Sveitarstjórn

647. fundur 13. febrúar 2025 kl. 08:00 - 10:00 Fundarstofa 2, Skólatröð 9

Nefndarmenn

Hermann Ingi Gunnarsson
Linda Margrét Sigurðardóttir
Kjartan Sigurðsson
Berglind Kristinsdóttir
Ásta Arnbjörg Pétursdóttir
Sigurður Ingi Friðleifsson
Sigríður Bjarnadóttir

Starfsmenn

Bjarki Ármann Oddsson skrifstofu- og fjármálastjóri

Fundargerð ritaði: Bjarki Ármann Oddsson skrifstofu- og fjármálastjóri

Dagskrá:

Almenn erindi

1. 2310005 - Athafnasvæði á Bakkaflöt - deiliskipulag og breyting á Aðalskipulagi

Fyrir fundinum liggja tillaga á vinnslustigi vegna nýs deiliskipulags og breytingar á aðalskipulagi fyrir athafnasvæði á Bakkaflöt.

Skipulagsnefnd afgreiddi málið frá sér á 425. fundi sínum. Þar óskar nefndin eftir við skipulagshönnuð að uppfæra gögn svo að mænishæð verði að hámarki 10m. Skipulagsnefnd lagði þá til við sveitarstjórn að svo breyttri aðal- og deiliskipulagstillögu vegna Bakkaflatar - athafnasvæðis yrði vísað í kynningu skv. 2. mgr. 30 gr. og 4. mgr. 40 gr. skipulagslaga nr. 123/2010.

Aðalskipulagstillagan er unnin af Landslagi dags. 7.febrúar 2025.

Deiliskipulagstillagan er unnin af Lilium teiknistofu, dags. 10.febrúar 2025 og hefur þar verið tekið tillit til ábendingar skipulagsnefndar um að hámarks mænishæð verði 10 metrar.

Sveitarstjórn samþykkir samhljóða að fram lagðar aðal- og deiliskipulagstillögur vegna Bakkaflatar - athafnasvæðis verði vísað í kynningu skv. 2. mgr. 30 gr. og 4. mgr. 40 gr. skipulagslaga nr. 123/2010.

2. 2412001 - Sorphirða og gámasvæði gjaldskrá 2025

Sveitarstjórn tekur fyrir gjaldskrársamþykkt fyrir förgun úrgangs og sorphirðu í sveitarfélaginu.

Sveitarstjórn samþykkir samhljóða tillögu sveitarstjóra að breytingu orðalags í gjaldskrársamþykktinni til samræmis við fyrri afgreiðslur sveitarstjórnar á gjaldskránni. Sveitarstjóra er falið að fullnusta gildistökuna.

3. 2205018 - Skipan í nefndir og ráð 2022 til 2026

Sveitarstjórn samþykkir samhljóða að skipa Lindu Margréti Sigurðardóttur formann skipulagsnefndar í stað Önnu Guðmundsdóttur sem verður varaformaður nefndarinnar. Einnig samþykkir sveitarstjórn samhljóða að skipa Freydísi Ernu Guðmundsdóttur sem varamann í skólanefnd Tónlistarskóla Eyjafjarðar í stað Sonju Magnúsdóttur.

4. 2502007 - Sýslum. á Norðurl.eystra óskar eftir umsögn vegna umsóknar um rekstrarleyfi gistingar í flokki II vegna Kotru 13

Sveitarstjóri kynnir umsögn Eyjafjarðarsveitar vegna umsóknar um rekstrarleyfi gistingar í flokki II vegna Kotru 13. Í umsögninni kemur fram að "Litið er svo á að útgáfa nýrra gistileyfa sé ekki í samræmi við gildandi skipulag í Kotru og mælir Eyjafjarðarsveit því gegn útgáfu umbeðins leyfis að Kotru 13".

Lagt fram til kynningar.

Fundargerðir til kynningar

5. 2501006F - Framkvæmdaráð - 157

Fundargerð 157.fundar Framkvæmdaráðs Eyjafjarðarsveitar lögð fram til kynningar.