Niðurstaða könnunar, um einkennisfjall Eyjafjarðarsveitar, er Kerling sem hlaut 37 atkvæði af 45 sem bárust skrifstofunni. Önnur fjöll sem nefnd voru til sögunnar voru Staðarbyggðarfjall sem fékk 3 atkvæði, Súlur með 2 atkvæði og 1 atkvæði hvert fengu Sigtúnafjall, Torfufell og Gnúpufell. Myndin af Kerlingu sem fylgir fréttinni er af vefnum Grenndargral.
Mörg skemmtileg svör fylgdu atkvæðum og má sjá nokkur þeirra hér fyrir neðan.
*Okkar fjall er Kerlingin að sjálfsögðu:)
*Auðvitað Kerling,en ekki hvað?
*Bæjarfjallið er á nokkurs vafa Kerlingin
*Sofna undir henni allar nætur og litið upp til hennar alla daga.
*Tignarleg og þegar ég m.a. var í hestaferð á Mývatnsöræfum í góðu skyggni,
þá blasti þetta bæjarfjall mitt við mér hærra en öll þau fjöll sem ég sá til vesturs.
*Ekki spurning: KERLING
*Hvað annað en Kerlingin !
*Þrjár kynslóðir hér á bæ nefna Kerlingu sem einkennisfjall Eyjafjarðarsveitar!
*Öll fjöllin í sveitinni eru falleg, en okkur hér finnst þetta fjall mest einkennandi
fyrir Eyjafjarðarsveit. Held að það heiti Staðarbyggðarfjall.
*Á mínum bæ höfum við Kerlinguna daglega fyrir augum, tignarlegt fjall sem okkur langar
að tilnefna sem einkennisfjall Eyjafjarðarsveitar.
*Við fjölskyldan í xxx erum einróma sammála um að einkennisfjall Eyjafjarðarsveitar eigi að vera Kerling.
Hún bæri, að okkar mati, það heiti með sæmd enda fádæma glæsilegt fjall.
*Sveitarfjallið er að okkar dómi “ KERLING “ sem er stolt okkar og prýði – 1538 m. á hæð og blasir við
okkur jafnt austan af Hólsfjöllum sem sunnan af Sprengisandi svo eitthvað sé nefnt – veitir okkur skjól
og safnar á herðar sér þeim snjó sem annars myndi setja okkur á kaf í “ vetrarins helkulda hríðum “.
*Fjallið er hæðsta fjall Norðurlands, hátt og tignarlegt og er þar að auki vel þekkt af mörgum
fjallagörpum reyndum sem óreyndum. Margir ganga á fjallið á hverju ári, vor, sumar, haust
og jafnvel yfir vetrartímann. Af toppi fjallsins sést vel til allra átta og langt austur á land. Við
teljum því að fjallið Kerling sómi sér vel sem einkennisfjall sveitarinnar.
*Einkennisfjall Eyjafjarðarsveitar er að sjálfsögðu SÚLUR
*"Með jómfrúna í forgrunni og Þríklakka, Bónda, Stóra-krumma, Litla krumma og Súlur sér til hægri handar."
