Fréttayfirlit

Sveitarstjórn Eyjafjarðarsveitar - 593 FUNDARBOÐ 593. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 8. september 2022 og hefst kl. 08:00. Dagskrá: Fundargerðir til staðfestingar 1. Atvinnu- og umhverfisnefnd - 1 - 2208011F 1.1 2103006 - Kosning ritara nefndarinnar 1.2 2208014 - Kynning á stafrænu umhverfi og skipulagi 1.3 2208003 - Erindisbréf atvinnu- og umhverfisnefnd 1.4 2208024 - Ákvörðun um fundartíma og áætlaðir fundir vetrarins 1.5 2208025 - Frumkvöðlaeldhús í Eyjafjarðarsveit 2. Skipulagsnefnd Eyjafjarðarsveitar - 373 - 2209002F 2.1 2209009 - Kosning varaformanns 2.2 2103006 - Kosning ritara nefndarinnar 2.3 2208022 - Örk - Umsókn um tvo byggingarreiti 2.4 2208031 - Akureyrarbær - Breyting á deiliskipulagi vegna stofnstígs meðfram Leiruvegi 2.5 2104003 - Kroppur - Íbúðasvæði 2.6 2208023 - Ölduhverfi framkvæmdaleyfi vegna vinnubúða 2.7 1901023 - Ósk um leyfi fyrir vinnu við aðalskipulagsbreytingu og deiliskipulagi í landi Leifsstaða II 2.8 2209003 - Reykhús 4 - aðalskipulagsbreyting Fundargerðir til kynningar 3. Norðurorka - Fundargerð 276. fundar - 2209011 4. Norðurorka - Fundargerð 277. fundar - 2209010 Almenn erindi 5. Samningur um sameiginlegt umdæmisráð barnaverndar á landsvísu - 2209004 06.09.2022 Stefán Árnason, skrifstofustjóri.

Velferðar- og menningarnefnd auglýsir eftir áhugasömum aðilum til að taka þátt í ritnefnd Eyvindar. 

Í tilefni af 75 ára afmæli RARIK verður efnt til málþinga í september í Stykkishólmi, á Selfossi, Egilsstöðum og Akureyri, dagana 7. til 13. september. Yfirskrift málþinganna er: Rafmagnið í lífi okkar – hreyfiafl landsbyggðar til framtíðar Á málþingunum verður fjallað um orkuskipti og önnur spennandi verkefni sem framundan eru í orkumálum og hlutverk RARIK sem framsækið tæknifyrirtæki í þeim breytingum. Málþingin verða öllum opin og aðgangur ókeypis. Húsin opna klukkan 16:30 og verður boðið upp á léttar veitingar ásamt lifandi tónlist um leið og fulltrúar RARIK munu spjalla við gesti um helstu verkefni sem unnið hefur verið að á hverju svæði og svara spurningum. Að því loknu klukkan 17:00 mun Magnús Þór Ásmundsson forstjóri RARIK hefja málþingin en eftirfarandi frummælendur munu taka til máls: Ný tækifæri í breyttri framtíð Bergur Ebbi rithöfundur og ráðstefnustjóri. Afhendingaröryggi og þjónusta RARIK stendur frammi fyrir hraðri tæknivæðingu samtímans og áskorunum framtíðarinnar með auknum kröfum um gæði rafmagns, sveigjanlega notkun og fyrirsjáanlega þjónustu. Helga Jóhannsdóttir, framkvæmdastjóri rekstrarsviðs RARIK. Orkuskipti og loftslagsmál Loftslagsbreytingar eru ein mesta áskorun samtímans. Fjallað verður um stöðuna í orkuskiptum frá sjónarhóli RARIK. Kjartan Rolf Árnason, deildarstjóri kerfisstýringar RARIK. Verðskráin í nútíð og framtíð Það kostar að koma rafmagninu á milli staða. En hvernig er verðskráin ákveðin og hver er munurinn á framleiðslu, sölu og dreifingu? Getur regluverk um raforkumál verið skemmtilegt? Silja Rán Steinberg Sigurðardóttir, þróunarstjóri nýsköpunar og greininga hjá RARIK. Konur í orkumálum Hver er staða jafnréttismála í orkugeiranum? Hver eru tengsl kynjajafnréttis á vinnustað og frammistöðu fyrirtækja og metnaðarfullra skuldbindinga þeirra um sjálfbæra framtíð? Hildur Harðardóttir, formaður Kvenna í orkumálum og verkefnisstjóri á sviði samfélags og umhverfis hjá Landsvirkjun. Á milli dagskráratriða verða birt stutt myndbrot úr kynningarmyndbandi sem unnið hefur verið í tilefni afmælisins. Málþing RARIK verða eftirtalda daga: 7. september – Hótel Stykkishólmur 8. september – Hótel Selfoss 12. september – Hótel Valaskjálf, Egilsstöðum 13. september – Hof - Hamrar, Akureyri Húsin opna klukkan 16:30 með léttum veitingum og dagskrá málþinga hefst klukkan 17:00 og stendur til 18:30.

