Fréttayfirlit

Það getur þú gert með því að taka þátt í íbúakönnun landshlutanna sem er nú í gangi um allt land. Þetta er sagt vegna þess að hún hefur hingað til nýst okkur hjá landshlutasamtökunum í að meta og hafa yfirlit yfir raunverulega stöðu okkar á landsbyggðinni. Það hefur mótað áherslur í starfi okkar og breytt forgangsröð þess. Einnig hefur hún nýst inn í hverskonar stefnumótun sem landshlutasamtökin hafa þurft að fara í og leggur því línurnar inn í framtíðina sem er mikilvægt í málum sem vinna þarf stöðugt að yfir langan tíma. Og að síðustu hafa upplýsingarnar nýst okkur í hagsmunabaráttu fyrir landshlutana. Fólk tekur mark á upplýsingum sem koma frá miklum fjölda fólks þar sem söfnun og úrvinnsla er faglega unnin. Þegar fólk setst niður með gögn sem þessi er hlustað.

Íþróttamiðstöð Eyjafjarðarsveitar verður áfram lokuð fyrir íþróttaiðkun þeirra sem ekki eru á leik- og grunnskólaaldri og sundlaug verður opin almenningi frá klukkan 16:00 mánudag - miðvikudags í þessari viku en verður vegna skólafría opin frá klukkan 8:00 að morgni fimmtudags og föstudags.

Samkvæmt upplýsingum frá aðgerðarstjórn greindust tvö ný tilfelli síðastliðinn sólarhring í sveitarfélaginu og eru nú sjö í sóttkví. Þeir aðilar sem greindust jákvæðir reyndust báðir vera í sóttkví en annar þeirra starfar innan skrifstofu sveitarfélagsins og er því kominn í einangrun. Aðrir starfsmenn skrifstofunnar hafa greinst neikvæðir og því lausir úr sóttkví. Skrifstofa sveitarfélagsins opnar aftur á mánudag. 

Engin þekkt smit hafa komið upp í sveitarfélaginu síðastliðinn sólarhring en brýnt er að hugað sé vel að persónulegum sóttvörum í hvívetna og dregið sé úr hópamyndun eins og kostur er á næstu misserum. Eru nú alls 8 í einangrun og 15  í sóttkví. 

Átta þekkt Covid 19 tilfelli eru nú í samfélaginu okkar og fjórtán í sóttkví, rakningarteymið vinnur nú að því að rekja út frá nýjustu smitum en svo virðist sem hægt sé að rekja þau flest saman.

Kæru íbúar, ykkur til fróðleiks hef ég tekið smá pistil saman um það hvernig rakningarteymið vinnur og hverjir þurfa að sækja sóttkví.

Eyjafjarðarsveit er með nokkrar skrifstofur þessa dagana en starfsmenn vinna nú eftir atvikum í umhverfi eigin sóttkvíar. Síma er svarað milli klukkan 10-14.

Í ljósi aðstæðna hafa sveitarstjóri, skólastjórnendur, forstöðumaður íþróttamiðstöðvar og formaður stjórnar Samherja sammælst um nokkur skref til að draga úr smithættu í samfélaginu.

Skrifstofa Eyjafjarðarsveitar verður lokuð næstu daga þar sem smit vegna Covid hefur komið upp hjá einstaklingi í starfsmannahóp skrifstofunnar. Þó aðrir séu einkennalausir er brugðist við samkvæmt tilmælum og verður skrifstofan því lokuð þar til rakningarteymi hefur lokið vinnu sinni. Miðað við þær upplýsingar sem liggja fyrir er talið að búið sé að hafa samband við þá einstaklinga sem mögulega gætu verið útsettir fyrir smiti en rakningu er þó ekki lokið.

Þar sem almannvarnir hafa lýst yfir neyðarstigi vegna Covid-19 verðum við að laga áður auglýstan viðverutíma vegna styrkumsókna í Uppbyggingarsjóð að nýjum aðstæðum. Við verðum öll að gæta ítrustu varkárni og leggja okkar lóð á vogarskálarnar í baráttunni við veiruna. Þar er ein af megináherslunum að lágmarka samgang fólks á milli. Því bjóðum við nú rafræna aðstoð til allra þeirra sem hyggjast sækja um styrk í Uppbyggingarsjóð en hægt er að bóka tíma hjá ráðgjöfum SSNE í gegnum tölvupóst eða í síma 464 5400. Opið er fyrir umsóknir til 4 nóvember og ekki er útilokað að við heimsækjum áður auglýsta staði áður en fresturinn rennur út, en til þess þarf neyðarstigi að vera aflétt.