Eyjafjarðarsveit

Bókaklúbburinn verður á bókasafninu á morgun, miðvikudag 14. október kl. 16:30. Allir velkomnir. Í september lásum við bók að eigin vali eftir Kristínu Marju Baldursdóttur.

Litla yogastofan býður jógatíma í Hjartanu í Hrafnagilsskóla alla fimmtudaga kl. 17:00-18:15. Rólegt flæði sem ætti að vera aðgengilegt jafnt fyrir byrjendur sem lengra komna. Tímanum lýkur með leiddri slökun.

Útsynningur er glænýtt gamanverk eftir Hjálmar Arinbjarnarson, sem gerist í búningsklefa hjá áhugaleikfélagi úti á landi sem er með aðstöðu í félagsheimili sveitarinnar. Það er ýmislegt sem gengur á þegar hóp af fólki er troðið saman í lítið rými, rifrildi, sættir, skilningur og misskilningur, mis góð lykt og drasl útum allt. Svo ekki sé talað um glataða húsvörðinn sem á að vera að sjá um þetta félagsheimili. Sýningar verða eingöngu í október og er miðasala á tix.is og í síma 857-5598.

Karlakór Eyjafjarðar fagnar 30 ára afmæli sínu með stórtónleikum í Hofi á Akureyri þar sem léttleiki í lagavali og flutningi verður í fyrirrúmi.