Fréttayfirlit

UMF Samherjar ætla að bjóða tilvonandi fyrstu bekkingum í Hrafnagilsskóla upp á sundnámskeið í vikunni 16. – 20. ágúst n.k. Um er að ræða börn sem fædd eru 2015. Námskeiðið verður í fimm skipti, frá mánudegi til föstudags. Lagt er upp með tvo hópa, sá fyrri kl. 14-15 og seinni kl. 15-16. Venjulega eru börnin ofan í lauginni í um 35 mínútur. Kennari verður Kolfinna Ólafsdóttir sem hefur reynslu í umsjón með námskeiðum af þessu tagi. Skráningargjald er kr. 5.000.- og verða sendar út kröfur í netbanka. Skráningu skal senda á netfangið samherjar@samherjar.is með upplýsingum um nafn og kennitölu barns og kennitölu greiðanda. Við lítum á þetta sem gott tækifæri fyrir nýja grunnskólanemendur að koma og þjálfa sig í umgengni í búningsherbergjum og sundlauginni sjálfri áður en skólastarfið hefst. Stjórn UMF Samherja.

Boðað er til 569. fundar sveitarstjórnar Eyjafjarðarsveitar haldinn fimmtudaginn 12. ágúst klukkan 8:00 í fundarsal 2.

Sveitarfélagið leitar til staðkunnugra göngugarpa á svæðinu eftir hnitsettum gönguleiðum til að sameina á kortagrunn sveitarfélagsins. Eyjafjarðarsveit fékk á dögunum styrk frá Framkvæmdasjóði ferðamannastaða til að vinna betur með þær fjölmörgu gönguleiðir sem merktar eru á aðalskipulag sveitarfélagsins og spanna vel yfir 200 kílómetra samtals.

1. göngur verða gengnar 3.-5. september. 2. göngur verða tveim vikum síðar þ.e. 17.-19. september. Hrossasmölun verður föstudaginn 1. október. Stóðréttir verða 2. október.

Þeir sem halda allt sauðfé og öll hross heima eru beðnir að tilkynna það til skrifstofu Eyjafjarðarsveitar í seinasta lagi sunnudaginn 22. ágúst með tölvupósti á póstfangið esveit@esveit.is eða í síma 463-0600. Lagt verður á eftir forðagæsluskýrslum þeirra sem sleppa á afrétt. Þá verður lagt á eftirgjald í fjallskilasjóð kr. 60 fyrir hverja kind og hvert hross sömu aðila.

Skrifstofa Eyjafjarðarsveitar verður lokuð frá 19. júlí til og með 30. júlí vegna sumarleyfa starfsfólks. Þeim sem þurfa nauðsynlega að ná sambandi við sveitarfélagið er bent á vaktsíma Eyjafjarðarsveitar 463-0615. Auglýsingablaðið. Síðasta blaði fyrir sumarlokun skrifstofu verður dreift fimmtudaginn 15. júlí. Næsta auglýsingablað eftir sumarlokun kemur út fimmtudaginn 5. ágúst. Skilafrestur auglýsinga er á þriðjudögum fyrir kl. 10:00.  

Í dag var gengið til samninga við Verkís um verkfræðihönnun á nýjum leikskóla og viðbyggingum og breytingum á húsnæði Hrafnagilsskóla. Hönnun hefst strax og er áætlað að henni sé að fullu lokið í nóvember. Ráðgert er að hönnun sökkla og botnplötu leikskóla ljúki um miðjan ágúst.

Um er að ræða 60% stöðu í þrifum, öðrum tilfallandi verkefnum og afleysingu á deildum frá og með 10. ágúst. Leikskólinn er í Hrafnagilshverfi. Við mat á umsóknum er horft til eftirfarandi: • Lipurðar í samskiptum • Íslenskukunnáttu • Reynslu og/eða menntun sem nýtist í starfi Frekari upplýsingar veitir Erna Káradóttir leikskólastjóri í síma 464-8120, netfang erna@krummi.is. Umsóknarfrestur er til og með 15. júlí 2021. Umsóknum skal fylgja ferilskrá og upplýsingar um meðmælendur. Umsóknir skal senda til leikskólastjóra á netfangið erna@krummi.is.  

Kæru íbúar rétt í þessu fékk ég hringingu frá aðila með sumarhús við Hestvatn inn við Leyningshóla. Hafði þar verið brotist inn og töluverðum verðmætum stolið bæði stórum og smáum. Ljóst er að þjófagengi er hér á ferð og mikilvægt að allir fylgist vel með. Tilkynnið endilega beint til lögreglu ef þið sjáið grunsamlegar mannaferðir á svæðinu, hjálpumst að við að losa okkur við óæskilega heimsókn sem þessa.

Sveitarstjórn Eyjafjarðarsveitar samþykkti á fundi sínum 16. júní sl. að vísa skipulagslýsingu vegna breytingar á Aðalskipulagi Eyjafjarðarsveitar 2018-2030 og deiliskipulags fyrir fyrsta áfanga íbúðarhverfis í landi Kropps (Ölduhverfi) í kynningarferli skv. 1. mgr. 30. gr. og 1. mgr. 40. gr. skipulagslaga nr. 123/2010.