Fréttayfirlit

Svæðisskipulagsnefnd Eyjafjarðar hefur á undanförnum árum unnið að gerð nýs svæðisskipulags. Nefndin hóf í byrjun ársins 2013 kynningu á tillögu að Svæðisskipulagi Eyjafjarðar 2012 – 2024 í samræmi við verklagsreglur í skipulagslögum nr. 123/2010. Kynningarferlinu lauk í lok árs með því að öll aðildarsveitarfélög skipulagsins sem eru Grýtubakkahreppur, Svalbarðsstrandar-hreppur, Eyjafjarðarsveit, Akureyrarbær, Hörgársveit, Dalvíkurbyggð og Fjallabyggð samþykktu tillöguna. Hún var síðan staðfest af Skipulagsstofnun 21. jan. 2014 og birtist auglýsing um staðfest skipulag í B-deild Stjórnartíðinda hinn 4. feb. s. l

Áttavitinn er upplýsingagátt miðuð að ungu fólki á aldrinum 16-25 ára. Á síðunni má finna hagnýtan fróðleik sem viðkemur hinum ýmsu sviðum lífsins. Helsta markmið Áttavitans er að styrkja ungt fólk í að taka upplýstar ákvarðanir og velja jákvæða lífleið. Vefsíðunni er ætlað að auðvelda ungu fólki að finna góðar og áreiðanlegar upplýsingar, setja flókna hluti fram á mannamáli og lista upp þau tækifæri og réttindi sem standa ungu fólki til boða.

Í dag á Degi leikskólans, mun valnefnd á vegum FL, FSL, samtaka Heimilis og skóla, mennta- og menningarráðuneytisins og Samband sveitarfélaga veita viðurkenninguna Orðsporið þeim sem þykja hafa skarað fram úr á einhvern hátt í aðkomu sinni að leikskólastarfi eða málefnum þeim tengdum.

Nú er hægt að sækja um þátttöku á Handverkshátíð 2014. Rafrænt umsóknareyðublað er að finna á heimasíðu hátíðarinnar undir "Umsókn" efst í valstikunni. Umsóknarfresturinn rennur út 1. apríl n.k.. Niðurstaða valnefndar liggur fyrir þann 9. maí 2014 og verður öllum umsóknum svarað.

443. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 5. febrúar 2014 og hefst kl. 15:00

Í morgun tók sveitarstjóri á móti undirskriftalista þar sem skorað er á sveitarstjórn að taka til baka breytingar á skólaakstri.

Vegna óviðráðanlegra orsaka frestast söfnun baggaplasts til þriðjudagsins 4. febrúar.

Verður haldið laugardaginn 1. febrúar. Húsið opnar kl. 19:45 og formaðurinn setur blótið stundvíslega kl. 20:30. Danshljómsveit Friðjóns leikur fyrir dansi. Aldurstakmark árgangur 1997.

Árlega gefur Menningarmálanefnd út blaðið Eyvind sem dreift er frítt inn á öll heimili í sveitinni. Nú má einnig lesa blaðið hér á heimasíðu sveitarfélagsins.

442. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 15. janúar 2014 og hefst kl. 15:00