Fréttayfirlit

Sveitarstjórnarkosningar fara fram 31. maí næstkomandi og verður þá kosið hverjir muni halda um stjórnartaumana í sveitarstjórnum um land allt. Allir þeir sem náð hafa kosningaaldri eru hvattir til að nýta sér kosningarétt sinn og taka afstöðu. Samband íslenskra sveitarfélaga hefur sett í gang gagnvirka herferð til þess að vekja athygli á því að með atkvæði sínu getur fólk haft bein áhrif á hvernig nærumhverfi þess mótast næstu árin. Herferðin nefnist: Er þér alveg sama?

Á fundi sveitarstjórnar Eyjafjarðarsveitar 23. maí s.l. var eftirfarandi bókun gerð vegna bókunar skólanefndar frá 21. maí s.l.: „Sveitarstjórn vísar til fyrri ákvarðana um þetta mál og telur ekki ástæðu til að breyta þeim. En vegna bókunar skólanefndar og túlkunar á bréfi frá Menntamálaráðuneytinu sem hefur verið til umfjöllunar í fjölmiðlum telur sveitarstjórn rétt að birta fyrirliggjandi minnisblöð dags. 25. apríl og 23. maí. Fulltrúar F-listans þeir JS, BS og LG ítreka fyrri afstöðu sína í málinu.”

449. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, föstudaginn 23. maí 2014 og hefst kl. 15:00.

H – listinn stendur fyrir opnum fundi í tengslum við sveitarstjórnarkosningarnar þangað sem sveitungum okkar er boðið að koma og ræða málin við frambjóðendur. Sveinn Ásgeirsson fjallar sérstaklega um endurvinnslumál og Sigurgeir Bjarni fjallar um fjarskiptamál. Fundurinn verður haldinn miðvikudaginn 21. maí kl. 20:00 á Smámunasafninu.

448. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, föstudaginn 16. maí 2014 og hefst kl. 15:00

Kynningarfundur verður haldinn í matsal Hrafnagilsskóla mánudaginn 19. maí kl. 20:00. Kynntur verður viðauki við aðalskipulag sveitarfélagsins með skýringum og viðbótum við gildandi skipulag. Markmiðið með viðaukanum er að skýra reglur um ýmis atriði og samþykkja nýjar reglur þar sem talin er þörf á. Auk þess er tilgreindar áorðnar breytingar á skipulaginu.

Óskum eftir að ráða grunnskólakennara að Hrafnagilsskóla í Eyjafjarðarsveit. Um er að ræða umsjónarkennarastöðu á yngsta stigi. Ráðið er frá 1. ágúst 2014. Í Hrafnagilsskóla er stuðst við kennsluaðferðirnar Byrjendalæsi og Orð af orði á yngsta stigi.

Rekstur Eyjafjarðarsveitar gekk vel á árinu 2013 og var rekstrarafgangur fyrir fjármagnsliði um 41,5 milljónir sem er um 5,3 % af tekjum. Að teknu tilliti til fjármagnsliða var afgangur af rekstri sveitarfélagsins um 31,5 milljónir eða 4,1 % af tekjum. Kennitölur úr rekstri sveitarfélagsins bera vott um mjög trausta stöðu. Veltufé frá rekstri er 64,2 milljónir sem eru um 8,3% af rekstrartekjum. Eigið fé nemur 636.4 milljónum og er eiginfjárhlutfall 66,4%. Skuldaviðmið er 41,4 % sem er langt innan þess 150 % hámarks sem kveðið er á um í lögum.

Á yfirstandandi skólaári hefur verið gerð tilraun með samþættingu skólaaksturs og almenningssamgangna í sveitarfélaginu. Rannsókna- og þróunarmiðstöð Háskólans á Akureyri var fengin til að framkvæma könnun meðal heimila í sveitarfélaginu. Á fundi sveitarstjórnar þann 30. apríl s.l. var fjallað um niðurstöður könnunarinnar.

Tekið verður á móti ull í Eyjafjarðarsveit föstudaginn 2. maí n.k. milli kl. 10:00 og 12:00 á Melgerðismelum og á Svertingsstöðum milli kl. 13:00-14:30. Það verður að vera búið að merkja, vigta og skrá ullina áður en komið er með hana á staðinn. Athugið að þetta er síðasta ferð í ullarsöfnun. Rúnar Jóhannsson gsm 847-6616 / Birgir Gullbrekku gsm 845-0029