Skólanefnd

 

Dagskrá:

 

1. Leikskólinn Krummakot - Skóladagatal 2025-2026 - 2503039

Skólanefnd leggur til við sveitarstjórn að skóladagatal Krummakots veturinn 2025-2026 verði samþykkt.

 

Vegna athugasemda í bréfi frá foreldraráði Krummakots bendir skólanefnd á að í upphafi skólaárs 2024 voru heildar árleg dvalargjöld á Krummakoti lækkuð um sem nemur 20 dögum og lækkuðum kostnaði foreldra vegna þess dreift jafnt yfir mánuði ársins. Samsvarar þetta heildarfjölda skráningardaga á ári en foreldrar sem þá daga nýta greiða síðan sérstaklega fyrir þá samkvæmt gjaldskrá. Afsláttur vegna skráningardaga hefur því verið innleiddur í gjaldskrána sjálfa og kemur ekki lengur fram á reikningum.

 

2. Húsnæðismál grunn- og leikskóla - 1901017

Skólanefnd hvetur til þess að sem fyrst verði hugað að nýtingu kennsluhúsnæðis Hrafnagilsskóla með tilliti til breytinga á núverandi húsnæði og aðstöðu í kjallara. Taka þarf tillit til bæði kennslu, sérkennslu og frístundastarfs.

 

3. Hrafnagilsskóli - Skóladagatal 2025-2026 - 2503036

Skólanefnd leggur til við sveitarstjórn að skóladagatal Hrafnagilsskóla veturinn 2025-2026 verði samþykkt.

 

4. Hrafnagilsskóli - Foreldrakönnun Skólapúlsins vorið 2025 - 2503037

Skólanefnd lýsir ánægju með jákvæða niðurstöðu úr foreldrakönnun Skólapúlsins.

 

5. Hrafnagilsskóli - Foreldrakönnun, árshátíðir - 2503038

Ólöf Ása Benediktsdóttir skólastjóri Hrafnagilsskóla fór yfir niðurstöður foreldrakönnunar vegna árshátíða skólans.

 

Fleira ekki gert. Fundi slitið kl. 13:35