Fréttayfirlit

FUNDARBOÐ 612. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, þriðjudaginn 13. júní 2023 og hefst kl. 08:00. Dagskrá: Fundargerðir til staðfestingar 1. Skipulagsnefnd Eyjafjarðarsveitar - 392 - 2306001F 1.1 2305024 - Hrísar - umsókn um stofnun nýrrar landeignar, Hrísar 2 1.2 2305033 - Brúnahlíð Brúarlandi - leiðrétting á skipulagsmörkum 1.3 2305036 - Eyrarland lóð 11-12 - umsókn um stækkun frístundahúss 1.4 2303030 - Stóri-Hamar 1 - ósk um breytingu á aðalskipulagi vegna tveggja efnistökusvæða 1.5 2211017 - Víðigerði II, lóð 2 og 3 - Umsókn um byggingarreit fyrir geymsluhúsnæði 1.6 2306004 - Ásar - umsókn um byggingarreit við íbúðarhús 1.7 2211015 - Umsókn um framkvæmdaleyfi, endurbætur á landbúnaðarlandi og stækkun á túni 2. Skólanefnd Eyjafjarðarsveitar - 266 - 2305008F 2.1 1901017 - Húsnæðismál grunn- og leikskóla 2.2 2304009 - Leikskólinn Krummakot - Fjölgun barna 2.3 2305027 - Mat á skólastarfi, nemenda og starfsmannakönnun Skólapúlsins 2023 3. Framkvæmdaráð - 134 - 2305007F 3.1 2305012 - Ósk um framkvæmd vegna aðsóknar á Krummakot 3.2 2304030 - Gatnagerð í Hrafnagilshverfi 2023 3.3 2106008 - UMF Samherjar - Útikörfuboltavöllur 4. Framkvæmdaráð - 135 - 2306004F 4.1 2306006 - Kýrin Edda - Staðsetning 4.2 2305012 - Ósk um framkvæmd vegna aðsóknar á Krummakot 5. Atvinnu- og umhverfisnefnd - 7 - 2306003F 5.1 2305018 - SSNE - Tillaga að svæðisáætlun um meðhöndlun úrgangs á Noðrurlandi 2023-2036 5.2 2303021 - Gámasvæði - gjaldskrá 5.3 2304028 - Umhverfisverðlaun 2023 6. Velferðar- og menningarnefnd - 7 - 2306002F 6.1 2305020 - Íþróttamiðstöð - Vetraropnunartími sundlaugar 2023 6.2 2305032 - Íþrótta- og Ólympíusamband Íslands - Íþróttavika Evrópu 2023 6.3 2306002 - Íþróttamiðstöð - Starfsemi félagsmiðstöðvar 6.4 2305034 - Bjartur lífsstíll - heilsuefling 60 6.5 2301009 - Smámunasafn Sverris Hermannssonar 6.6 2305015 - Starfsemi og hlutverk héraðsskjalasafna 7. Velferðar- og menningarnefnd - 7 - 2306002F 7.1 2305020 - Íþróttamiðstöð - Vetraropnunartími sundlaugar 2023 7.2 2305032 - Íþrótta- og Ólympíusamband Íslands - Íþróttavika Evrópu 2023 7.3 2306002 - Íþróttamiðstöð - Starfsemi félagsmiðstöðvar 7.4 2305034 - Bjartur lífsstíll - heilsuefling 60 7.5 2301009 - Smámunasafn Sverris Hermannssonar 7.6 2305015 - Starfsemi og hlutverk héraðsskjalasafna Fundargerðir til kynningar 8. HNE - Fundargerð 229 - 2305029 9. Samband íslenskra sveitarfélaga - fundargerð 926 - 2305030 10. Norðurorka - Fundargerð 286. fundar - 2305031 11. Samband íslenskra sveitarfélaga - fundargerð 927 - 2306001 12. Samband íslenskra sveitarfélaga - fundargerð 928 - 2306005 Almenn erindi 13. Hitaveita í Eyjafjarðarsveit - 1901013 Oddviti sveitarstjórnar og sveitarstjóri hafa átt annan fund með eigendum fasteigna á svæðinu frá Sámsstöðum að Stekkjarflötum. Á fundinum var farið yfir helstu forsendur varðandi verkefnið, spurningum svarað og velt upp sviðsmyndum og næstu skrefum. 14. Smámunasafn Sverris Hermannssonar - 2301009 Almenn erindi til kynningar 15. Þormóðsstaðir - Lausafé í landi Þormóðsstaða og Þormóðsstaðasels - 2206018 12.06.2023 Stefán Árnason, skrifstofustjóri.  

