Fréttayfirlit

Í dag var virkjað tungumálavélmenni á heimasíðu Eyjafjarðarsveitar og er síðan nú aðgengileg að auki á ensku, dönsku, þýsku og pólsku.

FUNDARBOÐ 617. fundur sveitarstjórnar Eyjafjarðarsveitar verður haldinn í fundarstofu 2, Skólatröð 9, fimmtudaginn 28. september 2023 og hefst kl. 08:00. Dagskrá: Fundargerðir til staðfestingar 1. Kjörstjórn - 1 - 2006003F 1.1 2204004 - Úthlutun sætis til varamanns í Sveitarstjórn Eyjafjarðarsveitar kjörtímabilið 2022-2026. 2. Framkvæmdaráð - 138 - 2309005F 2.1 2306015 - Umsjónarmaður eignasjóðs 2.2 2309022 - Hlutverk og stefnumótun eignasjóðs 2.3 2304023 - Staða framkvæmda 2023 2.4 2309018 - Íbúar Bakkatraðar 2, 4, 6 og 8 - Vegna fyrirhugaðrar fergingar 3. Skipulagsnefnd Eyjafjarðarsveitar - 397 - 2309008F 3.1 2202004 - Þjóðkirkjan-Biskupsstofa - Umsókn um stofnun lóðar - Syðra-Laugaland lóð 3.2 2309015 - Jódísarstaðir - breyting á aðal- og deiliskipulagi 2023 3.3 2309033 - Holt - umsókn um frakvæmdaleyfi til vegagerðar 3.4 2309028 - Skipulagsgáttin - kynning á samráðsgátt um skipulagsmál 4. Skólanefnd Eyjafjarðarsveitar - 267 - 2309002F 4.1 2309011 - Leikskólinn krummakot - starfsáætlun 2023-2024 4.2 2309012 - Leikskólinn krummakot - Staðan haustið 2023 4.3 1901017 - Húsnæðismál grunn- og leikskóla 4.4 2309013 - Hrafnagilsskóli - Starfsáætlun 2023-2024 4.5 2309014 - Hrafnagilsskóli - Staðan haustið 2023 4.6 2308013 - Skólanefnd - Skólaakstur 4.7 2309021 - Drög að ályktun vegna sameiningar framhaldsskólanna á Akureyri 5. Atvinnu- og umhverfisnefnd - 8 - 2309006F 5.1 2306022 - SSNE - Endurheimt votlendi á Norðurlandi eystra 5.2 2309004 - Loftslagsstefna Eyjafjarðarsveitar 5.3 2303021 - Gámasvæði - gjaldskrá 6. Fjallskilanefnd Eyjafjarðarsveitar - 46 - 2309009F 6.1 2308012 - Fjallskil hrossasmölun 2023 7. Ungmennaráð Eyjafjarðarsveitar - 6 - 2309007F 7.1 2102022 - Erindisbréf ungmennaráðs 7.2 2309030 - Ungmennaráð Eyjafjarðarsveitar - Kosning formanns og ritara 7.3 2309031 - Ungmennaráð Eyjafjarðarsveitar - Aðgengi að líkamsrækt 7.4 2306002 - Íþróttamiðstöð - Starfsemi félagsmiðstöðvar 7.5 2309027 - SSNE - Ungmennaþing 2023 8. Velferðar- og menningarnefnd - 8 - 2309004F 8.1 2202017 - Öldungaráð 8.2 2306029 - Leikfélag Menntaskólans á Akureyri LMA - Styrkbeiðni 2023 8.3 2308007 - ADHD samtökin - Styrkumsókn 2023 8.4 2309001 - Beiðni um framlag til starfsemi Stígamóta árið 2024 8.5 2208030 - Jafnréttisáætlun 2023-2026 Fundargerðir til kynningar 9. Samband íslenskra sveitarfélaga - fundargerð 932 - 2309019 10. Samband íslenskra sveitarfélaga - fundargerð 933 - 2309029 11. SSNE - Fundargerð 54. stjórnarfundar - 2309024 12. HNE - Fjárhagsáætlun 2024 - 2309034 Almenn erindi 13. Skógræktarfélag Íslands - Ályktun til sveitarfélaga 13.09.23 - 2309020 14. Málstefna Eyjafjarðarsveitar - 2309007 15. Breyting á Samþykkt um stjórn Eyjafjarðarsveitar - 2109024 16. Drög að samþykkt um Öldungaráð - síðari umræða - 2202017 17. Samráðsfundur - fulltrúar aldraðra - 2111001 26.09.2023 Stefán Árnason, skrifstofustjóri.  

