Fréttayfirlit

Sorplosun verður fimmtudaginn 19. maí í stað föstudagsins 20. maí í fyrrum Hrafnagilshreppi.
Skrifstofa Eyjafjarðarsveitar.

Sveitarstjórn hefur samþykkt að fella niður gatnagerðargjald tímabundið á lóðum nr. 2. 4, 6 og 8 við Bakkatröð í Reykárhverfi vegna atvinnuuppbyggingar.

Þess í stað er óskað eftir tilboðum í lóðirnar.

Þrotlaus vinna og mikill metnaður hefur fært ykkur heim stærstu verðlaun íslenskra áhugaleikhúsa. Við erum stolt af ykkur!
Menningarmálanefnd

Hvorki fleiri né færri en 18 söfn og sýningar við Eyjafjörð opna dyr sínar fyrir gestum og gangandi laugardaginn 7. maí frá kl 11-17. Tilefnið er Eyfirski safnadagurinn sem nú er haldinn í fimmta sinn. Safnadagurinn er að þessu sinni tileinkaður börnum.

„Í framhaldi af bókun sveitarstjórnar Eyjafjarðarsveitar frá   22. mars 2011,  hefur farið fram könnun á þjónustugjöldum viðskiptabanka og sparisjóða á Akureyri og nágrenni. Auk þess hefur verið fundað með núverandi viðskiptabanka Eyjafjarðarsveitar, Arion banka.

Með hliðsjón af  þessari vinnu og niðurstöðu hennar samþykkir sveitarstjórn að ganga til samninga við BYR sparisjóð um  bankaviðskipti sveitarfélagsins og er sveitarstjóra  og skrifstofustjóra falið að ganga frá samningi þar um.

Aftur vill sveitarstjórn þakka starfsmönnum Arion banka á Akureyri fyrir gott samstarf og samskipti til margra ára en sú staða sem uppi er nú varðandi launaþróun og stefnu bankans er að mati sveitastjórnar óásættanleg og er það yfirstjórnar bankans að taka á því máli.

Góði dátinn Svejk var valin athyglisverðasta áhugaleiksýningin á landinu á þessu leikári.  Af því tilefni er Freyvangsleikhúsinu boðið að setja sýninguna upp í Þjóðleikhúsinu í lok þessa mánaðar.

Þetta er í fjórða skiptið sem Freyvangsleikhúsinu hlotnast þessi titill og sýnir það glöggt hve miklu er hægt að áorka með brennandi áhuga og dugnaði fólksins í félaginu.

Sveitarfélagið óskar Freyvangsleikhúsinu innilega til hamingju með árangurinn.

3. maí hefst sumaropnun sundlaugar
Mán. – fös. 06:30 – 22:00
Lau. – sun.  10:00 – 20:00

Gleðilegt sumar!
Íþróttamiðstöð Eyjafjarðarsveitar
Fjölskyldan í sund.
Frítt fyrir 15 ára og yngri!

Miðvikudaginn 20. apríl kl. 11:00 voru opnuð tilboð í vinnu við breytingar á sal, eldhúsi og í innréttingu á aðstöðu til heimilisfræðikennslu í Hrafnagilsskóla.

Fermingarmessa verður í Grundarkirkju á skírdag 21. apríl kl. 11. Fermd verða: Arna Ýr Karelsdóttir, Skógartröð 5, Bjarni Heiðar Jósefsson, Möðruvellir 1, Elísabet Lind Hlynsdóttir, Akur, Eydís Rachel Missen, Jórunnarstaðir, Heiða Hansdóttir, Skógartröð 3, Jakob Atli Þorsteinsson, Kristnes 6, Karl Liljendal Hólmgeirsson, Dvergsstaðir, Kolfinna Ólafsdóttir, Laugartröð 7.

Kær kveðja, Guðmundur Guðmundsson, héraðsprestur í Eyjafjarðarprófastsdæmi