Sveitarstjórn

652. fundur 27. mars 2025 kl. 08:00 - 10:00 Fundarstofa 2, Skólatröð 9

Nefndarmenn

Hermann Ingi Gunnarsson
Linda Margrét Sigurðardóttir
Kjartan Sigurðsson var fjarverandi en í staðinn sat fundinn Anna Guðmundsdóttir
Berglind Kristinsdóttir
Ásta Arnbjörg Pétursdóttir
Sigurður Ingi Friðleifsson var fjarverandi en í staðinn sat fundinn Guðmundur Sigurbjörn Óskarsson
Sigríður Bjarnadóttir

Starfsmenn

Finnur Yngvi Kristinsson sveitarstjóri
Bjarki Ármann Oddsson skrifstofu- og fjármálastjóri

Fundargerð ritaði: Bjarki Ármann Oddsson skrifstofu- og fjármálastjóri

Dagskrá:

Almenn erindi

1. 2210043 - Aðalskipulag Eyjafjarðarsveitar endurskoðun 2022

Skipulagsnefnd tók drög af skipulagslýsingu til umræðu á 428. fundi sínum og gerði nokkrar athugasemdir. Skipulasglýsingin hefur verið uppfærð miðað við athugasemdir nefnarinnar og liggur því svo breytt tillaga fyrir sveitarstjórn.

Á fundi sínum lagði skipulagsnefnd til við sveitarstjórn að svo breyttri skipulagslýsingu vegna Aðalskipulags Eyjafjarðarsveitar 2025-2037 verði vísað í kynningarferli samkvæmt 1. mgr. 30. gr. skipulagslaga nr. 123/2010.

Sveitarstjórn samþykkir samhljóða að vísa fyrirliggjandi skipulagslýsingu vegna Aðalskipulags Eyjafjarðarsveitar 2025-2037 í kynningarferli samkvæmt 1. mgr. 30. gr. skipulagslaga nr. 123/2010 og felur skipulagsfulltrúa að fylgja þeirri ákvörðun eftir.

Sveitarstjórn skipar vinnuhóp um endurskoðun aðalskipulags 2025-2037. Fyrir hönd F-listans sitja í hópnum Linda Margrét Sigurðardóttir og Hákon Bjarki Harðarson og fyrir hönd K-listans Ásta Arnbjörg Pétursdóttir. Vinnuhópurinn tekur laun skv. launakjörum framkvæmdaráðs.

2. 2502011 - Leifsstaðir land (Leifsstaðabrúnir 25 eða Heiðarhvammur) L152708 - óveruleg breyting á deiliskipulagi

Skipulagsnefnd fjallaði um erindið á 428. fundi sínum og lagði til við sveitarstjórn að ekki verði gerð athugasemd við framlagða merkjalýsingu og að hún verði samþykkt á grundvelli reglugerðar um merki fasteigna nr. 160/2024.

Sveitarstjórn gerir ekki athugasemd við framlagða merkjalýsingu og samþykkir hana samhljóða á grundvelli reglugerðar um merki fasteigna nr. 160/2024.

3. 2503013 - Aðalskipulag Skagafjarðar - Kynning á tillögu á vinnslustigi (nýtt aðalskipulag)

Skipulasgnefnd fjallaði um erindið á 428. fundi sínum og lagði til við sveitarstjórn að ekki sé gerð athugasemd við það.

Sveitarstjórn gerir ekki athugasemd við erindið.

4. 2503023 - Sýslum. á Norðurl.eystra óskar eftir umsögn - vegna umsóknar um breytingu á gildu rekstrarleyfi S&A eigna á Hótel North Leifsstöðum II

Sýslumaður sendir sveitarfélaginu umsagnarbeiðni vegna umsóknar um breytingu á gildu rekstrarleyfi S&A eigna á Hótel North Leifsstöðum II.

Um er að ræða fjölgun gesta í alls 52 gesti

Sveitarstjórn gerir ekki athugasemd við útgáfu leyfisins enda rúmast það innan þess skipulags sem um svæðið gildir.

5. 2503012 - Sýslum. á Norðurl.eystra óskar eftir umsögn vegna umsóknar Holtsels Hnoss um rekstrarleyfi veitinga í flokki II

Sýslumaður sendir sveitarfélaginu umsagnarbeiðni vegna umsóknar um rekstrarleyfi veitinga í flokki II frá Holtsels Hnossi.

Sveitarstjórn felur sveitarstjóra að afla upplýsinga um grenndaráhrif. Ef engar neikvæðar athugasemdir berast þá gerir sveitarstjórn ekki athugasemd við útgáfu rekstrarleyfisins, að öðrum kosti skal erindið borið aftur undir sveitarstjórn til afgreiðslu.

