Fréttayfirlit

Ólafur Rúnar, sem er lögmaður, tók við stöðu sveitarstjóra á miðju síðasta kjörtímabili og kom til þeirra starfa úr lögmannsstörfum. Hann hefur nú ákveðið að snúa sér aftur að sínu fagi og hasla sér þar völl á nýjan leik. Ólafur Rúnar mun gegna stöðu sveitarstjóra til 30. júní nk. en Eyjafjarðarsveit mun þó áfram njóta liðsinnis hans í afmörkuðum verkefnum fram á haustið samkvæmt samkomulagi. Það verður því eitt af fyrstu verkefnum nýrrar sveitarstjórnar að finna eftirmann Ólafs Rúnars. Eyjafjarðarsveit þakkar Ólafi Rúnari fyrir störf hans og óskar honum velfarnaðar á nýjum vettvangi.

Nútímavæðing Hrafnagilsskóla Eyjafjarðarsveit óskar eftir tilboðum vegna kaupa á tölvubúnaði fyrir Hrafnagilsskóla, Eyjafjarðarsveit. Um er að ræða búnað sem notaður verður við kennslu í grunnskólanum. Heiti útboðsins er „Nútímavæðing Hrafnagilsskóla 1708017“ Afhending gagna er frá 4. júní 2018. Tilboðsfrestur er til 18. júní 2018 kl. 14:00, en tilboð verða þá opnuð á skrifstofu Eyjafjarðarsveitar, Skólatröð 9, 2. hæð að viðstöddum þeim bjóðendum sem þess óska. Tilboðum skal skilað á tilboðsblaði sem kaupandi leggur til. Þeir sem óska eftir að fá tilboðsgögn afhent skulu senda beiðni þar um á netfangið esveit@esveit.is með efnislínu (e. subject) Nútímavæðing Hrafnagilsskóla 1708017. Nánari lýsing er í útboðsgögnum. Ólafur Rúnar Ólafsson, sveitarstjóri Eyjafjarðarsveitar.

Íþróttamiðstöð Eyjafjarðarsveitar verður lokuð þriðjudaginn 29. maí og miðvikudaginn 30. maí vegna viðhalds.

Við sveitarstjórnarkosningar 26. maí 2018 voru 761 á kjörskrá í Eyjafjarðarsveit, 379 karlar og 382 konur. Á kjörstað greiddu atkvæði 538 og 50 utankjörstaðaatkvæði bárust. Alls kusu því 588 eða 77,3% þeirra sem voru á kjörskrá, 289 karlar og 299 konur. Auðir seðlar voru 7 og ógildir 3.

Sveitarstjórn Eyjafjarðarsveitar auglýsir hér með tillögu að aðalskipulagi Eyjafjarðarsveitar 2018-2030 samkvæmt 1. mgr. 31. gr. skipulagslaga nr. 123/2010 ásamt umhverfisskýrslu skv. 7 gr. laga nr. 10/2006 um umhverfismat áætlana.

Boðað er til sameiginlegs framboðsfundar listanna sem bjóða fram í sveitarstjórnarkosningum í vor. Fundurinn verður í matsal Hrafnagilsskóla fimmtudagskvöldið 24. maí og hefst kl. 20:00. Frambjóðendur

Á fundi sveitarstjórnar 18. maí var ársreikningur Eyjafjarðarsveitar fyrir árið 2017 tekin til síðari umræðu og samþykktur samhljóða. Heildartekjur A og B hluta voru 1,016 m. kr., sem er um 3,9% hækkun frá fyrra ári, heildarútgjöld án fjármagnsliða, voru 948,6 m.kr en það er um 9,7% hækkun frá fyrra ári. Rekstrarniðurstaða A og B hluta fyrir fjármagnsliði var jákvæð um 35,2 m.kr. Ekki voru tekin ný lán á árinu 2017 en eldri lán voru greidd niður um 15,8 m.kr. Heildar skuldir og skuldbindingar í árslok 2017 voru kr. 284 m.kr. og er skuldahlutfallið 28,3%. Skuldaviðmið er 15,6% en leyfilegt hámark er 150%. Fjárfestingar ársins námu 41,6 m.kr. Stærri viðhaldsverkefni (markað viðhald) var kr. 22,3 millj. Handbært fé í árslok var 146,2 millj. Reikningurinn endurspeglar sterka stöðu sveitarfélagsins.

Eyjafjarðarsveit býður unglingum fæddum 2002, 2003 og 2004 vinnu við umhverfisverkefni á komandi sumri. Umsækjendur þurfa að skila inn umsóknum fyrir 30. maí á skrifstofu Eyjafjarðarsveitar eða á netfangið esveit@esveit.is. Í umsókninni þarf að koma fram nafn, kennitala og launareikningur umsækjanda, nafn forráðamanns og sími.

Skrifstofa Eyjafjarðarsveitar verður lokuð frá kl. 13:00 föstudaginn 18. maí.

Nú er varptíminn í algleymingi og vert að minna á 11. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að hengja bjöllu á ketti og eftir atvikum takmarka útiveru katta.” Í samþykktinni kemur einnig m.a. fram að eigendur eða umráðamenn katta skulu gæta þess að dýrin valdi ekki hættu, óþægindum eða óþrifnaði né raski ró manna. Ef dýrin valda nágrönnum eða öðrum ónæði, óþrifum eða tjóni þá er skylt að leita leiða til að koma í veg fyrir slíkt. Nauðsynlegt er að halda fjölgun katta í hófi. Vanti kattagildru eða aðstoð við fækkun katta má hafa samband í vaktsíma 463-0615. Sveitarstjóri