Fréttayfirlit

Almannavarnadeild ríkislögreglustjóra og embætti landlæknis brýna fyrir fólki að halda uppteknum venjum um einstaklingsbundnar smitvarnir í ljósi þeirra smita sem eru í samfélaginu.

Fjallskilanefnd hefur ákveðið að 1. göngur verði fyrstu helgina í september og 2. göngur tveim vikum síðar. Hrossasmölun verður 2. október og hrossaréttir 3. október. Fjallskilastjóri

Skrifstofa Eyjafjarðarsveitar verður lokuð frá 20. – 31. júlí vegna sumarleyfa starfsfólks. . Þeim sem þurfa nauðsynlega að ná sambandi við sveitarfélagið er bent á vaktsíma Eyjafjarðarsveitar 463-0615

Sveitarstjórn Eyjafjarðarsveitar samþykkti á fundi sínum 19. júní sl. að auglýsa tillögu að breytingu á Aðalskipulagi Eyjafjarðarsveitar 2018-2030 vegna efnistökusvæðis í landi Kaupangs á Bíldsárskarði. Breytingin felst í að efnistökusvæði með 30.000 rúmmetra efnistökuheimild er fært inn á skipulag. Efnistökusvæðið verður notað við byggingu Hólasandslínu 3. Gerð er grein fyrir efnistökusvæðinu í umhverfismati vegna framkvæmdarinnar, sjá samþykkta matsskýrslu dags. 19. september 2019.

Því miður hafa verið að koma upp hópsmit af Covid-19 undanfarna daga sem rekja má til mannfagnaða og hafa yfirvöld áhyggjur af þeirri þróun. Stórar ferðamannahelgar eru framundan og því mikilvægt að við hugum öll að smitvörnum en gleymum okkur ekki þó sól sé nú hátt á lofti. Hver og einn verður að gæta að sér og fara eftir tilmælum landlæknis hverju sinni. Við þurfum því miður að hafa í huga að veiran er enn virk í samfélaginu og á auðvelt með að dreifa sér sé slakað á vörnum gegn henni. Njótum sumarsins en gleymum ekki að verja okkur gagnvart smiti. Finnur Yngvi Kristinsson, sveitarstjóri.

Alltaf eitthvað nýtt! Bækur, tímarit, kiljur, hljóðbækur. Best er að ganga um dyr að austan (kjallari íþróttahúss) eða um sundlaugarinnganga og niður á neðri hæð.

Sveitarstjórn Eyjafjarðarsveitar samþykkti sl. vetur að hefja vinnu við gerð heildstæðs deiliskipulags fyrir Hrafnagilshverfi. Markmið deiliskipulagsins er að marka stefnu um áframhaldandi uppbyggingu Hrafnagilshvefis á komandi áratugum. Drög skipulagslýsingar hafa verið kynntar og er á þessu stigi máls verðmætt að fá fram athugasemdir sem snúa að umfangi verkefnisins, þ.e. hvort æskilegt sé að líta til þátta sem ekki koma fram í drögum að skipulagslýsingu.

Kjörstaður í Eyjafjarðarsveit verður í Hrafnagilsskóla. Kjörfundur hefst kl. 10:00, stefnt er að lokun kjörfundar kl. 18:00. Tekið skal fram að ekki má loka kjörstað fyrir kl. 22:00, nema kjörfundur hafi staðið í átta tíma og hálftími sé liðinn frá því að kjósandi gaf sig síðast fram. Kjósendur eru því hvattir til að mæta nægilega snemma til að tryggja að þeir geti greitt atkvæði. Þeir sem eiga erfitt með gang mega aka að inngangi skóla. Á kjörstað gerir kjósandi grein fyrir sér með framvísun skilríkja eða á annan fullnægjandi hátt. Á kjördegi hefur kjörstjórn aðsetur í Hrafnagilsskóla, sími 464-8100 eða 894-1372. Kjörstjórnin í Eyjafjarðarsveit 16. júní 2020; Einar Grétar Jóhannsson, Elsa Sigmundsdóttir og Níels Helgason.

Eyjafjarðarsveit og hestamannafélagið Funi skrifuðu undir áframhaldandi samstarfssamning um uppbyggingu reiðvega í sveitarfélaginu. Sveitarfélagið leggur til fjárhæð allt að 2mkr á ári til ársloka 2023 gegn mótframlagi úr reiðvegasjóði og er þetta framlenging á fyrri samning.

Kynning á deiliskipulagslýsingu miðvikudaginn 24.júní klukkan 17:00 í mötuneyti Hrafnagilsskóla. Skipulagsnefnd hefur undanfarna mánuði unnið að undirbúningi nýs deiliskipulags fyrir Hrafnagilshverfi í samstarfi við þau Árna Ólafsson og Lilju Filippusdóttur hjá Teiknistofu Arkitekta.