Fréttayfirlit

Föstudaginn 17. apríl var undirritaður verksamningur á milli sumarbúðanna á Hólavatni og Loftorku um framleiðslu á forsteyptum einingum fyrir nýjan skála sem rísa mun á Hólavatni.

Skólakór Hrafnagilsskóla verður með tónleika í Laugarborg sunnudaginn 3. maí kl. 15:00. Undirleikari er Daníel Þorsteinsson. Kristjana Arngrímsdóttir söngkona ætlar að syngja með kórnum nokkur lög ásamt hljómsveit hússins en hana skipa: Þorvaldur Yngvi Schiöth á vibrafón, Brynjólfur Brynjólfsson á gítar og Eiríkur G. Stephensen á kontrabassa.
Aðgangur er ókeypis og allir hjartanlega velkomnir.
Með kærri kveðju, Skólakór Hrafnagilsskóla og María Gunnarsdóttir kórstjóri

Eyfirski safnadagurinn 2. maí á Smámunasafninu opið milli kl. 11:00 og 17:00.

Hadda verður með námskeið í að endurnýta gamlar flíkur. Námskeiðið verður milli kl. 14:00 og 17:00, kostar kr. 6000.- efni innifalið. Leikfangasýningin er enn í gangi, kvikmyndin "Gamalt er gott" á sínum stað.

Léttar veitingar í boði og enginn aðgangseyrir. Verið velkomin. www.smamunasafnid.is

Starfsfólk óskast.
Leikskólinn Krummakot óskar að ráða starfsmann í ræstingu. Vinnutími er frá 13:00 – 17:00. Upplýsingar veitir Þorvaldur skólastjóri Krummakots í síma:  4648120 /4648122
Netfang krummakot@krummi.is Heimasíðuslóð: http://www.krummakot.krummi.is

Á Sumardaginn fyrsta verður sumarfagnaður á Melgerðismelum að hætti Funamanna og hefst kl. 14:00.

Hestamannafélagið Funi

Fundur með frambjóðendum okkar í Blómaskálanum Vín, þriðjudagskvöldið 21. apríl kl. 20:30.
Framsóknarflokkurinn í Norðausturkjördæmi

Aðalfundur Veiðifélags Eyjafjarðarár 2009, verður haldinn í Funaborg, Melgerðismelum, þriðjudagskvöldið 28. apríl kl. 20.30.
Að gefnu tilefni hvetjum við landeigendur til að mæta á fundinn, taka þátt í umræðum og kosningum.

Eins og undanfarin ár verður páskaganga Dalbjargar á föstudaginn langa, þann 10. apríl. Gangan hefst við Bangsabúð kl. 10 og genginn verður innri Saurbæjarhringurinn sem er u.þ.b. 26 km. Bílar frá Dalbjörg verða á staðnum eins og venjulega og flytja þá sem ekki vilja ganga alla leið aftur í Bangsabúð.

OPIÐ ALLA PÁSKANA Í SUND

frá skírdegi til annars í páskum

frá kl. 10:00 – 20:00