Fréttayfirlit

Í Hrafnagilsskóla er nú auglýst eftir grunnskólakennurum tímabundið í afleysingastöður. Annars vegar umsjónarkennarastöðu á yngsta stigi fram til áramóta og hins vegar stöðu kennara á unglingastigi í apríl og maí. Ráðið er frá 15. mars 2013.

Mörg börn lögðu leið sína á skrifstofuna í dag m.a. til að syngja í von um að fá góðgæti að launum. Voru búningar þeirra eins skrautlegir og þau voru mörg. Nokkrar myndir voru teknar af þessum duglegu krökkum ásamt nokkrum fullorðnum sem slæddust með.

Síminn hefur ákveðið að setja upp Ljósnet á 53 þéttbýlisstöðum á landsbyggðinni á árinu. Meðfylgjandi bréf barst Jónasi Vigfússyni í byrjun febrúar frá Sævari Frey Þráinssyni, forstjóra Símans.

Eyjafjarðarsveit óskar eftir að ráða umsjónarmann Smámunasafns Sverris Hermannssonar. Um er að ræða fullt starf yfir sumartímann, en hlutastarf á öðrum tímum. Umsóknarfrestur um starf þetta er til og með 28. febrúar. Umsóknir skulu vera skriflegar og þeim fylgi upplýsingar um menntun og starfsreynslu. Umsóknir sendist á skrifstofu Eyjafjarðarsveitar Skólatröð 9, 601 Akureyri. Nánari upplýsingar veitir Jónas Vigfússon, sveitarstjóri í síma 463 0600.

429. fundur sveitarstjórnar Eyjafjarðarsveitar sem halda átti 6. febrúar í fundarstofu 1, Skólatröð 9, kl. 12:00 er frestað til miðvikudagsins 13. febrúar n.k. vegna forfalla.

Eyjafjarðarsveit sendir ekki út álagningarseðla fyrir fasteignagjöldum. Álagningarseðlar eru birtir rafrænt á vefsíðunni island.is undir "Mínar síður". Innskráning er með veflykli ríkisskattstjóra eða rafrænum skilríkjum. Gjalddagar fasteignagjalda eru fimm frá 1. febrúar til 1. júní.

Upplýsingar um barnalífeyri, þ.e. rétt til barnalífeyris og hvernig sótt er um.

Þorrablót Eyjafjarðarsveitar verður haldið í Íþróttahúsi Hrafnagilsskóla laugardaginn 2. febrúar næstkomandi. Húsið verður opnað kl. 19:45 og blótið sett kl. 20:30. Veislustjórar kvöldsins verða Oddur Bjarni Þorkelsson og Sævar Sigurgeirsson, söngvarar úr Ljótu hálfvitunum, þrautreyndir leikarar og grínarar. Hljómsveitin Einn og sjötíu leikur fyrir dansi fram á rauða nótt. Miðapantanir og miðasala sem hér segir:

Sorphirðudagatali fyrir 2013 verður dreift um sveitarfélagið með næsta Auglýsingablaði. Dagatalið er einnig að finna undir: Þjónusta - umhverfismál - sorphirða/gámasvæði

Tillaga að svæðisskipulagi Eyjafjarðar 2012-2024 er nú til kynningar. Svæðisskipulagið tekur til sveitarfélaganna sjö við Eyjafjörð þ. e. Fjallabyggðar, Dalvíkurbyggðar, Hörgársveitar, Akureyrarbæjar, Eyjafjarðarsveitar, Svalbarðsstrandarhrepps og Grýtubakkahrepps.