Skipulagsnefnd

1.

Espihóll deiliskipulag og breyting á aðalskipulagi - 2209020

Fyrir fundinum liggur erindi frá Skipulagsstofnun vegna yfirferðar stofnunarinnar á deiliskipulagi fyrir íbúðarsvæði í landi Espihóls (Espilaut) skv. 1 mgr. 42. gr. skipulagslaga nr. 123/2010.

Skipulagsnefnd bendir á að staðsetning byggingarreits helgast af því að svæðið fjær þjóðvegi er talsvert bratt og hentar því illa til húsbygginga auk þess sem staðsetningin er í samræmi við byggðarmynstur sem fyrir er á svæðinu. Skipulagsnefnd leggur til við sveitarstjórn að skipulagsfulltrúa verði falið að afla undanþágu ráðherra frá kröfu skipulagsreglugerðar um fjarlægð íbúðarhúsa frá þjóðvegi. Nefndin leggur ennfremur til að viðeigandi veitum verði bætt á skipulagsuppdrátt og að svo breyttar skipulagstillögur verði samþykktar skv. 1. mgr. 32. gr. og 1. mgr. 42. gr. skipulagslaga nr. 123/2010.

Benjamín Örn Davíðsson vék af fundi nefndarinnar við afgreiðslu þessa liðar.

2.

Ytri-Varðgjá deiliskipulag íbúðarsvæðis - 2308016

Kynning deiliskipulagstillögu á vinnslustigi vegna nýs deiliskipulags fyrir íbúðarsvæði í landi Ytri-Varðgjár lauk 14. janúar sl. og bárust níu erindi á kynningartímabliinu. Nefndin fjallar um innkomin erindi.

Skipulagsnefnd leggur til við sveitarstjórn að skipulagshönnuði verði falið að bregðast við innkomnum athugasemdum á eftirfarandi hátt:
-tengingu íbúðarsvæðis við Veigastaðaveg verði fundinn staður í samræmi við tilsögn Vegagerðarinnar og með hliðsjón af vegtengingum við ný íbúðarsvæði sem fyrirhuguð eru í næsta nágrenni.
-gerð verði grein fyrir bundnu slitlagi á íbúðargötum.
-gerð verði grein fyrir rykbindingu vinnusvæðis á framkvæmdatíma ef mikillar rykmengunar verður vart.
-metið verði í skipulagsgreinargerð hvort unnt sé að samnýta hreinsistöð fráveitu með fyrirhugaðri byggð neðan vegar.
-ákvæði um lýsingu á íbúðarsvæði verði samræmd við ákvæði rammahluta aðalskipulags fyrir Heiðina sem í vinnslu er.
-gert verði ráð fyrir að uppbyggingin skiptist í u.þ.b. 15 íbúða áfanga í samræmi við ákvæði rammahluta aðalskipulags fyrir Heiðina sem í vinnslu er.
-að fjallað verði um ofanflóðahættu á svæðinu í greinargerð deiliskipulags.
-að bætt verði við gönguleið milli íbúðarsvæða til suðurs neðar en fram kemur í núverandi tillögu.
-hæðarlínur á deiliskipulagsuppdrætti verði merktar og gerð grein fyrir hæðarlegu efstu húsa með hliðsjón af athugasemd Norðurorku.
Auk þess verði skipulagshönnuði falið að hafa viðeigandi hliðsjón af innkomnum erindum við gerð skipulagstillögu.

3.

Ytri-Varðgjá 3 - íbúðir og hótel - 2208016

Nefndin heldur áfram umfjöllun um innkomin erindi vegna auglýsingar aðal- og deiliskipulagstillaga vegna áforma um hótelbyggingu í landi Ytri-Varðgjár.

Skipulagsnefnd leggur til við sveitarstjórn að skipulagsfulltrúa verði falið að afla undanþágu ráðherra vegna fjarlægðar fyrirhugaðs hótels frá vatnsbakka sbr. gr. 5.3.2.14 í skipulagsreglugerð.

Anna Guðmundsdóttir vék af fundi við afgreiðslu þessa liðar.

4.

Aðalskipulag Eyjafjarðarsveitar endurskoðun 2022 - 2210043

Sveitarstjórn Eyjafjarðarsveitar samþykkti á fundi sínum 25. ágúst 2022 að fram færi endurskoðun á Aðalskipulagi Eyjafjarðarsveitar 2018-2030. Aðalskipulagshönnuður mætir á fund nefndarinnar klukkan 9. Meðfylgjandi er minnisblað með tillögum að breytingum á aðalskipulagi.

Ómar Ívarsson kemur á fund nefndarinnar og fer yfir fyrirhugaða endurskoðun aðalskipulags.