Fréttayfirlit

586. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 20. apríl 2022 og hefst kl. 8:00.

Dagana 2. – 6. maí stendur yfir skráning nýrra nemenda í Hrafnagilsskóla. Foreldrar og forráðamenn eru beðnir að skrá tilvonandi 1. bekkinga (börn fædd 2016) og einnig aðra nýja nemendur sem væntanlegir eru í skólann næsta haust. Á sama tíma er tekið á móti tilkynningum um flutning nemenda af svæðinu. Þeir sem ætla að notfæra sér frístund næsta vetur (fyrir nemendur í 1.- 4. bekk) eru beðnir að tilkynna það þessa sömu daga (ekki bindandi skráning). Skráning fer fram hjá ritara skólans milli kl. 9:00-15:00 í síma 464-8100. Skólastjóri.

Opnað hefur verið fyrir atkvæðagreiðslu utan kjörfundar og verður hægt að kjósa á skrifstofum sýslumannsembættisins á Akureyri, Húsavík og Siglufirði mánudaga til fimmtudaga kl. 9:00 - 15:00 og föstudaga kl. 9:00 – 14:00, og á Þórshöfn, alla virka daga frá kl. 10:00 - 14:00. Þegar nær líður kjördegi verða nýir kjörstaðir auglýstir sérstaklega á vefsíðunni www.kosning.is og víðar. Lengdur opnunartími tvær síðustu vikurnar fyrir kjördag verður jafnframt auglýstur síðar. Sýslumaðurinn á Norðurlandi eystra.

Sveitarstjórn Eyjafjarðarsveitar samþykkti á fundi sínum þann 7. apríl 2022 að auglýsa tillögu að deiliskipulagi fyrir þriðja áfanga íbúðarsvæðis í landi Kotru í Eyjafjarðarsveit. Skipulagssvæðið er skilgreint sem íbúðarsvæði ÍB13 í gildandi aðalskipulagi sveitarfélagsins og tekur skipulagstillagan til sex nýrra íbúðarlóða auk þess sem fyrri áfangar íbúðarbyggðar í Kotru eru felldir undir hið nýja skipulag.

Sveitarstjórn Eyjafjarðarsveitar samþykkti á fundi sínum 7. apríl 2022 að auglýsa aðal- og deiliskipulagstillögu fyrir Hrafnagilshverfi. Skipulagsverkefnið hófst sumarið 2020 og er markmið þess að marka heildstæða stefnu fyrir uppbyggingu og þróun Hrafnagilshverfis til lengri tíma litið.

Í dag skrifuðu Finnur Yngvi Kristinsson, sveitarstjóri Eyjafjarðarsveitar, og Viðar Helgason, stjórnarmaður í Ölduhverfi ehf., undir samning um uppbyggingu um 200 íbúða hverfis í landi Ölduhverfis að Kroppi.

Sveitarstjórnarkosningar 2022 fara fram laugardaginn 14. maí nk. Frestur til að skila inn framboðslistum rann út í dag föstudaginn 8. apríl.  Í Eyjafjarðarsveit verða tveir listar í framboði F-listinn og K-listinn. Skipan frambjóðenda á listunum má sjá hér að neðan. F-listinn 1 Hermann Ingi Gunnarsson 060187-4369 Bóndi Klauf 2 Linda Margrét Sigurðardóttir 260183-3899 Sérfræðingur Kroppi 3 Kjartan Sigurðsson 140189-3329 Fyrirtækjaráðgjafi Syðra-Laugalandi efra 4 Berglind Kristinsdóttir 270685-2859 Bóndi Hrafnagili 5 Anna Guðmundsdóttir 110749-4229 Frv.aðst.skólastj./Býflugabóndi Reykhúsum ytri 6 Hákon Bjarki Harðarson 211180-4639 Bóndi Svertingsstöðum 2 7 Hafdís Inga Haraldsdóttir 310873-5199 Framhaldskólakennari Hjallatröð 2 8 Reynir Sverrir Sverrisson 101294-2429 Bóndi Sámsstöðum 3 9 Rósa Margrét Húnadóttir 291082-4599 Þjóðfræðingur Brekkutröð 5 10 Gunnar Smári Ármannsson 300801-3740 Bóndi Skáldsstöðum 2 11 Susanne Lintermann 110884-4199 Landbúnaðarfræðingur Dvergsstöðum 12 Bjarki Ármann Oddsson 060186-3329 Forstöðumaður Ártröð 5 13 Jóhanna Elín Halldórsdóttir 230471-5339 Danskennari og snyrtifræðingur Borg 14 Jón Stefánsson 120260-2199 Byggingariðnfræðingur Berglandi K-listinn 1 Ásta Arnbjörg Pétursdóttir 061074-5899 Fjölskyldufræðingur/Bóndi Hranastöðum 2 Sigurður I. Friðleifsson 171074-5099 Framkvæmdastjóri Hjallatröð 4 3 Sigríður Bjarnadóttir 171267-2939 Brauarstjóri/Framkvæmdastjóri Hólsgerði 4 Guðmundur S. Óskarsson 150672-5629 Bóndi/Vélfræðingur Hríshóli II 5 Sóley Kjerúlf Svansdóttir 120789-4229 Sérkennslustjóri Jódísarstöðum 3 6 Eiður JÓnsson 300982-4339 Verksstæðisformaður Sunnutröð 2 7 Margrét Árnadóttir 170773-5869 Söngkennari Þórustöðum 6 8 Þórir Níelsson 090580-3539 Bóndi/Rennismiður Torfum 9 Elín M. Stefánsdóttir 080271-5579 Bóndi Fellshlíð 10 Jón Tómas Einarsson 311082-3379 Kvikmyndagerðarmaður Sunnutröð 8 11 Rósa S. Hreinsdóttir 190368-5649 Bóndi Hallldórsstöðum 2 12 Benjamín Ö. Davíðsson 120279-3439 Skógræktarráðgjafi Víðigerði II 13 Jófríður Traustadóttir 301044-4029 Heldri borgari Tjarnalandi 14 Aðalsteinn Hallgrímsson 120455-2069 Bóndi Garði

14.-18. apríl - Páskaeggjaleit. Um Páskana verður opið á Smámunasafni Sverris Hermannssonar, Sólgarði, Eyjafjarðasveit. Opnunartími milli kl. 13 og 17 alla daga frá Skírdegi til annars í Páskum. Í boði er páskaeggjaleit og ratleikur fyrir börnin, leiðsögn um safnið og hægt verður að kaupa ljúffengar sveitavöfflur og kaffi á Kaffistofu safnsins. Verið hjartanlega velkomin. Stúlkurnar á Smámunasafninu.  

FUNDARBOÐ 585. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 7. apríl 2022 og hefst kl. 8:00.

Auglýsingar þurfa að berast fyrir kl. 10:00 mánudaginn 11. apríl fyrir blaðið sem dreift verður daginn eftir. Auglýsingar þurfa að berast fyrir kl. 10:00 þriðjudaginn 18. apríl fyrir blaðið sem dreift verður föstudaginn 22. apríl. Auglýsingar sendist á esveit@esveit.is , hámarksstærð auglýsinga er 100 orð. Sjá nánar á https://www.esveit.is/is/mannlif/menning-og-listir/auglysingabladid