Fréttayfirlit

Helgihald í kirkjunum í Eyjafjarðarsveit fellur niður um jól og áramót vegna tilmæla sóttvarnalæknis og nýrra sóttvarnareglna. Hvet ég til varkárni, persónulegra sóttvarna og að forðast hópamyndanir. Minni ég á jólaguðsþjónustur í útvarpi og sjónvarpi um hátíðarnar. Gleðiboðskapur jólanna heyrist á öldum ljósvakans. Þá verður send út jólaguðsþjónusta frá Glerárkirkju á jóladag, auk þess er jólaguðsþjónusta með söng kóra á Eyjafjarðarsvæðinu síðan í fyrra og annað jólaefni á eything.com, einnig birt á facebook/Kirkjan í Eyjafjarðarsveit. Í Guðs firði Guðmundur Guðmundsson, prestur

Kolefnisreiknivél Eyjafjarðarsveitar er meðal fyrstu lausna á stafrænu lausnatorgi Sambands Íslenskra Sveitarfélaga en reiknivélin var smíðuð að frumkvæði og eftir formúlu umhverfisnefndar sveitarfélagsins. Stefna ehf. sá um uppsetningu reiknivélarinnar en að verkefninu komu einnig Orkustofnun og Skógræktarfélagið, þar sem safna þurfti saman forsendum í útreikningana.

Síðasti opnunardagur fyrir jól er þriðjudagurinn 21. desember. Þá er opið frá kl. 14:00-17:00. Opið verður þriðjudaginn 28. desember milli kl. 14:00 og 17:00. Safnið opnar svo aftur eftir hátíðarnar þriðjudaginn 4. janúar og þá er opið milli kl. 14:00 og 17:00. Venjulegir opnunartímar safnsins eru: Þriðjudagar frá kl. 14:00-17:00. Miðvikudagar frá kl. 14:00-17:00. Fimmtudagar frá kl. 14:00-18:00. Föstudagar frá kl. 14:00-16:00. Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan. Sjáumst á safninu, jólakveðja, bókavörður.

Gera má ráð fyrir töfum á sorphirðu þessa viku vegna hálku. Íbúar er hvattir til að moka og/eða sandbera heimreiðar og plön til að auðvelda sorpbílum að komast leiða sinna og fyrir starfsfólk Terra að fóta sig. Terra mun halda saman upplýsingum um þá bæi sem þarf að sleppa og bregðast við þegar aðstæður leyfa.

Hér er opnunartími íþróttamiðstöðvar um jól og áramót. 22.12. Kl 6:30-8:00 og 14:00-22:00 23.12. Kl 06:30-14:00 24.12. Kl 9:00-11:00 25.12. Lokað 26.12. Lokað 27.12. Kl 6:30-8:00 og 14:00-22:00 28.12. Kl 6:30-8:00 og 14:00-22:00 29.12. Kl 6:30-8:00 og 14:00-22:00 30.12. Kl 6:30-8:00 og 14:00-22:00 31.12. Lokað 1.1. Lokað 2.1. Kl 10:00-19:00 3.1. Kl 6:30-8:00 og 14:00-22:00 Verið velkomin Starfsfólk íþróttamiðstöðvar

Sveitarstjórn Eyjafjarðarsveitar samþykkti á fundi sínum þann 26. nóvember sl. að vísa aðal- og deiliskipulagstillögu fyrir ferðaþjónustu á Leifsstöðum 2 í kynningarferli

Íþróttamiðstöð Eyjafjarðarsveitar óskar eftir að ráða konu til starfa í vaktavinnu. Um er að ræða afleysingu í eitt ár. Starfshlutfall er 100%, en einnig kemur til greina að ráða 2 í hlutastarf. Í starfinu felst m.a. sundlaugargæsla, afgreiðsla, þrif og baðvarsla. Starfsmenn íþróttamiðstöðvar sinna einnig verkefnum á tjaldsvæði á opnunartíma þess. Viðkomandi verður að vera orðinn 18 ára, hafa hreint sakavottorð og geta staðist hæfnispróf sundstaða. Í starfi sundlaugarvarðar er nauðsynlegt að hafa athyglisgáfu í lagi, eiga auðvelt með að taka ákvarðanir og geta brugðist skjótt við ef slys ber að höndum. Áhersla er lögð á sjálfstæð vinnubrögð, þjónustulund, stundvísi og jákvæðni. Næsti yfirmaður er forstöðumaður íþróttamiðstöðvar. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Umsóknarfrestur er til og með 3. janúar 2022. Umsóknum þarf að fylgja ferilskrá og upplýsingar um meðmælendur. Tekið er á móti umsóknum á netfangið sundlaug@esveit.is. Nánari upplýsingar um starfið og fyrirkomulag vakta gefur Erna Lind í síma 895-9611.

Öll berum við ábyrgð á ásýnd sveitarinnar og góðar fyrirmyndir skipta máli. Umhverfisverðlaun Eyjafjarðarsveitar eru veitt annað hvert ár fyrir íbúðarhús og nærumhverfi og fyrirtæki í rekstri. Við óskum íbúum Brúnahlíðarhverfisins og Sandhóla til hamingju með verðlaunin 2021. Brúnahlíðarhverfið samanstendur af 12 húsum við tvær götur. Það einkennist af fallegum og vel hirtum görðum með grjóthleðslum og fjölbreyttum gróðri. Almenn umgengni er frábær og fallegur heildarsvipur. Brúnahlíðarhverfið fær verðlaun sem ein heild. Sandhólar er kúabú rekið af Elísabetu Wendel og Jóhannesi Sigtryggssyni. Húsakosti á ýmsum aldri er vel við haldið. Gömul tæki eru gerð upp og höfð sýnileg. Falleg ásýnd að bænum og tækjum snyrtilega upp raðað. Almenn góð umgengni.

Kæru þjónustuaðilar í Eyjafjarðarsveit Sala á gjafabréfum í heimasveit gekk sérlega vel í fyrra og verður áfram haldið með sölu þeirra um ókomna tíð. Óskar sveitarfélagið því eftir uppfærslu á lista þjónustuaðila sem hafa áhuga á að taka við gjafabréfinu.

Einungis eitt tilboð barst í fyrsta áfanga viðbyggingar við Hrafnagilsskóla sem fól í sér vinnu við sökkla, botnplötu og innfyllingar. Kostnaðaráætlun verksins hljómaði uppá 74.m.kr- og var tilboð 47% yfir kostnaðaráætlun.