Fréttayfirlit

Umferðaröryggisáætlun Eyjafjarðarsveitar hefur verið gefin út. Áætlunin hefur verið í vinnslu frá því árið 2019 og má í henni finna nokkuð ýtarlegt yfirlit yfir stöðu vegamála í sveitarfélaginu út frá umferðaröryggissjónarmiðum. Íbúar og aðrir áhugasamir eru hvattir til að skoða áætlunina en gert er ráð fyrir að hún verði endurskoðuð næst haustið 2024.

Markaður og blómabýttiborð verður í Laugarborg, flóamarkaðir víða um hverfið á laugardeginum og handverksfólk með opið hjá sér. Ýmislegt annað er í undirbúningi og verða íbúar, sveitungar, gestir og gangandi hvattir til að fá sér létta göngu um hverfið. Nánar auglýst síðar. Takið helgina frá fyrir hátíð í heimabyggð. Hlökkum til að sjá líf og fjör í Hrafnagilshverfinu. Bestu kveðjur, Kvenfélagið Iðunn.

Kvenfélagið Hjálpin heldur sitt margrómaða kaffihlaðborð á Melgerðismelum þar sem borðin svigna undan kökum og kruðeríi. Verð 2.800 kr fyrir fullorðna og 1.200 kr fyrir grunnskólabörn.

FUNDARBOÐ 589. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 10. júní 2022 og hefst kl. 8:00.

Á annan í hvítasunnu, kl. 13, opnar Katrín Jakobsdóttir, forsætisráðherra, sýninguna Ástarsaga Íslandskortanna á Minjasafninu á Akureyri. Sýningin er unnin úr stóru safni landakorta frá árunum 1528-1847 eftir helstu kortagerðarmenn Evrópu, þar sem Ísland er annað hvort myndefnið eða hluti af kortinu. Þau eru gjöf þýsku hjónanna dr. Karl-Werner Schulte og dr. Giselu Daxbök Schulte. Ást þeirra á Íslandi og þeirra eigin ástarsaga fléttast saman við söfnun á einstökum Íslandskortum. Gisela féll frá fyrir nokkrum árum en þau hjónin höfðu valið að hvíla í kirkjugarðinum í Lögmannshlíð á Akureyri. Íslandskortasafn sem Schulte hjónin gáfu íbúum Akureyrar telur 143 kort og hefur samanburðarrannsókn leitt í ljós að í því eru tugir korta sem hvergi er að finna í öðru safni á Íslandi jafnvel ekki í heiminum. Sýningin á Minjasafninu á Akureyri er sú eina á landinu þar sem kynnast má þessum merkilega menningararfi. Á sýningunni gefur annars vegar að líta Íslandskortin sem tengjast persónulegri sögu þeirra hjóna hvað mest. Hins vegar er sýnt úrval „nýrra“ korta í safninu sem bárust í október 2021. Þá fyllti Karl-Werner bíl sinn af Íslandskortum, keyrði þúsundir km frá Johannesberg til Danmerkur, tók Norrænu til Seyðisfjarðar og keyrði til Akureyrar. Daginn eftir fór hann sömu leið til baka. Katrín Jakobsdóttir, forsætisráðherra, flytur ávarp við opnun sýningarinnar og að því loknu segir Haraldur Þór Egilsson, safnstjóri frá nokkrum kortum úr sýningunni. Léttar veitingar frá heimabæ Schulte hjónanna, Johannesberg.

Nú þegar ný sveitarstjórn hefur tekið við er vert að óska þeim til hamingju með kjörið og þakka fráfarandi fulltrúum fyrir það liðna

Leiðbeiningar Moltu - Græna karfan og brúna tunnan, fyrir matarleyfar. GREEN BASKET and BROWN BIN for food waste. ZIELONY KOSZ i BRĄZOWY POJEMNIK Na odpady organiczne.

Ný sveitarstjórn Eyjafjarðarsveitar hefur tekið til starfa og átti sinn fyrsta fund í gær, miðvikudaginn 1.júní.

Sextán félagar úr Myndlistarfélaginu á Akureyri bjóða í þriðja sinn upp á útisýningu við Dyngjuna - listhús, á tímabilinu frá 4. júní til 31. ágúst sumarið 2022. Opið milli kl. 14:00-18:00. Aðgangur er ókeypis. Listamenn : Guðrún Hadda Bjarnadóttir Hjördís Frímann Björg Eiríksdóttir Karólína Baldvinsdóttir Brynhildur Kristinsdóttir Sigrún Birna Sigtryggsdóttir Rosa Kristin Juliusdottir Karl Guðmundsson Hrefna Harðardóttir Jonna Helga Sigríður Valdimarsdóttir Guðrún Pálína Guðmundsdóttir Joris Rademaker Aðalsteinn Þórsson Arna Vals Hallgrímur Ingólfsson Dyngjan - listhús er í landi Fífilbrekku í Eyjafjarðarsveit. Ekið er frá Akureyri eftir Eyjafjarðarbraut vestri, veg 821 og síðan beygt til hægri inn á veg 824 merktur Möðrufell og þá er aftur beygt til hægri að Dyngjunni-listhúsi.

Samkvæmt 7. gr. samþykktar um búfjárhald nr. 581/2013, hefst beitartímabil sauðfjár 10. júní ár hvert og lýkur um göngur á haustin. Beitartímabil vegna nautgripa hefst 20. júní ár hvert og lýkur 1. október sama ár. Beitartímabil hrossa hefst 20. júní ár hvert og lýkur 10. janúar á næsta ári. Áhersla er lögð á að fjallsgirðingar skulu fjár- og gripheldar fyrir 10. júní og séu það til 10. janúar ár hvert sbr. 5. gr. sömu samþykktar. Mælst er til þess að fullorðnum hrútum sé ekki sleppt á afrétt. Athygli er vakin á að vegna sveitarstjórnarkosninga hefur fjallskilanefnd ekki verið formlega skipuð og skal því beina fyrirspurnum til skrifstofu sveitarfélagsins að svo stöddu. Sveitarstjóri.