miðvikudaginn 29. og fimmtudaginn 30. jan. kl. 20:00-22:00. MÆTUM SEM FLEST, NEYTUM OG NJÓTUM!!! Nefndin

Alls fara níu fyrirtæki úr Eyjafjarðarsveit á ferðasýninguna Mannamót Markaðsstofanna sem haldin er í Kórnum í Kópavogi næstkomandi fimmtudag. Verður sveitin því vel áberandi á þessum mikilvæga vettvangi.

Leiðinda veður er í dag og fer frekar versnandi fram til klukkan 18, með aukinni úrkomu. Víða skefur þannig að það torveldur umferð minni bíla sérstaklega. Vegagerðin er með lágmarksþjónustu framan miðbrautar þar til veðri slotar en þó er stefnt á að moka þannig að skólabílar komist leiða sinna. Næstu nótt verður síðan mokað betur þegar veður hefur gengið niður og ættu allir að komast leiða sinna að morgni miðvikudags.

Eyjafjarðará hefur brotist úr árfarvegi sínum við Skáldstaði og er vegurinn því lokaður, vegfarendum bent á að fara Hólaveg, austan ár, þurfið þeir að komast framar í sveitina.

Stefnt er á að mokað verði í nótt, aðfaranótt föstudags, líkt og fyrri nótt. Veður er hinsvegar með því móti að fljótt skefur í skafla og því mikilvægt að vegfarendur hafi varann á en ófært getur orðið með skömmum fyrirvara í þeim aðstæðum sem nú eru.