Sveitarstjórn

653. fundur 10. apríl 2025 kl. 08:00 - 09:15 Fundarstofa 2, Skólatröð 9

Nefndarmenn

Hermann Ingi Gunnarsson
Linda Margrét Sigurðardóttir
Kjartan Sigurðsson
Berglind Kristinsdóttir
Ásta Arnbjörg Pétursdóttir
Sigurður Ingi Friðleifsson var fjarverandi en í staðinn sat fundinn Guðmundur S. Óskarsson
Sigríður Bjarnadóttir

Starfsmenn

Finnur Yngvi Kristinsson sveitarstjóri
Bjarki Ármann Oddsson skrifstofu- og fjármálastjóri

Fundargerð ritaði: Bjarki Ármann Oddsson skrifstofu- og fjármálastjóri

Dagskrá:

Almenn erindi

1. 2502009 - Háaborg 2 - L174046 - F2219399 - Umsókn um breytingu á vinnustofu í íbúðarhús

Fyrir fundinum liggur erindi frá eiganda Háuborgar 2, þar sem sótt er um að breyta skráningu/notkun á vinnustofu (tómstundaaðstöðu samkv. fasteignaskrá) í íbúð.

Skipulagsnefnd leggur til við sveitarstjórn að hafna erindinu á grundvelli skilmála aðalskipulags Eyjafjarðarsveitar sem kveður á um þrjár byggingalóðir samtals fyrir íbúða- eða frístundahús á hverri bújörð án deiliskipulags.

Sveitarstjórn hafnar erindinu á grundvelli skilmála aðalskipulags Eyjafjarðarsveitar sem kveður á um þrjár byggingalóðir samtals fyrir íbúða- eða frístundahús á hverri bújörð án deiliskipulags.

2. 2310005 - Athafnasvæði á Bakkaflöt - nýtt deiliskipulag og breyting á Aðalskipulagi

Kynning deiliskipulagstillögu á vinnslustigi og breytingar á aðalskipulagi fyrir athafnasvæði á Bakkaflöt lauk 3. mars sl. og bárust níu erindi á kynningartímabliinu. Nefndin fjallar um innkomin erindi.

Skipulagsnefnd leggur til við sveitarstjórn að skipulagshönnuði verði falið að hafa hliðsjón af innkomnum erindum við uppfærslu skipulagstillögunar og samþykkja að auglýsa samkv. 31.gr. og 1. mgr 41. gr. skipulagslaga nr. 123/2010

Sveitarstjórn felur skipulagshönnuði að hafa hliðsjón af innkomnum erindum við uppfærslu skipulagstillögunar og samþykkir samhljóða að auglýsa deiliskipulagstillöguna samkv. 31.gr. og 1. mgr 41. gr. skipulagslaga nr. 123/2010.

3. 2503048 - Hólmatröð 12 L235825 - stöðuleyfi fyrir dúkaskemmu

Sótt er um stöðuleyfi vegna 8*12m dúkaskemmu við Hólmatröð 12, sem ætluð er til geymslu á byggingarefni og búnaði á meðan framkvæmdir við Hólmatröð 3 og 12 standa yfir.

Skipulagsnefnd leggur til við sveitarstjórn að veitt verði stöðuleyfi fyrir dúkaskemmu. Stöðuleyfi gildir í eitt ár. Þá verði jafnframt skilyrt í stöðuleyfinu að sveitarfélagið geti afturkallað leyfið ef aðstæður kalla á að þörf sé fyrir sveitarfélagið að fá aðgang að umræddu landsvæði.

Sveitarstjórn samþykkir samhljóða að veita stöðuleyfi fyrir dúkaskemmu. Stöðuleyfið gildir í eitt ár. Þá verði jafnframt skilyrt í stöðuleyfinu að sveitarfélagið geti afturkallað leyfið fyrirvaralaust ef aðstæður kalla á að þörf sé fyrir sveitarfélagið að fá aðgang að umræddu landsvæði.

4. 2503024 - Byttunes L228844 - Umsókn um framkvæmdaleyfi til landmótunar á Byttunesi

Fyrir fundinum liggur umsókn um framkvæmdaleyfi til að nýta hluta efnis sem fellur til við uppbyggingu innviða í Ölduhverfi til landmótunar á Byttunesi.

Skipulagsnefnd leggur til við sveitarstjórn að erindið verði samþykkt en að í framkvæmdaleyfi verði skilyrt að landhæð mótunnar fari ekki yfir veghæðir enda liggja að svo stöddu ekki fyrir hönnunargögn varðandi fyrirkomulag svæðisins.

Sveitarstjórn samþykkir erindið samhljóða og að framkvæmdaleyfi verði skilyrt við að landhæð mótunnar fari ekki yfir veghæðir enda liggja að svo stöddu ekki fyrir hönnunargögn varðandi fyrirkomulag svæðisins.

5. 2503039 - Leikskólinn Krummakot - Skóladagatal 2025-2026

Skólanefnd leggur til við sveitarstjórn að skóladagatal Krummakots veturinn 2025-2026 verði samþykkt.

Sveitarstjórn samþykkir samhljóða fyrirliggjandi skóladagatal Krummakots fyrir veturinn 2025-2026. Starfsemi leikskólans hefst samkvæmt því síðar en vanalega og tengist það flutningum starfseminnar í nýtt húsnæði með tilheyrandi lokun þá daga.

6. 2503036 - Hrafnagilsskóli - Skóladagatal 2025-2026

Skólanefnd leggur til við sveitarstjórn að skóladagatal Hrafnagilsskóla veturinn 2025-2026 verði samþykkt.

Sveitarstjórn samþykkir samhljóða fyrirliggjandi skóladagatal Hrafnagilsskóla fyrir veturinn 2025-2026.

7. 2408011 - Ósk um endurnýjun samnings við UMSE

Sveitarstjórn leggur til breytingar á samningsdrögum og felur sveitarstjóra að bera undir stjórn UMSE. Samþykki stjórn breytingarnar er sveitarstjóra falið að skrifa undir samninginn.

Þá kallar sveitarstjórn eftir skýrslu stjórnar, ársreikningum og samantekt á skyldum UMSE gagnvart aðildarfélögunum.

8. 2502037 - Fasteignir Eyjafjarðarsveitar

Umræður um jörðina að Þormóðsstöðum.