Fréttayfirlit

Handverkshátíð 2013 lauk í dag í sól og blíðu. Alls fékk sýningin um 18.000 heimsóknir og eru aðstandendur sýningarinnar mjög ánægðir með aðsóknina og hvernig til tókst. Viljum við nýta tækifærið og þakka sýnendum og gestum fyrir ánægjulega helgi og hlökkum til að taka á móti ykkur að ári.

Öðrum degi Handverkshátíðar er lokið. Gríðarlegur fjöldi gesta heimsótti sýninguna í dag sem lauk með grillveislu, skemmtidagskrá og verðlaunaafhendingu. Eftirtaldir hlutu verðlaun:

Nú má sjá nýjar myndir frá Handverkshátíðinni í ár

Enn eitt aðsóknarmet var slegið á Handverkshátíð í dag. Fjölbreytt sýningarbásar og viðburðir á útisvæði lukkuðust vel og gestir nutu veitinga og lifandi tónlstar á torgi hátíðarinnar. Hlökkum til að sjá ykkur um helgina.

Undirbúningur Handverkshátíðar 2013 stendur sem hæst. Sölutjöld og veitingatjald rísa núna á svæðinu og sýnendur eru að koma sér fyrir. 90 sölubásar af öllu landinu með íslensku handverki og hönnun eru á sýningunni í ár. Norskar „kýr“ eru nú komnar á svæðið og munu skarta rammíslensku prjónlesi alla sýningarhelgina. Veðrið er dásamlegt í Eyjarfirðinum og bjóðum við landsmenn velkomna á Handverkshátíð sem hefst á morgun og stendur fram til mánudags.

Setning hátíðarinnar hefst kl: 12. Að henni lokinni opna sýningarsvæðin með 90 sölubásum með íslensku handverki og hönnun.

Handverkshátíðin verður sett n.k. föstudag kl: 12. Kynntu þér dagskrá hátíðarinnar hér á síðunni. Hlökkum til að sjá þig.

Upphitun fyrir Handverkshátíð 2013. Fylgist með á N4 n.k. þriðjudag

Heimilisiðnaðarfélagið heldur upp á 100 ára afmæli sitt í ár og verður með glæsilega sýningu á Handverkshátíð. Félagið hefur verið gestu hátíðarinnar í mörg ár og af tilefni aldar afmælis félagsins setur það upp sérstaka sýningu af þessu tilefni í Hjarta sýningarsvæðis 1. Sýndir verða þjóðbúningar með áherslu á Faldbúninginn bæði tilbúna og búning í vinnslu. Nýjasta bók félagsins "Faldar og skart" verður til sýnis og sölu. Félagskonur kynna ýmiskonar handverki s.s. knipl, útsaum, prjóni, hekl og til sýnis verða ýmsir munir á borð við vettlingar, sjöl og jurtalitað band auk afmælispeysunnar "Sjónu". Myndir úr starfi félagsins muni einnig prýða sýninguna.

Þáttur um 20. Handverkshátíðina í Eyjafjarðarsveit og landbúnaðarsýningu sem haldnar voru sumarið 2012 verður sýndur í kvöld á RÚV kl: 19:35