Fréttayfirlit

Opinn kynningarfundur vegna skipulagsverkefnisins Heiðarinnar fer fram í matsal Hrafnagilsskóla, Skólatröð 9 Hrafnagilshverfi, kl. 20:00 fimmtudaginn 1. febrúar 2024. Um er að ræða rammahluta aðalskipulags sem Eyjafjarðarsveit og Svalbarðsstrandarhreppur hafa sameinast um að vinna vegna áforma um uppbyggingu íbúðarhúsnæðis í Vaðlaheiði. Á fundinum munu fulltrúar beggja sveitarfélaga og aðstandenda verkefnisins kynna skipulagstillöguna og svara fyrirspurnum um málið frá fundargestum.

"Ökumaður og farþegar í bíl eiga að vera með öryggisbeltin spennt. Það mega ekki vera fleiri í bílnum en hann er skráður fyrir og allir eiga að nota viðeigandi öryggisbúnað. Barn undir 135 cm verður að vera í viðurkenndum öryggisbúnaði sem hæfir hæð þess og þyngd. Í ökutækjum má einungis nota öryggis- og verndarbúnað fyrir börn sem uppfyllir kröfur samkvæmt reglum ECE nr. 44.04 eða 44.03. Sekta má ökumann sem ekki sér til þess að börn undir 15 ára aldri noti viðeigandi öryggisbúnað." Hér er hlekkur á síðu með nánari upplýsingum hjá Samgöngustofu, þar sem hægt er að nálgast bæði myndbönd sem textuð eru á íslensku, ensku og pólsku og svo einblöðunga sem eru til á íslensku, ensku, spænsku, tælensku, pólsku og filippseysku. Einblöðungar Umferðaröryggi leikskólabarna Öryggi barna í bíl - Íslenska Öryggi barna í bíl - Enska Öryggi barna í bíl - Spænska Öryggi barna í bíl - Tælenska Öryggi barna í bíl - Pólska Öryggi barna í bíl - Filippseyska

FUNDARBOÐ 625. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 25. janúar 2024 og hefst kl. 08:00. Dagskrá: Fundargerðir til staðfestingar 1. Skipulagsnefnd Eyjafjarðarsveitar - 405 - 2401004F 1.1 2209020 - Espihóll deiliskipulag og breyting á aðalskipulagi 1.2 2308016 - Ytri-Varðgjá deiliskipulag íbúðarsvæðis 1.3 2208016 - Ytri-Varðgjá 3 - íbúðir og hótel 1.4 2210043 - Aðalskipulag Eyjafjarðarsveitar endurskoðun 2022 Fundargerðir til kynningar 2. Svæðisskipulagsnefnd Eyjafjarðar - fundargerð 13. fundar - 2401005 3. Samband íslenskra sveitarfélaga - fundargerð 941 - 2401010 4. Norðurorka - Fundargerð 293. fundar - 2401014 Almenn erindi 5. Búnaðarfélag Saurbæjarhrepps - Eignarhlutur í Sólgarði - 2305013 23.01.2024 Stefán Árnason, skrifstofustjóri.  

Miðaafhending og sala í íþróttamiðstöðinni miðvikudaginn 24. janúar kl. 16-20 og fimmtudaginn 25. janúar kl. 18-22. Enginn posi á staðnum, en hægt að millifæra.

Miðasölu lýkur sunnudaginn 21. janúar kl. 23.59. Smellið á hlekkinn sem fylgir hér með og pantið miða sem allra fyrst. MIÐAPANTANIR HÉR

Seinni dagur símasölu er í dag, þeir sem ætla að nýta sér þann ágæta samskiptamiðil eru vinsamlegast beðnir um að halda símastúlkunum okkar upptekum í dag. Það eru ekki þrjár stuttar, ein löng og tvær stuttar, heldur alvöru símanúmer sem lesa má sér til um hér fyrir neðan. Koma svo!!

