Fréttir

Frá Smámunasafninu

Smámunasafnið er nú opið alla daga milli kl. 13:00 og 18:00 til 15. september. Tvær nýjar smásýningar „gullin hennar Gunnu“ leikföng frá árunum 1960-1970 og „ekki henda“ - nýjar flíkur gerðar úr gömlum. Hadda verður með námskeið í að endurskapa úr gömlum ullarflíkum og ef einhver vill losna við t.d. ullarpeysu (hún þarf ekki að vera heil) þá má koma henni á Smámunasafnið og þar fer hún í endurvinnslu. Nánari upplýsingar á www.smamunasanid.is Verið velkomin

14.05.2009

Handverkshátíð 2009

haus_400

Handverkshátíð við Hrafnagilsskóla verður haldin dagana 7.-10.ágúst 2009.

Fyrirséð er að Íslendingar munu ferðast meira innanlands í sumar og önnur helgin í ágúst hefur verið ein sú annasamasta á Norðurlandi vegna þeirra viðburða sem eru á döfinni.

Fyrirhugaðar eru breytingar og viðburðir í tengslum við hátíðina og eru fréttir af því settar á heimasíðu www.handverkshatid.is

Umsóknarfrestur um þátttöku á hátíðinni er 10.júní næstkomandi.

Allar nánari upplýsingar gefur undirrituð.

Dóróthea Jónsdóttir
Framkv.stj Handverkshátíðar 2009
s. 864-3633

13.05.2009

Trio Romance í Laugarborg

Tónleikar í Laugarborg – Sunnud. 17. Maí kl. 15.00

Fram koma: Tríó Romance sem skipuð er þeim Martial Nardeu og Guðrúnu Birgisdóttur á þverflautu og Peter Máté á píanó.

12.05.2009

Fréttatilkynning frá söfnunum við Eyjafjörð

Fréttatilkynning frá söfnunum við Eyjafjörð

Safnadagurinn 2009 er afrakstur öflugs samstarfs safnafólks við Eyjafjörð styrkt af Akureyrarstofu, Sérleyfisbílum Akureyrar, Saga Capital og Norðurorku.

Auglýsing safnanna við Eyjafjörð

30.04.2009

Upphaf framkvæmda við Hólavatn

Föstudaginn 17. apríl var undirritaður verksamningur á milli sumarbúðanna á Hólavatni og Loftorku um framleiðslu á forsteyptum einingum fyrir nýjan skála sem rísa mun á Hólavatni.

28.04.2009

Tónleikar Skólakórs Hrafnagilsskóla

Skólakór Hrafnagilsskóla verður með tónleika í Laugarborg sunnudaginn 3. maí kl. 15:00. Undirleikari er Daníel Þorsteinsson. Kristjana Arngrímsdóttir söngkona ætlar að syngja með kórnum nokkur lög ásamt hljómsveit hússins en hana skipa: Þorvaldur Yngvi Schiöth á vibrafón, Brynjólfur Brynjólfsson á gítar og Eiríkur G. Stephensen á kontrabassa.
Aðgangur er ókeypis og allir hjartanlega velkomnir.
Með kærri kveðju, Skólakór Hrafnagilsskóla og María Gunnarsdóttir kórstjóri

28.04.2009

Smámunasafnið 2. maí

Eyfirski safnadagurinn 2. maí á Smámunasafninu opið milli kl. 11:00 og 17:00.

Hadda verður með námskeið í að endurnýta gamlar flíkur. Námskeiðið verður milli kl. 14:00 og 17:00, kostar kr. 6000.- efni innifalið. Leikfangasýningin er enn í gangi, kvikmyndin "Gamalt er gott" á sínum stað.

Léttar veitingar í boði og enginn aðgangseyrir. Verið velkomin. www.smamunasafnid.is

27.04.2009

Atvinna á Krummakoti

Starfsfólk óskast.
Leikskólinn Krummakot óskar að ráða starfsmann í ræstingu. Vinnutími er frá 13:00 – 17:00. Upplýsingar veitir Þorvaldur skólastjóri Krummakots í síma: 4648120 /4648122
Netfang krummakot@krummi.is Heimasíðuslóð: http://www.krummakot.krummi.is

24.04.2009

Sumarfagnaður á Melgerðismelum

Á Sumardaginn fyrsta verður sumarfagnaður á Melgerðismelum að hætti Funamanna og hefst kl. 14:00.

Hestamannafélagið Funi

17.04.2009

Fundur með frambjóðendum Framsóknarflokksins

Fundur með frambjóðendum okkar í Blómaskálanum Vín, þriðjudagskvöldið 21. apríl kl. 20:30.
Framsóknarflokkurinn í Norðausturkjördæmi

16.04.2009

Fréttayfirlit