Dagskrá:
1. Fjárhagsáætlun 2020 - Umhverfisnefnd - 1910019
Umhverfisnefnd samþykkir fjárhagsramma er varðar útgjöld en leggur til við sveitarstjórn að hækka verðskrá sorphirðugjalda og eyðingu dýraleifa um 2,5%.
2. Umhverfisverðlaun 2019 - 1911006
Umverfisnefnd hefur ákveðið að veita tveimur aðilum umhverfisverðlaun Eyjafjarðarsveitar árið 2019.
Bújörð/atvinnustarfsemi: Litli Garður, Hrossarækt og tamningastöð - Herdís Ármannsdóttir og Stefán Birgir Stefánsson.
Nýlega máluð útihús og íbúðarhús í stíl. Falleg ástýnd er að bænum með tún og bæjarhús afmörkuð með trjágóðri. Almenn góð umgengni.
Íbúðarhús og nærumhverfi: Festaklettur - Nína Þórðardóttir og Tómas Ingi Olrich.
Reisulegt íbúðarhús með fallegri verönd og vel hirtum beðum í kring. Húsið og nærumhverfi þess í skjóli fjölbreytts trjágróðurs. Afar smekkleg heimreið og aðkoma að húsinu.
3. Fyrirkomulag sorphirðu vegna útboðs 2020 - 1911007
Umhverfisnefnd leggur til að sveitarjóri og formaður undirbúi tillögur að fyrirkomulagi sorphirðu og gámasvæðis til að ræða á næsta fundi sem hluta af undirbúningi fyrir útboð.
4. Kolefnisjöfnun og trjárækt Nonna Travel ehf. - 1910041
Umhverfisnefnd fagnar áhuga Nonna Travel á að vilja rækta skóg til kolefnisjöfnunar sinnar starfsemi. Eyjafjarðarsveit sjálf hefur takmarkað land til ráðstöfunar til skógræktar. Skógræktarfélag Eyfirðinga hefur til umráða land að Hálsi og í Saurbæ í Eyjafjarðarsveit þar sem einstaklingar og fyrirtæki hafa getað tekið land í fóstur til skógræktar með samningi þar um. Mögulega er það farvegur fyrir Nonni Travel með verkefni af þessum toga. Þá er einnig bent á að samþykkt deiliskipulag fyrir skógrækt eru á nokkurm stöðum í sveitarfélaginu. Óskað er eftir því við sveitarstjóra að koma ábendingum til Nonni Travel þessa efnis.
Fleira ekki gert. Fundi slitið kl. 14:00
