Fréttayfirlit

Um nokkurt skeið voru málverk á göngum skrifstofu Eyjafjarðarsveitar eftir listamanninn Sajóh; Samúel Jóhannsson og kunnum við honum bestu þakkir fyrir. Að þesssu sinni eru nokkur málverk eftir listamanninn Laufey Margréti Pálsdóttur sem prýða ganga skrifstofunnar. Nánari upplýsingar um Laufey má lesa hér.

Þar sem áður auglýst sorphirða, mánudaginn 1. apríl n.k. er frídagur, færist hún aftur um einn dag eða til þriðjudagsins 2. apríl. Þá verður sóttur almennur og lífrænn úrgangur ásamt heyrúlluplasti.

431. fundur sveitarstjórnar Eyjafjarðarsveitar verður haldinn í fundarstofu 1, Skólatröð 9, fimmtudaginn 27. mars 2013 og hefst kl. 12:00

Smámunasafnið verður opið alla páskadagana 28. mars til 1. apríl kl. 14:00 til 17:00. Rjúkandi kaffi og nýbakaðar vöfflur með sultutaui og rjóma. Í safnbúð handverk og eldra dót úr ýmsum áttum. Eggjaleikur ??? ,,Sá á fund sem finnur'' Verið velkomin í forvitnilega heimsókn.

Sveitarstjórn Eyjafjarðarsveitar hefur samþykkt skipulagslýsingu vegna fyrirhugaðrar breytingar á Aðalskipulagi Ejafjarðarsveitar 2005-2025. Ætlunin er að yfirfara og lagfæra gildandi Aðalskipulag Eyjafjarðarsveitar þar sem landnotkunarflokkar verða uppfærðir miðað við þær breytingar sem orðið hafa á aðalskipulagi síðan það var staðfest og lagfæra texta og gera hann skýrari þar sem reynslan hefur sýnt að þörf sé á því.

Íbúafundur var haldinn mánudaginn 4. mars og þar var ákveðið að sumardaginn fyrsta verði fólki boðið í sveitina. Ætlunin er að lista- og handverksmenn opni vinnustofur sínar, bændur, félagasamtök og ferðaþjónustu¬aðilar kynni starfsemi sína, sumardags¬gleði verði í Funaborg og svo mætti lengi telja. Vegna veðurs komu fáir á fundinn og því er boðað til annars íbúafundar í matsal Hrafnagilsskóla miðvikudaginn 13. mars kl. 20.00. Á fundinum verður rætt um frekari útfærslu á þessari hugmynd og jafnframt um nýja útgáfu á korti um ferðaþjónustu og afþreyingu í Eyjafjarðarsveit. Þeir sem hafa áhuga á að taka þátt og þeir sem vilja kynna starfsemi sína á nýju korti eru hvattir til að mæta, en allir eru velkomnir. Kaffi og með því. Landbúnaðar- og atvinnumálanefnd

Drög að friðlýsingarskilmálum um friðland í Þjórsárverum og verndun rústamýravistar er nú í auglýsingu með fyrirvara um samþykki hlutaðeigandi aðila. Fundur til að kynna tillöguna verður í Hótel Varmahlíð 18. mars kl. 15.

Framkvæmdaraðili stendur fyrir opnu húsi í Golfskálanum að Þverá, Eyjafjarðarsveit, þriðjudaginn 12. mars 2013, kl. 17:00-18:00.

Verkfræðistofa Norðurlands ehf hefur tilkynnt til umfjöllunar Skipulagsstofnunar frummatsskýrslu um Þverárnámu í Eyjafjarðarsveit. Tillaga að ofangreindri framkvæmd og skýrsla um mat á umhverfisáhrifum hennar liggur frammi til kynningar frá 6. mars til 17. apríl 2013 á eftirtöldum stöðum: Á skrifstofu og bókasafni Eyjafjarðarsveitar, í Þjóðarbókhlöðunni og hjá Skipulagsstofnun. Frummatsskýrslan er aðgengileg á heimasíðu verkfræðistofu Norðurlands.

Nú gefst handverksfólki og hönnuðum kostur á að sækja um sölubás á Handverkshátíð 2013. Hægt er að sækja um sem einstaklingur eða hópur. Umsóknarfresturinn rennur út 15. apríl n.k. Vinsamlega fyllið út umsóknareyðublað hátíðarinnar sem er að finna á heimasíðu hátíðarinnar.