Fréttayfirlit

Hátíðin sem nú verður haldin í 22. sinn velur ríflega 100 sýnendur úr fjölda umsókna. Þeir eru lærðir sem leikir af öllu landinu og selja fjölbreytt handverk og hönnun. Stemningin á sýningarsvæðinu er einstök, það sanna þær 15-20 þúsund heimsóknir sem sýningin fær nú árlega. Hátíðin fer fram dagana 7. – 10. ágúst og rennur umsóknarfresturinn út 1. apríl.

Fimmtudaginn 13. mars fór fram 93. ársþing UMSE. Þingið var haldið að Rimum í Svarfaðardal í umsjón Umf. Þorsteins Svörfuðar. Vel var mætt á þingið og voru þátttakendur alls 44, fulltrúar frá aðildarfélögum og stjórn, gestir og starfsmenn þingsins.

FUNDARBOÐ 445. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 19. mars 2014 og hefst kl. 15:00

Með vísan til ákvæða 1. mgr. 41. gr. skipulagslaga nr. 123/2010 og í samræmi við ákvörðun sveitarstjórnar Eyjafjarðarsveitar, 18. nóvember 2013, er hér með auglýst tillaga að deiliskipulagi efnisnámu sunnan Þverár ytri í Eyjafjarðarsveit ásamt tilheyrandi umhverfisskýrslu.

Mörg börn lögðu leið sína á skrifstofuna í dag til að syngja og fá góðgæti að launum. Börnin hafa lagt mikla vinnu og metnað í skrautlega búninga. Nokkrar myndir voru teknar af þessum duglegu krökkum.

Næstu daga mun RHA – Rannsókna- og þróunarmiðstöð Háskólans á Akureyri hringja í öll heimili í sveitarfélaginu og leggja fyrir nokkurrar spurningar er varða þetta málefni. Góð þátttaka tryggir marktækar niðurstöður sem í framhaldinu verður unnið með. Farið verður með allar upplýsingar sem trúnaðarmál. Búið er að senda öllum heimilium bréf með bakgrunnsupplýsingum fyrir könnunina. Hvetjum við alla íbúa til að kynna sér innihald bréfsins svo þeir geti tekið upplýsta afstöðu.

Í undirbúningi er að flytja ábyrgð á þjónustu við aldraða frá ríki til sveitarfélaga árið 2015. Félagsmálanefnd Eyjafjarðarsveitar leitaði þess vegna til iðjuþjálfunarfræðideildar Háskólans á Akureyri og óskaði eftir samstarfi um könnun á þjónustu og búsetuúrræðum í sveitarfélaginu. Nefndin hugar að framtíðarstefnumótun og vantaði gögn um viðhorf, óskir og þarfir aldraðra íbúa sveitarfélagsins til að taka mið af við þá vinnu.

444. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 26. febrúar 2014 og hefst kl. 15:00

Svæðisskipulagsnefnd Eyjafjarðar hefur á undanförnum árum unnið að gerð nýs svæðisskipulags. Nefndin hóf í byrjun ársins 2013 kynningu á tillögu að Svæðisskipulagi Eyjafjarðar 2012 – 2024 í samræmi við verklagsreglur í skipulagslögum nr. 123/2010. Kynningarferlinu lauk í lok árs með því að öll aðildarsveitarfélög skipulagsins sem eru Grýtubakkahreppur, Svalbarðsstrandar-hreppur, Eyjafjarðarsveit, Akureyrarbær, Hörgársveit, Dalvíkurbyggð og Fjallabyggð samþykktu tillöguna. Hún var síðan staðfest af Skipulagsstofnun 21. jan. 2014 og birtist auglýsing um staðfest skipulag í B-deild Stjórnartíðinda hinn 4. feb. s. l

Áttavitinn er upplýsingagátt miðuð að ungu fólki á aldrinum 16-25 ára. Á síðunni má finna hagnýtan fróðleik sem viðkemur hinum ýmsu sviðum lífsins. Helsta markmið Áttavitans er að styrkja ungt fólk í að taka upplýstar ákvarðanir og velja jákvæða lífleið. Vefsíðunni er ætlað að auðvelda ungu fólki að finna góðar og áreiðanlegar upplýsingar, setja flókna hluti fram á mannamáli og lista upp þau tækifæri og réttindi sem standa ungu fólki til boða.