Sveitarstjórn Eyjafjarðar hefur ákveðið að láta fara fram rannsókn á áhrifum efnistöku úr Eyjafjarðará og vatnasviði hennar á lífríki árinnar.
Sveitarstjórn hefur leitað eftir samstarfi og kostnaðarþátttöku Akureyrarbæjar og Veiðifélags Eyjafjarðarár vegna þessa verkefnis. Bæjarstjórn Akureyrar hefur tekið jákvætt í erindi sveitarstjórnar og beðið er svars stjórnar Veiðifélagsins.
Úr greinargerð og samþykkt sveitarstjórnar um efnistöku og rannsóknir.
Skiptar skoðanir eru um þessa efnistöku og hvaða áhrif hún kunni að hafa á lífríki árinnar og þá fyrst og fremst veiðina og vöxt og viðgang bleikjustofnsins i ánni. Í umræðu um efnistökuna hafa komið fram þau sjónarmið, að réttast væri að banna hana eða í það minnsta að takmarka verulega. Þau sjónarmið eru einnig sett fram að ástæða sé til að nýta efni úr ánni þar sem miklir hagsmunir séu í húfi bæði fyrir landeigendur og efnisnotendur, enda sé hér um endurnýjanlega auðlind að ræða og áhrifin samkvæmt því hverfandi.
Skipulagsyfirvöld standa frami fyrir því viðfangsefni að velja á milli eða samræma þá hagsmuni sem hér kunna að rekast á og móta sér stefnu til framtíðar varðandi efnistökuna. Með vísan til þess telur sveitarstjórn Eyjafjarðarsveitar nauðsynlegt að láta fara fram faglega rannsókn á áhrifum efnistökunnar og hefur hún í því samhengi samþykkt eftirfarandi:
• Að nú þegar verði hafinn undirbúningur að faglegu mati á Eyjafjarðará og óshólmasvæðinu m. t. t efnistöku.
• Metið verði hversu mikið efni er að finna á svæðinu og hve hratt það endurnýjast.
• Þegar slíkt mat hefur farið fram þarf að ákveða hversu mikið magn sé óhætt eða ásættanlegt að tekið sé árlega til brottflutnings m. t. t. veiði í Eyjafjarðará, hugsanlegra breytinga á falli árinnar (breytingar á meginfarvegi hennar) og hættu á nýju landbroti af hennar völdum o. fl.
• Verði niðurstaða faglegrar úttektar og rannsókna sú að efnistaka verði heimiluð kann að vera nauðsynlegt að setja fastar vinnureglur um ýmislegt sem snýr aðefnistökunni s. s. hvenær efnistakan megi fara fram og hvar, á einum stað eða fleirum samtímis o. s.frv.
Sveitarstjórn mun leita eftir samvinnu við stjórn Veiðifélags Eyjafjarðarár um þetta verkefni. Þá vill hún með þessu erindi óska eftir samvinnu við bæjaryfirvöld á Akureyri um aðkomu þeirra að verkefninu bæði hvað varðar faglegan undirbúning og kostnaðarþátttöku. Sú ósk er sett fram á grundvelli sameiginlegra hagsmuna beggja sveitarfélaganna hvað varðar nýtingu efnis og varðveislu lífríkis árinnar og óshólmasvæðisins.
Nákvæm kostnaðaráætlun liggur ekki fyrir en lauslega má gera ráð fyrir að kostnaður geti orðið verulegur eða á bilinu 5 – 7 millj. kr.
Úr greinargerð og samþykkt sveitarstjórnar um efnistöku og rannsóknir.
Skiptar skoðanir eru um þessa efnistöku og hvaða áhrif hún kunni að hafa á lífríki árinnar og þá fyrst og fremst veiðina og vöxt og viðgang bleikjustofnsins i ánni. Í umræðu um efnistökuna hafa komið fram þau sjónarmið, að réttast væri að banna hana eða í það minnsta að takmarka verulega. Þau sjónarmið eru einnig sett fram að ástæða sé til að nýta efni úr ánni þar sem miklir hagsmunir séu í húfi bæði fyrir landeigendur og efnisnotendur, enda sé hér um endurnýjanlega auðlind að ræða og áhrifin samkvæmt því hverfandi.
Skipulagsyfirvöld standa frami fyrir því viðfangsefni að velja á milli eða samræma þá hagsmuni sem hér kunna að rekast á og móta sér stefnu til framtíðar varðandi efnistökuna. Með vísan til þess telur sveitarstjórn Eyjafjarðarsveitar nauðsynlegt að láta fara fram faglega rannsókn á áhrifum efnistökunnar og hefur hún í því samhengi samþykkt eftirfarandi:
• Að nú þegar verði hafinn undirbúningur að faglegu mati á Eyjafjarðará og óshólmasvæðinu m. t. t efnistöku.
• Metið verði hversu mikið efni er að finna á svæðinu og hve hratt það endurnýjast.
• Þegar slíkt mat hefur farið fram þarf að ákveða hversu mikið magn sé óhætt eða ásættanlegt að tekið sé árlega til brottflutnings m. t. t. veiði í Eyjafjarðará, hugsanlegra breytinga á falli árinnar (breytingar á meginfarvegi hennar) og hættu á nýju landbroti af hennar völdum o. fl.
• Verði niðurstaða faglegrar úttektar og rannsókna sú að efnistaka verði heimiluð kann að vera nauðsynlegt að setja fastar vinnureglur um ýmislegt sem snýr aðefnistökunni s. s. hvenær efnistakan megi fara fram og hvar, á einum stað eða fleirum samtímis o. s.frv.
Sveitarstjórn mun leita eftir samvinnu við stjórn Veiðifélags Eyjafjarðarár um þetta verkefni. Þá vill hún með þessu erindi óska eftir samvinnu við bæjaryfirvöld á Akureyri um aðkomu þeirra að verkefninu bæði hvað varðar faglegan undirbúning og kostnaðarþátttöku. Sú ósk er sett fram á grundvelli sameiginlegra hagsmuna beggja sveitarfélaganna hvað varðar nýtingu efnis og varðveislu lífríkis árinnar og óshólmasvæðisins.
Nákvæm kostnaðaráætlun liggur ekki fyrir en lauslega má gera ráð fyrir að kostnaður geti orðið verulegur eða á bilinu 5 – 7 millj. kr.