Óskum eftir að ráða kennara í 80-100% starf í heimilisfræðikennslu. Um er að ræða tímabundna stöðu til áramóta 2024. Leitað er eftir kennara sem getur unnið að fjölbreyttum verkefnum sem tengjast markmiðum heimilisfræði um heilbrigða lífshætti og neysluvenjur. Leitað er eftir kennara sem: Sýnir metnað í starfi. Vinnur í góðri samvinnu við starfsfólk, nemendur og foreldra. Er fær og lipur í samskiptum. Er skapandi og sýnir sjálfstæði í vinnubrögðum. Ráðið er í starfið frá 1. ágúst 2023. Umsóknarfrestur er til 22. júní 2023. Nánari upplýsingar veitir skólastjóri í síma 699-4209 eða með netpósti á netfangið, hrund@krummi.is.

Líkt og undanfarin ár verður aldurstakmark og gæsla á tjaldsvæðinu í Hrafnagilshverfi í kringum Bíladaga á Akureyri. Dagana 13.-17.júní er tjaldsvæðið því lokað fyrir yngri en 30 ára og verður gæsla á svæðinu til þess að fylgja því eftir.

Félagsleg heimaþjónusta felur í sér margskonar aðstoð við einstaklinga á heimilum sínum sem geta ekki hjálparlaust sinnt daglegum verkefnum vegna öldrunar, veikinda, álags eða fötlunar. Áhersla er lögð á persónulega þjónustu þar sem samskipti og virðing eru höfð í fyrirrúmi. Aðstoð við þrif og önnur heimilisstörf er stórt verkefni í heimaþjónustu en einnig er um að ræða verkefni tengd félagslegum stuðningi og önnur aðstoð og stuðningur. Starfsmaður í heimaþjónustu þarf að vera hvetjandi og jafnframt sýna umburðarlyndi og skilning á aðstæðum þjónustuþega.

Í vikunni 19.-23. júní verður sundlaugin okkar hituð upp vegna sundnámskeiðs leikskólabarnanna okkar og þeirra sem byrja í skóla í haust. Við vonumst til að því verður sýndur skilningur en einnig er kjörið tækifæri til að kíkja með þau yngstu í sund þessa daga. Skráning barna á námskeiðið fer fram á Sportabler. Starfsfólk Íþróttamiðstöðvar.

Starfskraftur óskast við þrif á skrifstofu Eyjafjarðarsveitar og Félagsborg. Vinnutími sveigjanlegur. Nánari upplýsingar á skrifstofu Eyjafjarðarsveitar í síma 463-0600.

Nú er varptíminn í algleymingi og vert að minna á 9. og 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” Í samþykktinni kemur einnig m.a. fram að eigendur eða umráðamenn katta skulu gæta þess að dýrin valdi ekki hættu, óþægindum, óþrifnaði, óöryggi eða verði mönnum til óþæginda á annan hátt. Ef dýrin valda nágrönnum eða öðrum ónæði, óþrifum eða tjóni þá er eiganda eða umráðamanni skylt að leita leiða til að koma í veg fyrir slíkt. Sé ónæði af völdum katta má hafa samband í vaktsíma 463-0615. Sveitarstjóri.

Samkvæmt 7. gr. samþykktar um búfjárhald nr. 581/2013, hefst beitartímabil sauðfjár 10. júní ár hvert og lýkur um göngur á haustin. Beitartímabil vegna nautgripa hefst 20. júní ár hvert og lýkur 1. október sama ár. Beitartímabil hrossa hefst 20. júní ár hvert og lýkur 10. janúar á næsta ári. Áhersla er lögð á að fjallsgirðingar skulu fjár- og gripheldar fyrir 10. júní og séu það til 10. janúar ár hvert sbr. 5. gr. sömu samþykktar. Mælst er til þess að fullorðnum hrútum sé ekki sleppt á afrétt. Sveitarstjóri.

