Leikskólinn Krummakot óskar eftir að ráða til sín starfsfólk

Leikskólinn Krummakot í Eyjafjarðarsveit óskar eftir að ráða til sín starfsfólk í eftirfarandi stöður:

•    Stöður leikskólakennara, bæði fullt starf og hlutastarf vegna sérkennslu.
•    Blönduð störf,  100% staða.

Leitað er eftir fólki sem býr yfir:
•    reynslu og þekkingu
•    færni og lipurð í samskiptum
•    frumkvæði og skipulagsfærni
•    sjálfstæði í vinnubrögðum
•    metnaði og áhuga á faglegri uppbyggingu leikskólastarfs

Krummakot er þriggja deilda leikskóli staðsettur í Hrafnagilshverfinu, 10 km sunnan Akureyrar. Fjöldi nemenda er hátt í sextíu og deildir aldursskiptar. Verið er að innleiða Jákvæðan aga og markvisst unnið með málrækt, dygðir, umhverfisstarf, hreyfingu, myndlist og tónlist.

Ráðið er í stöðurnar frá byrjun ágúst 2014.

Ef ekki fást leikskólakennarar í auglýstar leikskólakennarastöður verður ráðið fólk með aðra menntun sem nýtist í starfi.

Allar nánari upplýsingar veitir Hugrún Sigmundsdóttir skólastjórnandi í síma 892-7461, netfang hugruns@krummi.is
Heimasíða Krummakots er www.krummi.is
Umsóknarfrestur er til 31. júlí n.k.