Fréttayfirlit

Álagningarseðlar fasteignagjalda 2018 eru aðgengilegir á island.is. Kröfur hafa verið stofnaðar í heimabanka og eru reikningar aðgengilegir í rafrænum skjölum. Þeir sem óska eftir að fá álagningarseðil fasteignagjalda og/eða greiðsluseðla í pósti hafi samband við skrifstofu Eyjafjarðarsveitar með tölvupósti á esveit@esveit.is eða í síma 463-0600.

Fresta þarf sorptöku á enduvinnsluefni í dag 19. febrúar vegna veðurs, bílar verða sendir af stað á morgun ef veður leyfir.

Kynningarfundur um hugsanlega sameiningu sókna í Laugalandsprestakalli verður haldinn í Félagsborg fimmtudaginn 22. febrúar næstkomandi kl. 20:30. Fundurinn er haldinn í ljósi þess að nokkur umræða hefur verið um þessa hugmynd innan sóknarnefnda prestakallsins. Kynnt verður hvað felst í sameiningu sókna, kostir þess og gallar kynntir og ræddir. Markmið fundarins er að stuðla að umræðu um þetta málefni. Allir velkomnir sem láta sig hag kirkjunnar varða. Gestur fundarins verður sr. Jón Ármann Gíslason, prófastur á Skinnastað.

Skrýtnar furðuverur litu við hjá okkur á skrifstofuna í morgun og sungu fyrir smá góðgæti í poka. Þökkum fyrir innlitið.

511. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 13. febrúar 2018 og hefst kl. 12:00. Dagskrá:

510. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 8. febrúar 2018 og hefst kl. 15:00.

Fimmtudaginn 1. febrúar sl. úthlutaði Uppbyggingarsjóður Norðurlands eystra 100 milljónum króna til menningar, atvinnuþróunar og nýsköpunar á starfssvæði Eyþings. Af þeim 85 verkefnum sem hlutu styrki eru tvö í Eyjafjarðarsveit; Brúnirhorse og Hælið, setur um sögu berklanna.

Vegagerðin er í dag, 2. febrúar, að vinna í hálkuvörnum í öllu umdæminu og þar á meðal hjá okkur. Verkið er umfangsmikið og getur tekið tíma að sanda alla leggina, en stefnt að því að ná að klára þetta áður en dagurinn er úti.

Vegagerðin er að vinna í hálkuvörnum í öllu umdæminu og þar á meðal hjá okkur. Verkið er umfangsmikið og getur tekið tíma að sanda alla leggina, en stefnt að því að ná að klára þetta áður en dagurinn er úti.

Laust er til umsóknar starf húsvarðar í félagsheimilinu Freyvangi. Í starfinu felst umsjón með útleigu, þrif og fl. Gerð er krafa um gott viðmót, reglusemi og snyrtimennsku. Húsvörður þarf að vera búsettur í íbúð sem fylgir starfinu. Íbúðin er lítil tveggja herbergja, með stigauppgöngu og hentar vel einstaklingi eða pari. Umsóknarfrestur er til og með 5. febrúar 2018.