Auglýsingablaðið

Vegna framkvæmda verður sundlaug Hrafnagilsskóla lokuð frá mánudegi 20. ágúst til og með laugardags 25. ágúst.

Sundlaug Hrafnagilsskóla

Hátíðin Uppskera og Handverk við Hrafnagilsskóla var haldin í 15. sinn um síðustu helgi.
Bryddað var uppá fjölmörgum nýjungum þetta árið sem féll vel í kramið hjá gestum.

á þriðja þúsund manns greiddu atkvæði í samkeppni um fallegasta hanann og fallegustu hænuna á Landnámshænsnasýningu hátíðarinnar.
úrslit urðu þau að fallegasti haninn var Magdalenus, eigandi Ingi V. Gunnlaugsson, Félagsbúinu Hlíð. í 2. sæti varð Gulli í eigu Einars Gíslasonar á Brúnum
Fallegasta hænan varð Flekka eigandi ásgeir Sverrisson, í öðru sæti varð Ragga Gísla í eigu Inga V. Gunnlaugssonar

Atvinnumálanefnd hefur ákveðið gangnadaga fyrir haustið 2007 sem hér segir:

1. göngur:
1-2 sept.: Saurbæjarháls að Eyjafjarðardal vestan ár.
8-9. sept.: önnur gangnasvæði.
2. göngur: 22. og 23. september.
Hrossasmölun: 6-7. október

Gangnaseðlar verða sendir út laugardaginn 25. ágúst.

Skrifstofa Eyjafjarðarsveitar

Til leigu 2 íbúðir í Eyjafjarðarsveit. Annarsvegar 3ja herbergja íbúð, laus eftir samkomulagi. Hins vegar stúdío íbúð sem leigist með húsgögnum, laus strax.
Nánari upplýsingar gefur Heimir 463 1525 e. kl. 19:00.

Menningarfulltrúi Eyþings

Ragnheiður Jóna Ingimarsdóttir hefur verið ráðin í starf menningarfulltrúa Eyþings – sambands sveitarfélaga í Eyjafirði og þingeyjarsýslum. Hún var valin úr hópi 22ja umsækjenda, en tveir umsækjendur drógu umsóknir sínar til baka (sjá nöfn umsækjenda í frétt á vefsíðu Eyþings – www.eything.is. )

Ragnheiður Jóna er fædd á Hvanneyri í Borgarfirði árið 1966, en hefur í mörg undanfarin ár búið á Akureyri. Hún lauk námi í nútímafræði frá Háskólanum á Akureyri árið 2005 og á að baki fjölþætta reynslu úr rekstri og stjórnun verkefna. Að undanförnu hefur Ragnheiður Jóna verið verkefnastjóri hjá Impru nýsköpunarmiðstöð auk þess að stunda meistaranám í menningarstjórnun við Háskólann á Bifröst.

Starf menningarfulltrúa Eyþings er nýtt og er komið á fót í kjölfar nýlegs menningarsamnings menntamálaráðuneytisins, samgönguráðuneytisins og sveitarfélaga á starfssvæði Eyþings. í starfinu felst dagleg umsýsla fyrir Menningarráð Eyþings, þróunarstarf í menningarmálum og menningartengdri ferðaþjónustu á Norðurlandi eystra, fagleg ráðgjöf, kynning og verkefnastjórnun og efling samstarfs í menningarlífi á svæðinu.



Minkaveiðiátak í Eyjafirði.

Frá því í mars á þessu ári hefur sérstakt veiðiátak á mink verið í gangi í Eyjafirði, á svæði sem nær yfir sveitarfélögin Dalvíkurbyggð, Arnarneshrepp, Hörgárbyggð, Eyjafjarðarsveit, Akureyrarkaupstað, Svalbarðsstrandarhrepp og Grýtubakkahrepp. Svæðið afmarkast við austan- og vestanverðan Eyjafjörð frá botni og til norðurs að Kaldbaki að austan og að ólafsfjarðarmúla að vestan, þar með taldir þverdalir, Hörgárdalur, öxnadalur og Svarfaðardalur. Nefnd á vegum umhverfisráðuneytisins hefur umsjón með veiðiátakinu og er tilgangur þess að kanna möguleika á útrýmingu minks á tveim svæðum á landinu, Snæfellsnesi og Eyjafirði, með það í huga að ráðast í landsátak í framhaldinu gefi niðurstaða tilefni til. Umhverfisstofnun hefur umsjón með veiðunum og hafa verið ráðnir veiðimenn til að sinna þeim. Samhliða veiðunum eru í gangi rannsóknir sem ætlað er m.a. að meta árangur veiðiátaksins og eru þær unnar af Náttúrustofu Vesturlands í samvinnu við Náttúrufræðistofnun íslands.

Talið er að veiðar hafi gengið vel það sem af er árinu og hefur stóraukinn fjöldi gildra verið lagður á svæðinu auk þess sem minkaleit með hundum hefur verið meiri en áður. þrátt fyrir þessa auknu veiðar eru einhverjir minkar sem hafa komist undan og læður náð að gjóta. Nú í ágúst fara hvolpar sem komist hafa á legg að verða sýnilegir og því mikilvægt að fá upplýsingar um hvar þeir sjást. því vilja þeir sem að veiðiátakinu standa fara þess á leit við bændur og almenning að þeir láti vita ef sést til minka á ofangreindu svæði. Hægt er að hafa samband Veiðistjórnunarsvið Umhverfisstofnunar í síma 4607900 og láta vita af því.