Fréttayfirlit

Árlega velur valnefnd Handverkshátíðar fallegasta sölubás ársins og handverksmann ársins. Handverksmaður ársins er Þórdís Jónsdóttir og verðlaun fyrir sölubás ársins hlýtur Vagg og Velta. Valnefnd veitti ein aukaverðlaun í ár, Gleði og bjartsýnisverðlaunin, en þau hlaut Hildur Harðardóttir með sölubásinn Hildur H. List-Hönnun. Fleira vakti athygli valnefndar, s.s. bás Hjartalags, Leðurverkstæðið Hlöðutúni og Erna Jónsdóttir leirlistamaður.

Saga Travel er í samstarfi við Handverkshátíðina og býður upp á sætaferðir frá Akureyri. Brottför frá Saga Travel í miðbæ Akureyrar alla sýningardagana: 12.30, 14.30 og 16.30 Brottför frá Hrafnagili 15.00, 17.00 og 18.00 Allar nánari upplýsingar veitir Saga Travel í síma 558-8888

Á hádegi í dag opnar Handverkshátíðin í 23. sinn og getum við lofað einni glæsilegastu sýningu hingað til. Alls verða 94 sýnendur alla helgina. Þar að auki taka 55 aðilar þátt á handverks- og matarmarkaði. Handverksmarkaðurinn fer fram fimmtudag, föstudag og sunnudag en á laugardeginum bjóðum við upp á matarmarkað úr Eyjafjarðarsveit. Á þeim markaði verður margt spennandi í boði svo sem kornhænuegg og broddur. Á mörkuðunum verða nýir sýnendur í hvert sinn svo ef þú vilt ekki missa af neinu, heimsæktu sveitina.