Menningarsjóður Eyjafjarðarsveitar auglýsir eftir umsóknum fyrir 15. október vegna úthlutunar úr sjóðnum 1. nóvember næstkomandi. Tilgangur Menningarsjóðs Eyjafjarðarsveitar er: Að styrkja menningarverkefni í Eyjafjarðarsveit Að leggja til framlag til kaupa á listaverkum fyrir Eyjafjarðarsveit Að styrkja listamenn, félög og fræðimenn og aðra þá sem stjórn sjóðsins ákveður hverju sinni Að fjármagna þau sérverkefni sem sjóðsstjórn kann að ákveða hverju sinni. Umsókn er rafræn hér. Samþykktir sjóðsins má nálgast hér.

Hrossasmölun verður föstudaginn 6. október og stóðréttir í framhaldi þann 7. október kl. 10:00 í Þverárrétt og kl. 13:00 í Melgerðismelarétt. Þegar stóðið verður komið í réttina á Melgerðismelum heiðrum við minningu Jónasar í Litla-Dal með ávarpi og tónlist. Gangnaseðlar eru aðgengilegir hér: Gangnaseðill hrossa frá Skjóldalsá að Ytrafjalli 2023 Gangaseðill hrossa frá Vaðlaheiði að Mjaðmá 2023 Gangnaseðill hrossa frá Möðruvallafjalli að Skjóldalsá 2023

Ráðgjafar SSNE verða á ferð um Norðurland eystra í næstu viku og verða með viðveru á tíu stöðum til að veita ráðgjöf varðandi umsóknarskrif í Uppbyggingarsjóð. Eyjafjarðarsveit 27. september kl. 12:30-14:00 Félagsborg, Skólatröð 9

Dekurdagar verða dagana 5.–8. október nk. og verða þá seldar m.a. bleikar slaufur til að setja á ljósastaura/póstkassa til styrktar Krabbameinsfélagi Akureyrar og nágrennis. Íbúum Eyjafjarðarsveitar gefst tækifæri til að leggja málefninu lið og mun Lionsklúbburinn Sif í Eyjafjarðarsveit setja upp slaufurnar í lok september og taka þær niður í lok október. Allur ágóði rennur til Krabbameinsfélags Akureyrar og nágrennis. Slaufan kostar 5.000 kr. (að lágmarki). Í fyrra söfnuðust rúmar 800 þúsund kr. í Eyjafjarðarsveit. Upphæðin sem safnast saman verður afhent Krabbameinsfélaginu og Dekurdögum í lok október. Sendu póst á selmadogg@simnet.is og pantaðu slaufu.

Hér í Eyjafjarðarsveit verður boðið upp á fjölbreytta dagskrá í anda vikunnar en líka með sterkum tengingum við verkefni Heilsueflandi Samfélag. Ungmennafélagið Samherjar koma sterkir inn í dagskránna, Skógræktarfélag Eyfirðinga verður með þrjár skógargöngur með leiðsögn, vatnsleikfimi verður í boði í umsjón Helgu Sigfúsdóttur og Píludeild Þórs á Akureyri ætlar að kynna píluíþróttina. Ábúendur á Þormóðsstöðum í Sölvadal ætla að bjóða upp á fossgöngu og þegar kemur að andlegri heilsu bjóða Kyrrðarhofið á Vökulandi og Gaia-hofið á Leifsstaðabrúnum m.a. upp á ýmis Jóga afbrigði og slökun og styrk en nauðsynlegt er að skrá sig á þá viðburði vegna fjöldatakmarkana. Rúsínan í pylsuendanum verður síðan fyrirlesturinn Fimm leiðir að vellíðan frá Sjálfsrækt á Akureyri, en um er að ræða eins og hálfs tíma fyrirlestur þar sem boðið verður upp á súpu og brauð. Nauðsynlegt er að skrá sig á þann fyrirlestur. Allir viðburðirnir eru án endurgjalds og þá er frítt í sund alla dagana sem íþróttavikan stendur. Nánari dagskrá og upplýsingar má finna á vefsíðu og samfélagsmiðlum sveitarfélagsins.

