Fréttayfirlit

SÍBS Líf og heilsa er forvarnaverkefni um heilbrigði og lífsstíl þar sem SÍBS ásamt aðildarfélögum og Samtökum sykursjúkra bjóða almenningi ókeypis heilsufarsmælingu í samstarfi við heilbrigðisstofnanir og sveitarfélög. Mældur er blóðþrýstingur, blóðfita, blóðsykur, súrefnismettun og fleira, auk þess sem þátttakendum er boðið að taka þátt í könnun um lífsstíl og heilsufar sem snertir á flestum áhrifaþáttum heilbrigðs lífs. Í byrjun október verður boðið upp á mælingar á Norðurlandi: Laugardagur 7. október 2017 kl. 10–17 Akureyri – Heimahjúkrun heilsugæslunnar, Skarðshlíð 20 (Húsnæði Hvítasunnukirkjunnar).

503. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 28. september 2017 og hefst kl. 15:00

Ungmennasamband Eyjafjarðar óskar eftir að ráða framkvæmdastjóra í 50% starf. UMSE er samband 13 íþrótta- og ungmennafélaga í Eyjafirði. Sambandið vinnur að hagsmunamálum aðildarfélaganna og veitir þeim ráðgjöf og þjónustu.

Stjórn UMSE auglýsir eftir umsóknum um ferðastyrki til íþróttafólks innan UMSE. Styrkjunum er úthlutað eftir vinnureglum sem stjórn UMSE setur og miðast upphæð styrkjanna við samþykkta fjárhagsáætlun hverju sinni. Hver einstaklingur getur einungis fengið einn styrk á hverju ári. Íþróttafólk getur sótt sjálft um styrkinn til stjórnar, en umsóknina þarf að staðfesta af forráðamanni íþróttafélagsins. Einnig geta aðildarfélög sótt um styrki fyrir hönd iðkenda. Úthlutað er tvisar á ári, í júní og október. Umsóknarfrestur fyrir seinni úthlutun ársins er til og með 30. september.

Laugardaginn næsta, 16. september, verður hinn árlegi pönnuköku- og markaðsdagur á safninu milli kl. 13:00 og 17:00. Er þetta jafnframt síðasti opnunardagur hjá okkur þetta sumarið. Leiðsögn verður um Saurbæjarkirkju milli kl. 14:00 og 17:00. Ýmsir aðilar verða með vörur sínar til sölu t.d. grænmeti, kex, sultur, kort, dagatöl, smá dót og fl. Ath. það er ekki posi á markaðnum. Að sjálfsögðu verðum við með ljúffengar pönnukökur í ýmsum útgáfum og heitt á könnunni á Kaffistofunni. Verið hjartanlega velkomin. Stúlkurnar á Smámunasafninu.

Af óviðráðanlegum orsökum þarf að fresta sorphirðu sem að átti að vera í dag fram á morgundaginn.

Seinni úthlutun ársins 2017 fer fram 1. nóvember. Sjóðurinn hefur frá stofnun stutt vel við margvísleg verkefni. Tilgangur sjóðsins er að stuðla að öflugara starfi hjá UMSE og aðildarfélögum þess. Sjóðurinn styrkir ýmis verkefni í innra starfi UMSE – svo sem: -Útbreiðslu- og kynningarstarf í því skyni að gera UMSE sýnilegra og vekja athygli á fjölþættu starfi sambandsins.-Fræðslustarf – m.a. námskeiðshald og fyrirlestra fyrir þjálfara, leiðbeinendur, starfsmenn og/eða dómara, félagsmenn og iðkendur innan UMSE. -Önnur verkefni sem sjóðsstjórn metur að séu til þess fallin að efla innra starf UMSE.

Síðastliðinn laugardag tók Jón Gunnarsson, samgönguráðherra, fyrstu skóflustunguna að nýjum göngu- og hjólreiðastíg sem tengir Hrafnagilshverfi í Eyjafjarðarsveit og Akureyri. Skóflustungan var aðalefni 500. fundar sveitarstjórnar Eyjafjarðarsveitar sem haldinn var úti undir beru lofti að viðstöddum fulltrúum Vegagerðarinnar, hjólreiðamönnum og öðrum gestum. Þetta, ásamt ljósleiðaratengingu allra heimila, er eitt stærsta framkvæmdaverkefni Eyjafjarðarsveitar á kjörtímabilinu en sveitarfélagið stendur að framkvæmdinni við stíginn ásamt Vegagerðinni.

Námskeið í Yoga verður haldið í Hyldýpinu í vetur. Verður það haldið á mánudögum og miðvikudögum frá klukkan 17:30 til 18:30 í 10 vikur. Námskeið hefst 11. september nk. Sundleikfimisnámskeið verður haldið í sundlauginni að Hrafnagilshverfi. Verður það haldið á mánudögum og miðvikudögum frá klukkan 18:30 til 19:30 í 10 vikur. Námskeið hefst 11. september nk. Verð á hvort námskeið fyrir sig er 19.000 kr Skráningar eru í síma 863-5839 / Marjolyn

501. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 7. september 2017 og hefst kl. 15:00