Hér er hægt að panta miða á hið eina sanna Þorrablót Eyjafjarðarsveitar 2024. Þorrablótið verður haldið laugardaginn 27. janúar og húsið opnar kl. 19:00. Þorramatur kemur frá Bautanum og er hann innifalinn í verði, veislustjóri verður Sverrir Þór Sverrisson og hljómsveit kvöldsins verður Landabandið. Miðinn kostar 13.000 kr. Miðaafhending og sala fer fram 24. janúar milli kl. 16:00 og 20:00 og 25. janúar á milli kl. 18:00 og 22:00 og fer hún fram í anddyri Íþróttamiðstöðvar Eyjafjarðarsveitar. Þá þarf að greiða fyrir miðana. ATHUGIÐ AÐ EKKI er posi á staðnum en tekið er við millifærslum. Athugið að mikilvægt er að gefa upp tölvupóstfang sitt, en allir sem panta fá staðfestingarpóst (athugið að hann gæti lent í ruslpóstinum). Nóg er að fá nafn og símanúmer þess sem pantar miðana. Mest er hægt að panta 15 miða í einu. Nefndin áskilur sér rétt á að takmarka fjölda miða per pöntun ef eftirspurn fer fram úr hófi. Yfirmaður miðasölu er Helga Sigfúsdóttir, ef þið lendið í einhverju veseni eða hafið einhverjar spurningar endilega heyrið í Helgu í síma 892 5307 eða í tölvupósti torrablotesveit@gmail.com. https://docs.google.com/forms/d/e/1FAIpQLScxljMO6pqds0r4Xc6TStzdTWOTIN3ekQJcgULlR4s4fQinlQ/viewform

Ég vakna að morgni, tölti út og anda að mér fersku lofi froststillunnar, dreg inn orkuna sem liggur yfir öllu og glitrar á hélaðri jörð Eyjafjarðarsveitar. Samfélagið hér býr yfir miklum krafti sem hefur í gegnum aldirnar byggst upp og mótast af frumkvöðlum bændastéttarinnar. Við sem hér búum í dag njótum góðs af ósérhlífinni vinnu fyrri kynslóða sem lagt hafa mikið af mörkum við að byggja upp sín heimili, sín bú og sína atvinnustarfsemi.

Sveitarstjórnir Eyjafjarðarsveitar og Svalbarðsstrandarhrepps samþykktu á fundum sínum 7. og 12. desember 2023 að vísa skipulagstillögu fyrir rammahluta Aðalskipulags Eyjafjarðarsveitar 2018-2030 og Aðalskipulags Svalbarðsstrandarhrepps 2008-2020, sem felur í sér breytingu á núgildandi aðalskipulögum, í kynningarferli samkvæmt 2. mgr. 30. gr. skipulagslaga nr. 123/2010. Tilgangur skipulagsverkefnisins er að móta heildstæða stefnu um þróun byggðar í Vaðlaheiði til framtíðar. Horft er á skipulagssvæðið sem eina heild þrátt fyrir að um tvö sveitarfélög sé að ræða. Markmið skipulagsins er að skipuleggja aðlaðandi og búsetuvæna byggð með dreifbýlisyfirbragði sem falli vel að náttúrulegu umhverfi svæðisins. Stefnt er að því að rammahluti aðalskipulags verði forskrift fyrir gerð deiliskipulagsáætlana og uppbyggingu á svæðinu til framtíðar. Skipulagstillagan er aðgengileg á sveitarskrifstofu Eyjafjarðarsveitar, Skólatröð 9 Hrafnagilshverfi og á sveitarskrifstofu Svalbarðsstrandarhrepps, Ráðhúsinu, á heimasíðum sveitarfélaganna, www.esveit.is og www.svalbardsstrond.is og á vef Skipulagsgáttar undir málsnúmerum 1066/2023 (Eyjafjarðarsveit) og 1082/2023 (Svalbarðsstrandarhreppur) milli 10. janúar og 14. febrúar 2024. Þeim sem telja sig eiga hagsmuna að gæta er hér með gefinn kostur á að koma athugasemdum á framfæri til 14. febrúar 2024. Hægt er að koma athugasemdum á framfæri undir málunum á vef Skipulagsgáttar með innskráningu rafrænna skilríkja. Frekari upplýsingar er hægt að nálgast hjá Skipulags- og byggingarfulltrúa Eyjafjarðar, Skólatröð 9, 605 Akureyri, eða í tölvupósti á netfangið sbe@sbe.is. Opinn kynningarfundur vegna verkefnisins fer fram í matsal Hrafnagilsskóla, Skólatröð 9 Hrafnagilshverfi, kl. 20:00 fimmtudaginn 1. febrúar 2024. Þar munu fulltrúar beggja sveitarfélaga og aðstandenda verkefnisins kynna skipulagstillöguna og svara fyrirspurnum um málið frá fundargestum. Skipulags- og byggingarfulltrúi

Af óviðráðanlegum orsökum verður bókasafnið lokað föstudaginn 12. janúar. Annars eru venjulegir opnunartímar: Þriðjudagar kl. 14:00-17:00 Miðvikudagar kl. 14:00-17:00 Fimmtudagar kl. 14:00-18:00 Föstudagar kl. 14:00-16:00 Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan. Bókavörður.