Könnun fyrir foreldra/forsjáraðila vegna þjónustu í þágu barna Mennta- og barnamálaráðuneytið hefur falið Félagsvísindastofnun Háskóla Íslands að gera rannsókn sem mun leggja grunn að mati á árangri farsældarlaga. Einn liður í rannsókninni er að mæla reynslu foreldra/forsjáraðila af núverandi þjónustu sem veitt er í mennta-, félags- og heilbrigðiskerfi, þannig að síðar verði hægt að meta hvort breyting hafi orðið á þjónustunni. Þetta er gert með því að bjóða öllum foreldrum/forsjáraðilum barna á Íslandi, á aldrinum 0 til 17 ára, að svara könnun um málefnið. Hvetjum foreldra/forsjáraðila til að taka þátt í könnuninni. Sjá upplýsingar um rannsóknina — See information about the study — Zobacz informacje o badaniu

Hrafnagilsskóli er grunnskóli í dreifbýli um 12 km. fyrir innan Akureyri og eru um 180 nemendur í skólanum. Hrafnagilsskóli er heilsueflandi grunnskóli og uppeldisstefnan er Jákvæður agi. Skólaþróun síðustu ár hefur m.a. snúist um heilsueflingu, tölvur og tækni. Heimasíða Hrafnagilsskóla er www.krummi.is. Grunnskólakennari/sérkennari í sérdeild Óskum eftir að ráða grunnskólakennara í 80 - 100% starfshlutfall frá 1. ágúst 2023. Um er að ræða stöðu sérkennara í sérdeild unglingsstúlkna og kynsegin einstaklinga sem dvelja á meðferðarheimilinu Bjargeyju sem staðsett er á Laugalandi í Eyjafjarðarsveit. Leitað er eftir kennara sem hefur reynslu af kennslu á unglingastigi. Menntun í sérkennslufræðum er æskileg. Grunnskólakennari á unglingastig, afleysingastaða til eins árs Óskum eftir að ráða grunnskólakennara í 80 - 100% starfshlutfall frá 1. ágúst 2023. Starfið felur aðallega í sér stærðfræðikennslu og umsjón með bekk á unglingastigi. Grunnskólakennari - íþróttakennari í hlutastarf Óskum eftir að ráða íþróttakennara í 50% starfshlutfall frá 1. ágúst 2023. Í starfinu felst íþróttakennsla ásamt öðrum íþróttakennara. Möguleiki er á hærra starfshlutfalli með því að bæta við kennslu innan skólans í öðrum fögum. Menntunar- og hæfniskröfur: Kennaramenntun og réttindi til kennslu í grunnskóla. Lagar kennslu- og starfshætti markvisst að þörfum nemenda. Sýnir metnað fyrir hönd nemenda. Vinnur í samvinnu við kennara og annað fagfólk. Sýnir árangur í starfi. Hæfni í mannlegum samskiptum. Frumkvæði, skipulagsfærni og sjálfstæði í vinnubrögðum. Gott orðspor og krafa um að framkoma og athafnir á vinnustað samrýmist starfinu. Laun kennara eru samkvæmt kjarasamningum Sambands íslenskra sveitarfélaga og Kennarasambands Íslands vegna Félags grunnskólakennara. Nánari upplýsingar um kennarastöðuna í Bjargeyju veitir forstöðumaður Bjargeyjar, Ólína Freysteinsdóttir í gegnum netfangið, olina.freysteinsdottir@bofs.is. Upplýsingar um aðrar stöður veita skólastjórnendur; Hrund Hlöðversdóttir og Björk Sigurðardóttir í símum 464-8100 og 699-4209. Sótt er um lausar stöður með því að senda umsókn, ferilskrá og greinagerð á netföngin; hrund@krummi.is eða bjork@krummi.is. Umsóknarfrestur er til og með 8. júní 2023. Forstöðumaður frístundar Óskum eftir að ráða forstöðumann frístundar í hlutastarf frá 1. ágúst 2023. Vinnutími er milli klukkan 14:00 og 16:00 alla virka daga og einhverja daga frá klukkan 12:00. Forstöðumaður frístundar starfar undir stjórn skólastjóra. Hann ber faglega ábyrgð á starfsemi frístundar, er verkstjóri og næsti yfirmaður starfsmanna í frístund. Hann hefur umsjón með skráningu barna og stendur skil á innheimtulistum þar að lútandi. Uppeldismenntun er æskileg. Leitað er eftir starfsmanni sem: Hefur reynslu af starfi með börnum. Sýnir metnað í starfi. Er fær og lipur í samskiptum. Sýnir sjálfstæði í vinnubrögðum. Getur leyst mál í samvinnu við starfsfólk, nemendur og foreldra. Hefur gott orðspor og gerð er krafa á að framkoma og athafnir á vinnustað sem samrýmist starfinu. Umsóknarfrestur er til og með 8. júní 2023. Nánari upplýsingar veita skólastjórnendur; Hrund Hlöðversdóttir og Björk Sigurðardóttir í símum 464-8100 og 699-4209. Sótt er um stöðuna með því að senda umsókn, ferilskrá og greinagerð með netpósti á netföngin; hrund@krummi.is eða bjork@krummi.is.