6. 2503016 - Sýslum. á Norðurl.eystra óskar eftir umsögn vegna umsóknar um rekstrarleyfi gistingar í flokki II frá Gísla Hallgrímssyni Brúnalaug

Sýslumaður sendir sveitarfélaginu umsagnarbeiðni vegna umsóknar um rekstrarleyfi gistingar í fl II í Brúnalaug, um er að ræða neðri hæð í rými 030101, fasteignanúmer 2158456.

7. 2411010 - Félagsmiðstöðin Hyldýpi

Sveitarstjórn tekur til umræðu skipulag og starfsemi félagsmiðstöðvarinnar haustið 2025.

Sveitarstjórn þakkar forstöðumanni Íþróttamiðstöðvar og umsjónarmanni félagsmiðstöðvar fyrir góða samantekt.

Sveitarstjórn samþykkir að fjölga rútuferðum um fjórar umfram það sem kemur fram á fyrirliggjandi dagskrá fyrir haustið 2025.

Sveitarstjórn samþykkir auk þess að bjóða í tilraunaskyni upp á opnun í félagsmiðstöðinni tvisvar í viku á haustönn 2025 fyrir nemendur á miðstigi Hrafnagilsskóla. Fyrirkomulagið verði endurskoðað samhliða gerð fjárhagsáætlunar.

Sveitarstjórn samþykkir samhljóða viðauka vegna ákvarðananna að upphæð 800.000 kr.- við fjárhagsáætlun, verði því mætt með lækkun á handbæru fé.

8. 2503033 - Reglur fyrir menningarsjóð Eyjafjarðarsveitar

Velferðar- og menningarnefnd ræddi reglur fyrir menningarsjóð Eyjafjarðarsveitar á 16. fundi sínum og leggur til við sveitarstjórn að 5.grein úthlutunarreglunnar sé útvíkkuð lítillega svo taka megi tillit til staðsetningar viðburða og starfsemi án þess að binda lögheimili viðburðarhaldara sérstaklega við Eyjafjarðarsveit.

Leggur nefndin til að 5.gr verði svo hjóðandi:

"Að öllu jafna þurfa umsækjendur að hafa lögheimili í Eyjafjarðarsveit eða hafa haft þar lögheimili á síðstliðnum tveimur árum til að geta hlotið greiðslu úr sjóðnum.

Úthlutunarnefnd er heimilt að víkja frá reglu um lögheimilisfesti hafi viðkomandi starfsemi ótvírætt heimili í sveitarfélaginu eða umsókn sé til þess fallin að samfélagið hafi augljósa tengingu eða hag af stuðningi við hana."

Sveitarstjórn samþykkir samhljóða fyrirliggjandi tillögu Velferðar- og menningarnefndar um reglur fyrir menningarsjóð Eyjafjarðarsveitar og felur sveitarstjóra að uppfæra reglurnar í samræmi við það og birta á heimasíðu sveitarfélagsins.

9. 2502037 - Fasteignir Eyjafjarðarsveitar

Tveir aðilar hafa sóst eftir að leigja túnin að Þormóðsstöðum og ræðir sveitarstjórn nú framhaldið.

Guðmundur S. Óskarsson víkur af fundi undir erindinu.

Tveir aðilar hafa sóst eftir að leigja túnin. Val á milli þeirra fór fram með útdrætti og nafn Ingva Guðmundssonar var dregið.

Sveitarstjórn ákveður að forsendur leigunnar byggi á leiguverði per hektara annarra túna sveitarfélagsins. Þá er lögð áhersla á að umrædd svæði séu girt af í samráði við Land- og skóg og áherslur sveitarstjórnar varðandi skógræktaráform á svæðinu.

10. 2503031 - Ársþing Samtaka sveitarfélaga og atvinnuþróunar á Norðurlandi eystra 2025

Ársþing SSNE 2025 verður haldið á Hótel Natur, Svalbarðsstrandarhreppi, 2.-3. apríl næstkomandi. Sveitarstjórn fer yfir dagskrá þingsins sem finna má undir viðburðinum á heimasíðu SSNE.

Fulltrúar sveitarstjórnar á þinginu eru Berglind Kristinsdóttir, Linda Margrét Siguarðardóttir og Sigríður Bjarnadóttir.

11. 2503017 - KPMG - Skýrsla um stjórnsýsluskoðun 2024 hjá Eyjafjarðarsveit

Lögð fram skýrsla KPMG um stjórnsýsluendursskoðun fyrir árið 2024 hjá Eyjafjarðarsveit.

Í umfjöllun um skýrslu KPMG kom í ljós innsláttarvilla í bókun á 8. lið í 644. fundar sveitarstjórnar þar sem kemur fram að útsvarshlutfallið er óbreytt en röng tala gefin upp. Hið rétta er að útsvarshlutfallið er 14,97%.

Fundargerðir til kynningar

12. 2503007F - Skipulagsnefnd Eyjafjarðarsveitar - 428

Fundargerð 428. fundar skipulagsnefndar Eyjafjarðarsveitar lögð fram til kynningar.