Dagskrá:
1. Íþróttamiðstöð - Vetraropnunartími sundlaugar 2023 - 2305020
Velferðar- og menningarnefnd samþykkir tillögu forstöðumanns um að stytta opnunartíma Íþróttamiðstöðvar um helgar til kl. 18.
Nefndin óskar eftir því að forstöðumaður Íþróttamiðstöðvar taki til skoðunar að sumaropnun Íþróttamiðstöðvar haldi sér þá daga sem göngur fara fram í Eyjafjarðarsveit í septembermánuði ár hvert.
Samþykkt
2. Íþrótta- og Ólympíusamband Íslands - Íþróttavika Evrópu 2023 - 2305032
Velferðar- og menningarnefnd hvetur til þess að íþróttavikan verði haldin í Eyjafjarðarsveit og sótt verði um styrk vegna viðburða til ÍSÍ. Forstöðumaður Íþróttamiðstöðvar hefur fengið erindið frá ÍSÍ afhent og mun fá senda minnispunkta af fundi nefndarinnar um málið.
Samþykkt
3. Íþróttamiðstöð - Starfsemi félagsmiðstöðvar - 2306002
Velferðar- og menningarnefnd samþykkir tillögu umsjónarmanns Hyldýpis og forstöðumanns Íþróttamiðstöðvar um að bæta við starfsmanni af öðru kyni á þeim viðburðum sem skipulagðir eru af umsjónarmanni í félagsmiðstöðinni.
Nefndin tekur jákvætt í hugmyndir sem settar eru fram í erindinu um aukinn opnunartíma félagsmiðstöðvar, en vill beina erindinu til frekari umræðu hjá Ungmennaráði. Óskað er eftir að lagðar verði fram frekari ábendingar og tillögur eftir slíka umræðu til að unnt verði að taka upplýsta ákvörðun um breyttan opnunartíma.
Samþykkt
4. Bjartur lífsstíll - heilsuefling 60 - 2305034
Velferðar- og menningarnefnd þakkar fyrir erindið. Nefndin telur æskilegt að upplýsingum um lýðheilsumál innan sveitarfélagsins verði komið á framfæri á einum stað.
Samþykkt
5. Smámunasafn Sverris Hermannssonar - 2301009
Formaður gerði grein fyrir stöðu mála varðandi Smámunasafnið.
Samþykkt
6. Starfsemi og hlutverk héraðsskjalasafna - 2305015
Lagt fram til kynningar.
Samþykkt
Fleira ekki gert. Fundi slitið kl. 20:30
