Fréttayfirlit

Hvern dag klukkan 16 munu hönnuðir standa að tískusýningu á svæðinu.

Viðburður sem vert er að skoða því mikið af flottum hönnuðum og framleiðendum taka þátt.

Það er orðinn ómissandi hluti Handverkshátíðar að fá vélasýningu frá áhugahópi sem vinnur að uppbyggingu búvélasafns í sveitinni.  Hluti vélanna þeirra verður til sýnis á hátíðinni.

Félag landnámshænsna tekur þátt í hátíðinni og verða með sýningu á 60 fuglum.   Þar verður keppt um fallegasta fuglinn en gestir hátíðarinnar munu kjósa.  Úrslit verða kunngjörð á sunnudeginum og titillinn er alltaf mjög eftirsóttur svo ekki sé meira sagt.  Ungar munu skríða úr eggjum á hátíðinni og mun ungviðið örugglega gleðja auga hátíðargesta.

Á útisvæði Handverkshátíðar sem verður um næstu helgi verður komið upp söguþorpi en það eru Gásahópur og  Handraðinn/Laufáshópur sem ætla að taka höndum saman við að glæða fallegt útisvæði lífi.  Hugmyndin er að sýna eins konar tímavél þar sem tímabil landnáms allt til dagsins í dag er spannað í handverki.  Baðstofa og miðaldatjöld og tilheyrandi verkvinna verður viðhöfð í þessu spennandi söguþorpi.  Birgir Arason í Gullbrekku mun sýna rúning hátíðardagana, ullin verður spunnin og unnin í söguþorpinu.

Setning Handverkshátíðar 2010 verður klukkan 11:30 föstudaginn 6.ágúst.  Gísli Einarsson ætlar að heiðra okkur með nærveru sinni og setja hátíðina formlega þetta árið.

388. fundur sveitarstjórnar Eyjafjarðarsveitar, sem jafnframt verður fyrsti fundur nýkjörinnar sveitarstjórnar, verður haldinn að Syðra Laugalandi, þriðjudaginn. 22. júní n.k. og hefst kl. 15:00. Dagskrá fundarins má sjá á upplýsingatöflu á skrifstofu sveitarfélagsins sem og hér á heimasíðu sveitarinnar.

Smámunasafnið í Sólgarði sunnudaginn 20. júní milli kl. 13 og 17.
 
Í aðalhlutverki verður International 1020 jarðvinnsludráttarvél frá árinu 1930. Þetta er fyrsta jarðvinnsluvélin sem Eyfirðingar eignuðust. Stórmerkilegvél og lítur svo ljómandi vel út eftir að Baldur Steingrímsson og feiri fóru höndum um hana. Vélin er nú gangfær og áhugasamir geta fengið að aka henni.
 
Á sama stað og tíma verður kvenfélagið Hjálpin með flóamarkað,. Til sölu verður allt mögulegt fyrir heimilið og fjölskylduna. Nýsoðin chilisulta þessi góða sem við vorum með á Handverkshátíðinni í fyrra, broddur og rabbarbarii. Við munum svo dreifa ágóðanum í góð málefni að vanda. Hafið íslenskar krónur með,  því við höfum ekki posa.