Fréttayfirlit

Líkamsræktaraðstaðan mun opna aftur á mánudaginn. • Það þarf að bóka tíma með því að hringja í síma 464-8140 • Hámark 2 í einu, nema ef um er að ræða fjölskyldu eða vini þá er leyfilegt að vera fleiri saman Tímarnir eru klukkutíma tímar sem byrja á heila tímanum, nema á morgnana en þá er tíminn kl 6:30-8:00

Fimmtudaginn 11. febrúar næstkomandi verður árshátíð miðstigs Hrafnagilsskóla. Nemendur miðstigs bjóða til sölu ,,heimabíópakka” sem inniheldur slóð á stuttmyndina, rafræna leikskrá, hugmyndir að góðu heimakvöldi og óvæntan glaðning. Pakkinn kostar 1.000 krónur og pantanir þurfa að berast til Nönnu á nanna@krummi.is í síðasta lagi miðvikudaginn 10. febrúar.

FUNDARBOÐ. 560. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 4. febrúar 2021 og hefst kl. 15:00.

Lausnamót Hacking Norðurland er lausnamót sem fer fram dagana 15.-18. apríl 2021 á Norðurlandi. Unnið verður með sjálfbæra nýtingu auðlinda svæðisins með tilliti til matar, vatns og orku. Markmið lausnamótsins er að efla frumkvöðlastarf og sköpunarkraft á svæðinu og þannig stuðla að nýjum verkefnum og viðskiptatækifærum. Lausnamótinu er ekki síður ætlað að vekja athygli á því öfluga frumkvöðlasamfélagi sem er á Norðurlandi. Hacking Norðurland er samstarfsverkefni Hacking Hekla, Eims, Nordic Food in Tourism, SSNE, SSNV og Nýsköpun í norðri. Íslandsbanki styrkir verkefnið.

Sveitarstjórn Eyjafjarðarsveitar samþykkti á fundi sínum 14. janúar sl. að vísa skipulagslýsingu fyrir íbúðarsvæði í landi Bjarkar í lögformlegt kynningarferli.

Sveitarstjórn Eyjafjarðarsveitar samþykkti á fundi sínum þann 14. janúar 2021 að auglýsa tillögu að deiliskipulagi fyrir þriðja áfanga íbúðarsvæðis í landi Kotru í Eyjafjarðarsveit.

Á næstu dögum ætla nemendur í 10. bekk í Hrafnagilsskóla að fara um sveitina og bjóða til sölu eldhús- og klósettpappír. Einhverjir ætla frekar að hringja á bæina á svæðunum sínum og taka niður pantanir. Ef þið eruð svo óheppin að vera ekki heima þegar þeir koma eða hringja, en hafið áhuga á að styrkja ferðasjóðinn þeirra, getið þið hringt í skiptiborð skólans 464-8100 og pantað pappír hjá Nönnu ritara. Fyrirfram þakkir og bestu kveðjur, nemendur í 10. bekk í Hrafnagilsskóla

Í mars verður póstkosning þar sem kosið verður um sex efstu sætin á framboðslista Framsóknarflokksins í Norðausturkjördæmi fyrir Alþingiskosningarnar 25. september 2021. Þeir sem vilja hafa áhrif þurfa að vera skráðir í Framsóknarflokkinn og eiga lögheimili í kjördæminu. Hægt er að skrá sig í flokkinn fram á föstudag 29. janúar – kjörskráin lokar um miðnætti þann 29. jan. Hægt er að skrá sig með rafrænum skilríkjum https://framsokn.is/ganga-i-flokkin/

Á safninu er fjöldi bóka, tímarita og upplýsingaefnis, bæði til útláns, lestrar og skoðunar á staðnum. Komið við á bókasafninu og kynnið ykkur hvað þar er að finna. Nú er safnið opið fyrir almenning sem hér segir: Þriðjudagar frá 16:00-19:00 Miðvikudagar frá 16:00-19:00 Fimmtudagar frá 16:00-19:00 Að sjálfsögðu ber að viðhafa þær varúðarráðstafanir sem mögulegt er, t.d. handþvott og sprittun áður en komið er inn á safnið og áður en farið er út aftur og tveggja metra regluna. Þær bækur sem koma inn eru sótthreinsaðar eins og kostur er og fara ekki í útlán strax. Bókasafnið er staðsett í kjallara íþróttahúss Hrafnagilsskóla og er gengið inn að austan. Ekið er niður með skólanum að norðan.

Landssamtökin Þroskahjálp hafa gefið út þrjú myndbönd á 5 tungumálum um réttindi fatlaðra barna af erlendum uppruna. Myndböndin eru liður í aukinni þjónustu samtakanna við fatlað fólk af erlendum uppruna og fjölskyldur þeirra með styrk frá Þróunarssjóði innflytjendamála. Myndböndin eru á íslensku, ensku, pólsku, spænsku og arabísku og voru talsett af þeim Ólafi Darra Ólafssyni leikara, frú Elizu Reid forsetafrú, Joanna Marcinkowska sérfræðingi í málefnum innflytjenda, Magdalena Meija og Soumia Georgsdóttur, framkvæmdastjóra. Myndböndin má sjá á Youtube síðu samtakanna og undir Réttindi hér á heimasíðu Þroskahjálpar. ENGLISH - Rights of children with disability with immigrant background in Iceland We are proud to announce that we have published three videos in Icelandic, English, Polish, Spanish, and Arabic about the rights of children with disability with immigrant background. The videos are a part of our efforts to reach disabled people and their families of immigrant background in Iceland and are funded by the Development Fund for Immigrant Affairs. Narrators are Ólafur Darri Ólafsson, First Lady Eliza Reid, Joanna Marcinkowska, Magdalena Meija and Soumia Georgsdóttir. POLSKI - Prawa dzieci niepełnosprawnych, Islandia ESPAÑOL - Derechos de los niños con discapacidad, Islandia اَلْعَرَبِيَّةُ - حقوق الاطفال ذوي الاحتياجات الخاصة من اصول مهاجرةأيسلندا