Í samræmi við ákvörðun sveitarstjórnar, 18. janúar 2011, er hér með auglýst tillaga að breytingu á aðalskipulagi Eyjafjarðarsveitar 2005-2025 vegna efnistökusvæða, skv. 1. mgr. 21. gr. skipulags- og byggingarlaga nr. 73/1997 og umhverfisskýrsla áætlunarinnar skv. 7. gr. laga um umhverfismat áætlana nr. 105/2006.
Skipulagið nær til alls sveitarfélagsins.
Markmið tillögunnar er að ná heildarsýn yfir efnistöku innan sveitarfélagsins, tryggja framboð efnis en jafnframt stýringu á efnistöku, með tilliti til verndar og viðhaldi lífríkis. Reynt skal að hafa vegalengdir vegna efnisflutninga sem styttstar en að efnistaka verði þó á tiltölulega fáum stöðum í einu.
Skipulagið, sem er sett fram í greinargerð og á uppdrætti og fylgiskjöl með skipulaginu eru umhverfisskýrsla, skilagrein Veiðimálastofnunar um möguleg efnistökusvæði og umsagnir Veiðimálastofnunar og Sverris Thorstensen um nýja efnistökustaði. Tillagan ásamt fylgiskjölum er til sýnis á skrifstofu Eyjafjarðarsveitar og tillögurnar liggja einnig frammi á Skipulagsstofnun.
Hverjum þeim aðila sem telur sig eiga hagsmuna að gæta er gefinn kostur á að gera athugasemdir við tillöguna. Kynningartími og frestur til að gera athugasemdir við tillöguna er til og með 8. mars 2011.
Athugasemdir skulu vera skriflegar og berast skrifstofu Eyjafjarðarsveitar.
Sveitarstjóri Eyjafjarðarsveitar
