Fréttayfirlit

Björgunarleikur Slysavarnafélagsins Landsbjargar var haldinn um síðustu helgi. 24 lið voru skráð til leiks frá sveitum víðsvegar um landið. Í stuttu máli sagt gerði "Made in sveitin" sér lítið fyrir og náði 4. sæti. Nánar um björgunarleikana má lesa hér.

Gamli bærinn í Laufási opnar dyr sínar upp á gátt laugardaginn 1. júní kl. 9:00 og býður velkomna alla þá gesti, innlenda og erlenda, sem leggja land undir fót í sumar. Sunnudaginn 2. júní er tilvalið að gera sér ferð í Laufás því kl. 14:00 til 16:00 verður handverksfólk úr Þjóðháttafélaginu Handraðnum að störfum í Gamla bænum og starfsfólk Pólarhesta koma með hesta og teyma undir ungum gestum á flötinni.

Eyjafjarðarsveit býður unglingum fæddum 1997, 1998 og 1999 vinnu við umhverfisverkefni á komandi sumri. Skila þarf umsóknum til skrifstofu Eyjafjarðarsveitar eða á netfangið esveit@esveit.is. Í umsókn þarf að koma fram nafn og kennitala umsækjanda, nafn forráðamanns og sími. Skrifstofa Eyjafjarðarsveitar s. 463-0600

Óskað er eftir aðstoðarskólastjóra frá og með 1. ágúst, leik- og grunnskólakennurum frá og með 1. ágúst, stuðningsfulltrúum við grunnskólann frá og með 1. ágúst og sumarafleysingu við leikskólann Krummakot frá og með 3. júní.

433. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, miðvikudaginn 22. maí 2013 og hefst kl. 12:00

Opnum aftur í potta, eimbað og sal þriðjudaginn 28. maí kl. 8:00 - 21:00 virka daga og kl. 10:00 - 17:00 um helgar. Íþróttamiðstöð Eyjafjarðarsveitar

Það voru margir sem gerðu sér glaðan dag, síðastliðinn laugardag, þegar EYFIRSKI safnadagurinn var haldinn í sjöunda sinn. Söfnin fengu hátt í 3000 heimsóknir. Það er því greinilegt að íbúar í Eyjafirði og ferðafólk kann vel að meta það að geta farið á milli forvitnilegra og fróðlegra safna í Eyjafirði. Sögulegt fólk var þema dagsins. Margir nýttu sér því þann fróðleik sem í boði var .