Fréttayfirlit

Hér má finna uppdrátt af breyttu aðalskipulagi er varðar göngu og hjólreiðastíg frá Akureyri að Hrafnagilshverfi.

Sorphirða hefur raskast í vikunnu vegna færðar. Gámaþjónusta Norðurlands biðlar til fólks að passa upp á að heimkeyrslur séu mokaðar og hreinsað frá tunnum svo bílar fyrirtækisins eigi greiða leið að þeim. Í dag miðvikudag verður sendur auka bíll til að klára hreinsun á innri hringnum.

Sveitarstjórn Eyjafjarðarsveitar samþykkti þann 26. október 2016 að auglýsa skipulags- og matslýsingu fyrir Aðalskipulag Eyjafjarðarsveitar 2018-2030 í samræmi við 30. gr. skipulagslaga nr. 123/2010.

Vegna tengingar á vararafstöð á Laugalandi í Eyjafjarðarsveit verður lokað fyrir heitt vatn í Vesturveitu, frá Botni að Ysta-Gerði og í Laugalandsveitu, frá Tjarnagerði að Sámsstöðum, þriðjudaginn 15.11.2016, kl. 9:00 - 12:00, eftir það verða tímabundnar truflanir fram eftir degi.

FUNDARBOÐ 488. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, 16. nóvember 2016 og hefst kl. 15:00

Laugardaginn 12. nóvember kl. 14.00-15.00 við íþróttamiðstöð Eyjafjarðarsveitar mun Þorbergur Ingi Jónsson ofurhlaupari fara yfir grunnatriði í hlaupastíl með aðaláherslu á hagkvæmni. Hvernig á að hlaupa þannig að álag á hné og bak sé í lágmarki, hlaupastíllinn verði hagkvæmari og hlauparar eiga auðveldara með að auka hraðann. Bæði fyrir byrjendur og lengra komna.

Tilgangur sjóðsins er að styrkja einstaklinga eða hópa, innan UMSE, sem náð hafa framúrskarandi árangri í íþrótt sinni. Umsóknarfrestur í sjóðinn er til og með 1. desember n.k. og verður úthlutað úr sjóðunum 15. desember.