Sveitarstjórn Eyjafjarðarsveitar samþykkti á fundi sínum þann 25. ágúst 2022 sl. að vísa aðal- og deiliskipulagstillögu fyrir íbúðarbyggð í landi Eyrarlands í kynningarferli. Í aðalskipulagstillögunni felst að byggingarheimildir á íbúðarsvæði ÍB14, þar sem í gildandi aðalskipulagi er gert ráð fyrir 10 íbúðarhúsum, eru auknar í 15 hús. Deiliskipulagstillagan tekur til tíu íbúðarlóða á íbúðarsvæði ÍB14, á spildu austan Veigastaðavegar og sunnan íbúðarbyggðarinnar Kotru.

Sveitarstjórn Eyjafjarðarsveitar samþykkti á fundi sínum þann 25. ágúst 2022 sl. að vísa deiliskipulagstillögu fyrir frístundabyggð í landi Samkomugerðis 1 í kynningarferli. Aðalskipulagstillagan gerir ráð fyrir nýju frístundasvæði á landeigninni Samkomugerði 1 landsp. 1 þar sem heimilt er að byggja þrjú frístundahús. Deiliskipulagstillagan gerir ráð fyrir tveimur frístundahúsum og er byggingarheimild fyrir einu húsi á svæðinu því óráðstafað að sinni.

Sundlaugin opin til kl. 20:00 á laugardaginn fyrir þreytta gangnamenn Laugardaginn 3. september verður sundlaugin opin til kl. 20:00, þannig að gangnamenn geti komið og látið þreytuna líða úr sér í heita pottinum. Bjóðum alla gangnamenn velkomna.

Sveitarstjórn Eyjafjarðarsveitar samþykkti á fundi sínum þann 25. ágúst sl. að vísa skipulagslýsingu fyrir fyrirhugaða íbúðarbyggð á landeigninni Bilskirni í kynningarferli. Skipulagsverkefnið lýtur að einni nýrri íbúðarlóð á svæði sem auðkennt er ÍB19 í Aðalskipulagi Eyjafjarðarsveitar 2018-2030. Skipulagslýsingin er aðgengileg á sveitarskrifstofu Eyjafjarðarsveitar, Skólatröð 9 Hrafnagilshverfi, milli 31. ágúst og 13. september 2022 sem og á heimasíðu sveitarfélagsins, esveit.is.

Foreldrar barna í 8. bekk ættu nú þegar að hafa fengið tölvupóst með nánari upplýsingum um fermingarfræðsluna í vetur. Miðvikudaginn 21. september verður kvöldhelgistund í Grundarkirkju þar sem fermingarbörn og fjölskyldur þeirra verða boðin velkomin. Nánar auglýst síðar. Barnastarf fyrir 10 - 12 ára börn hefst á miðvikudögum í október. Helgihaldið hefst sömuleiðis innan tíðar og verður auglýst er nær dregur. Síðast en ekki síst þá hvetjum við sveitunga okkar og önnur áhugasöm að taka þátt í öflugu kórastarfi í heimasveit í vetur. Kirkjukór Grundarsóknar getur bætt við sig félögum fyrir spennandi starfsár. Kórinn er frábær félagsskapur sem æfir á mánudagskvöldum undir stjórn Þorvaldar Arnar Davíðssonar organista. Nánari upplýsingar á thorvaldurorn@akirkja.is Ég minni svo á að lokum að öllum er öllum er vekomið að óska eftir samtali við prest og viðtalsþjónusta ætíð án endurgjalds. Viðtöl fara fram á skrifstofu minni í Akureyrarkirkju eða í heimahúsum ef þess er óskað. Jóhanna prestur, johanna.gi@kirkjan.is, s: 696-1112

Þann 1. september tekur vetraropnum bókasafnsins við. Þá er safnið opið fyrir almenning sem hér segir: Þriðjudaga frá 14.00-17.00 Miðvikudaga frá 14.00-17.00 Fimmtudaga frá 14.00-18.00 Föstudaga frá 14:00-16:00 Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan. Einnig er hægt að nota sundlaugarinnganga og ganga úr anddyri niður í kjallara.

Velferðar- og menningarnefnd auglýsir eftir aðilum sem hafa áhuga á að sjá um eða taka þátt í undirbúningi á Fullveldishátíð sveitarfélagsins sem fram fer þann 1. desember 2022.