Fréttayfirlit

Tónleikar 1. júní 2008 kl. 15.00 í Laugarborg
Miðaverð kr. 2.500,-

RAGGI BJARNA & BERGÞÓR PÁLSSON
ásamt hljómsveit hússins
Daníel Þorsteinsson / flygill & harmóníka
Eiríkur Stephensen / kontrabassi
Halldór Hauksson / trommur

Veðurguðirnir voru í sínu besta skapi á Norðurlandi um helgina. Hægur andvari af suðri, varla skýhnoðri á himni og hitinn uppundir 20 stig. Eyfirðingar fjölmenntu í sundlaugarnar á svæðinu og var þessi mynd tekin í Sundlaug Eyjafjarðarsveitar í gær þar sem gestirnir sleiktu sólina í gríð og erg.

Frá Íþróttamiðstöð Eyjafjarðarsveitar
Vegna viðhalds verður heiti potturinn við sundlaug Hrafnagilsskóla lokaður frá 20. maí til 30. maí. Öll önnur aðstaða er opin og það hefur verið bætt við nýjum leiktækjum fyrir börnin.
Íþrótta og tómstundafulltrúi.

Miðvikudaginn 14. maí átti sveitarstjórn Eyjafjarðarsveitar fund með Kristjáni L. Möller, samgöngu-ráðherra.

Vegna framkvæmda við norðurinngang Íþróttamiðstöðvar Eyjafjarðarsveitar næstu 3-4 vikur, eru gestir beðnir um að nota suðurinnganginn. Við biðjumst velvirðingar á þeim óþægindum sem þetta kann að valda.

Íþrótta og tómstundafulltrúi.

Jæja, þá er komið að upphitun fyrir hið árvissa kvennahlaup ÍSÍ. Starfræktur verður gönguklúbbur undir stjórn Helgu Sigfúsdóttur, sjúkraþjálfara. Helga ætlar að brydda upp á fjölbreytni þannig að eflaust verður um fleira en göngutúra að ræða. Hún ætlar að hitta áhugasamar konur tvisvar í viku fram að hlaupi, á þriðju- og fimmtudagskvöldum. Fyrsta skiptið verður þriðjudaginn 6. maí kl. 20:30 og þá verður hist við Hrafnagilsskóla. Fimmtudagskvöldið 8. maí verður svo hist við flugskýlið á Melgerðismelum á sama tíma. Við hvetjum konur til að mæta og minnum á að það fer hver á sínum hraða.
Bestu kveðjur,
Íþrótta- og tómstundanefnd