Fréttayfirlit

Íhugunarstund
Á föstudaginn langa 22. apríl verður íhugunarstund í Munkaþverárkirkju kl. 11. Kirkjan hefur löngum íhugað píslargöngu frelsarans. Að þessu sinni verða skoðuð nokkur listaverk eftir Caravaggio, Massys, Hieronymus, Chagall, Munk og Denis. Meðan verða lesnir íhugunartextar og úr Passíusálmum Hallgíms Péturssonar. Lesarar eru ásamt presti Aníta Jónsdóttir, Leifur Guðmundsson og Valgerður Schiöth. Daníel Þorsteinsson organist leikur tónlist inn á milli lestra.

Hátíðarmessur
Á páskadag verða hátíðarmessur í Grundarkirkju kl. 11 og Kaupangskirkju kl. 13.30.

Kær kveðja, Guðmundur Guðmundsson, héraðsprestur í Eyjafjarðarprófastsdæmi

Páskabingó verður haldið í Funaborg Eyjafjarðarsveit laugardaginn 16. apríl kl. 13:30.
Komdu og þú getur unnið páskasteik frá Norðlenska, ásamt mörgum öðrum  glæsilegum vinningum. Spjaldið kostar kr. 500.- og kr. 250.- eftir hlé.
Hestamannafélagið Funi

Fermingarmessa verður í Hólakirkju á pálmasunnudag 17. apríl kl. 11.
Fermdir verða Ágúst Örn Víðisson, Ártröð 1 og Guðmundur Viðar Ingvarsson, Ártúni.
Kær kveðja, Guðmundur Guðmundsson, héraðsprestur í Eyjafjarðarprófastsdæmi

401. fundur sveitarstjórnar Eyjafjarðarsveitar verður haldinn að Syðra Laugalandi, þriðjudaginn 12. apríl n.k. og hefst hann kl. 15:00.
Sveitarstjóri

Verður haldinn fimmtudaginn 7. apríl kl. 17:00 á Öngulsstöðum Eyjafjarðarsveit.
Á fundinum verða venjuleg aðalfundarstörf samkvæmt samþykktum um störf deilda félagsins. Framkvæmdarstjóri og stjórnarformaður mæta á fundinn.
Stjórnin

Kjörstaður í Eyjafjarðarsveit verður í Hrafnagilsskóla.

Kjörfundur hefst kl. 10:00 og lýkur kl. 18:00.

Á kjörstað gerir kjósandi grein fyrir sér með framvísun skilríkja eða á annan fullnægjandi hátt. Þeir sem eiga erfitt með gang mega aka að inngangi skóla.

Á kjördegi hefur kjörstjórn aðsetur í Hrafnagilsskóla, sími 464-8100 eða 899-4935.
Kjörstjórnin í Eyjafjarðarsveit 29. mars 2011,
Emilía Baldursdóttir, Ólafur Vagnsson, Níels Helgason

Næstkomandi sunnudag 3. apríl verður messa í Möðruvallakirkju kl. 13.30. Kór Ólafsfjarðarkirkju kemur í heimsókn og syngur við messuna ásamt Kór Laugalandsprestakalls. Sr. Sigríður Munda Jónsdóttir, sóknarprestur í Ólafsfirði og sr. Guðmundur Guðmundsson verða með samtalsprédikun um boðunardag Maríu. Sóknarnefndirnar í prestakallinu bjóða í kirkjukaffi eftir messu. Allir hjartanlega velkomnir.

Minjasafnið á Akureyri óskar eftir áhugasömum aðilum til að reka veitingasölu og veitingasal í Laufási í Grýtubakkahreppi – 30 km frá Akureyri.

Í Laufási er rekin umfangsmikil ferðaþjónusta í kringum Gamla bæinn Laufás. Góð tengsl eru við ferðaþjónustuaðila og  gestafjöldi stöðugur.  Möguleikar á frekari útleigu á 80 manna veitingasal.

Gamli bærinn í Laufási er opinn frá 9-18 alla daga frá 29. maí til 12. september.
Allar nánari upplýsingar gefur safnstjóri Haraldur Þór Egilsson í síma 462-4162 alla virka daga. haraldur@minjasafnid.is

Tilboð berist fyrir 31. mars. n.k.

MINJASAFNIÐ Á AKUREYRI –AÐALSTRÆTI 58 –S: 462-4162 –WWW.MINJASAFNID.IS