Fréttayfirlit

Á fundi fjallskilanefndar 24. júlí voru samþykktir eftirfarandi gangnadagar fyrir haustið 2018. 1. göngur í Öngulsstaðadeild sunnan Fiskilækjar verði föstudaginn 31. ágúst og laugardaginn 1. september. Norðan Fiskilækjar og í Hrafnagils- og Saurbæjardeild verður gengið 8.-9. september. 2. göngur verði tveim vikum síðar þ.e. 14.-15. september og 21.-22. september. Hrossasmölun verður föstudaginn 5. október. Stóðréttir verði 6. október Ef efni eru til eftirleitar skal miðað við að þær verði farnar eigi síðar en 21. október.

Þann 20. júlí 2018, kl. 11:00, voru á skrifstofu Eyjafjarðarsveitar opnuð tilboð í verkið „Hjóla- og göngustígur – malbikun“. Tvö tilboð bárust í verkið. Tilboðsgjafar: Hlaðbær Colas hf kr. 66.234.000.- Malbikun Akureyrar hf kr. 59.155.000.- Kostnaðaráætlun var kr. 73.255.000.-

Atvinna - Húsnæði Laust er til umsóknar starf húsvarðar í félagsheimilinu Freyvangi. Í starfinu felst umsjón með útleigu, þrif og fl. Gerð er krafa um gott viðmót, reglusemi og snyrtimennsku. Húsvörður þarf að vera búsettur í íbúð sem fylgir starfinu. Íbúðin er lítil tveggja herbergja, með stigauppgöngu og hentar vel einstaklingi eða pari. Umsóknarfrestur er til og með 7. ágúst 2018. Umsóknum skal skilað á skrifstofu Eyjafjarðarsveitar, Skólatröð 9, eða í tölvupósti á netfangið esveit@esveit.is. Nánari upplýsingar eru veittar á skrifstofu Eyjafjarðarsveitar í síma 463-0600 eða esveit@esveit.is.

Verkið felur í sér malbikun á götu, gangstétt og lagningu kantsteins. Helstu magntölur eru: Malbikun gata AC11 (t=50 mm )2200 m2 Malbikun gangstétt AC8 (t=50 mm) 820 m2 Staðsteyptir járnbentir kantsteinar, hæð 10-12 cm 480 metrar. Verklok skulu vera eigi síðar en 21. september 2018. Kynningarfundur og/eða vettvangsskoðun verður haldin með bjóðendum 9. júlí 2018 kl. 13:00 á skrifstofu Eyjafjarðarsveitar, Skólatröð 9, 2. hæð. Bjóðendur eru einnig hvattir til að kynna sér aðstæður á verkstað. Afhending gagna er frá 6. júlí 2018. Þeir sem óska eftir útboðsgögnum skulu gera það með því að senda tölvupóst á netfangið esveit@esveit.is með efnislínu (e. subject) Bakkatröð Malbik 1807010.

Eyjafjarðarsveit óskar eftir tilboðum í malbikun hjólreiða- og göngustígs frá sveitarfélagsmörkum Akureyrar og Eyjafjarðarsveitar að Hrafnagilshverfi. Verkið felur í sér malbikun á 2,5 m. breiðum hjólreiða- og göngustíg. Lengd stígsins er um 7.200 m. Helstu magntölur eru: Malbikun Y11 (t=40 mm, B=2,5 m) 18.000 m2 Verklok skulu vera eigi síðar en 21. september 2018. Kynningarfundur og/eða vettvangsskoðun verður haldin með bjóðendum 9. júlí 2018 kl. 11:00 á skrifstofu Eyjafjarðarsveitar, Skólatröð 9, 2. hæð. Bjóðendur eru einnig hvattir til að kynna sér aðstæður á verkstað. Afhending gagna er frá 5. júlí 2018. Þeir sem óska eftir útboðsgögnum skulu gera það með því að senda tölvupóst á netfangið esveit@esveit.is með efnislínu (e. subject) Hjólastígur Malbik 1101011.

Eyjafjarðarsveit auglýsir starf sveitarstjóra laust til umsóknar. Umsóknarfrestur er til og með 29. júlí.

Um er að ræða 100% stöður deildarstjóra/leikskólakennara/leiðbeinanda Leikskólakennari, leikskólaliði eða starfsmaður með aðra menntun sem nýtist í starfi og/eða reynslu af vinnu með ungum börnum óskast til starfa í leikskólann Krummakot.

518. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 28. júní 2018 og hefst kl. 15:00

Leitum að ábyrgum, jákvæðum, áhugasömum og hugmyndaríkum einstaklingi í hlutastarf, til að sjá um félagsmiðstöðina Hyldýpið á Hrafnagili í Eyjafjarðarsveit. Gerum kröfu um frumkvæði, góða samskiptahæfileika og hreint sakavottorð. Reynsla af vinnu í félagsmiðstöð er kostur. Umsóknarfrestur er til og með 1. júlí. Allar fyrirspurnir og umsóknir berist á netfangið sundlaug@esveit.is.

Sumaropnunartími sundlaugar Eyjafjarðarsveitar tekur gildi í dag, 13. júní. Mánudag – föstudag 06:30 – 22:00 Laugardag – sunnudag 10:00 – 20:00