Sveitarstjórn Eyjafjarðarsveitar samþykkti á fundi sínum þann 31. ágúst 2023 að vísa skipulagslýsingu, vegna nýs deiliskipulags fyrir íbúðarsvæði í landi Ytri-Varðgjár í Eyjafjarðarsveit, í kynningarferli skv. 40 gr. skipulagslaga nr. 123/2010. Skipulagssvæðið nær yfir 16,2 ha svæði í landi Ytri-Varðgjár sem í gildandi Aðalskipulagi Eyjafjarðarsveitar 2018-2030 er að mestu skilgreint sem íbúðarsvæði ÍB12 og að litlum hluta sem skógræktar- og landgræðslusvæði. Nýja deiliskipulagið gerir ráð fyrir byggingu 30-40 íbúðarhúsa með aðkomu frá Veigastaðavegi. Skipulagslýsingin er aðgengileg á sveitarskrifstofu Eyjafjarðarsveitar, Skólatröð 9 Hrafnagilshverfi, milli 21. september og 5. október 2023, á heimasíðu sveitarfélagsins, www.esveit.is og á vef Skipulagsgáttar, www.skipulagsgatt.is undir málsnúmeri 623/2023. Þeim sem telja sig eiga hagsmuna að gæta er hér með gefinn kostur á að koma athugasemdum á framfæri til 5. október 2023. Hægt er að koma athugasemdum á framfæri undir málinu á vef skipulagsgáttar með innskráningu rafrænna skilríkja. Frekari upplýsingar er hægt að nálgast hjá Skipulags- og byggingarfulltrúa Eyjafjarðar, Skólatröð 9, 605 Akureyri, eða í tölvupósti á netfangið sbe@sbe.is. Skipulagsfulltrúi. ytri-vardgja-ibudarbyggd_skipulagslysing_2023-08-22.pdf

Sveitarstjórn Eyjafjarðarsveitar samþykkti á fundi sínum 14. september 2023 að vísa tillögu um breytingu á Aðalskipulagi Eyjafjarðarsveitar 2018-2030 vegna efnistökusvæðis í landi Stóra-Hamars 1 (L152778), í kynningu skv. 2. mgr. 30. gr. skipulagslaga nr. 123/2010. Skipulagsverkefnið snýr að því að skilgreina efnistökusvæði í landi Stóra-Hamars 1 sem í gildandi aðalskipulagi er skilgreint sem landbúnaðarsvæði. Svæðið sem um ræðir er staðsett vestan Eyjafjarðarbrautar eystri. Þá eru sett ákvæði varðandi stærð svæðisins og magn efnis sem heimilt er að taka úr því. Skipulagstillögurnar eru aðgengilegar á skrifstofu sveitarfélagsins frá 21. september til 5. október 2023, á heimasíðu sveitarfélagsins www.esveit.is og á vef Skipulagsgáttar www.skipulagsgatt.is undir máli nr. 304/2023. Þeim sem telja sig eiga hagsmuna að gæta er hér með gefinn frestur til 5. október 2023 til að gera athugasemdir við tillögurnar. Hægt er að koma athugasemdum á framfæri undir málinu á vef skipulagsgáttar með innskráningu rafrænna skilríkja. Frekari upplýsingar er hægt að nálgast hjá Skipulags- og byggingarfulltrúa Eyjafjarðar, Skólatröð 9, 605 Akureyri eða í tölvupósti á netfangið sbe@sbe.is. Opið hús vegna kynningarinnar fer fram á sveitarskrifstofu Eyjafjarðarsveitar, Skólatröð 9, 605 Akureyri miðvikudaginn 27. september milli kl. 13:00 og 15:00 og mun skipulagsfulltrúi vera viðstaddur og veita upplýsingar og taka við athugasemdum um tillögurnar. Skipulagsfulltrúi.

Sveitarstjórn Eyjafjarðarsveitar samþykkti á fundi sínum þann 27. júní 2023 að vísa aðal- og deiliskipulagstillögu vegna breytingar á aðalskipulagi Eyjafjarðarsveitar 2018-2030 og vegna nýs deiliskipulags fyrir fyrirhugað íbúðarhús á lóðinni Espilaut á landareigninni Espihóli, í auglýsingu skv. 31. gr. og 41 gr. skipulagslaga nr. 123/2010. Aðalskipulagsbreytingin lýtur að því að nýtt 1,5 ha svæði verði skilgreint sem íbúðarsvæði þar sem nú er skilgreint landbúnaðarsvæði í Aðalskipulagi Eyjafjarðarsveitar 2018-2030. Skipulagsverkefnið snýr að skipulagi lóðar fyrir íbúðarhús á óræktuðu landi. Skipulagstillögurnar eru aðgengilegar á sveitarskrifstofu Eyjafjarðarsveitar, Skólatröð 9 Hrafnagilshverfi, milli 21. september og 2. nóvember 2023 sem og á heimasíðu sveitarfélagsins, www.esveit.is. Þeim sem telja sig eiga hagsmuna að gæta er hér með gefinn kostur á að gera athugsemdir við skipulagstillögurnar til fimmtudagsins 2. nóvember 2023. Athugasemdir skulu vera skriflegar og skulu berast til Skipulags- og byggingarfulltrúa Eyjafjarðar, Skólatröð 9, 605 Akureyri eða í tölvupósti á netfangið sbe@sbe.is. Skipulagsfulltrúi