Dagskrá:
1. Mennta- og menningarmálaráðuneytið - Eftirfylgni með úttekt á leikskólanum Krummakoti - 1612023
Ráðuneytið hefur veitt sveitarfélaginu frest til að hrinda umbótaáætlun leikskólans Krummakots í framkvæmd, vegna endurskipulagningar á starfsemi leikskólans.
2. Leikskólinn Krummakot - Starfsáætlun 2019-2020 - 1909027
Erna Káradóttir leikskólastjóri, fór yfir starfsáætlun leikskólans Krummakots 2019-2020. Foreldraráð hefur einnig samþykkt starfsáætlunina.
3. Skipulagsbreyting í leikskólanum Krummakoti - 1909031
Lagt fram til kynningar.
4. Skólnefnd - Upplýsingar í upphafi vetrar um mönnun og nemendafjölda í skólunum - 1909028
Hrund Hlöðversdóttir skólastjóri fór yfir upplýsingar um nemendafjölda og mönnun Hrafnagilsskóla í upphafi skólaársins 2019-2020. Allir kennarar við skólann eru faglærðir og lýsir skólanefnd ánægju með þá stöðu.
5. Mennta- og menningarmálaráðuneytið - Eftirfylgni með úttekt á Hrafnagilsskóla - 1611034
Hrund Hlöðversdóttir skólastjóri fór yfir eftirfylgni með úttekt á Hrafnagilsskóla og umbótaáætlun skólans á yfirstandandi skólaári. Einnig farið yfir ýmsar niðurstöður úr sjálfsmatsskýrslu skólans og margvíslegar umbætur sem hrint hefur verið í framkvæmd eða eru fyrirhugaðar á næstunni.
6. Hrafnagilsskóli - Starfsáætlun 2019-2020 - 1909029
Hrund Hlöðversdóttir skólastjóri kynnti starfsáætlun Hrafnagilsskóla 2019-2020.
7. Skólanefnd - Fjárhagsstaða skólanna 31.08.19 - 1909030
Stefán Árnason skrifstofustjóri fór yfir fjárhagsstöðu leikskólans Krummakots og Hrafnagilsskóla við upphaf skólaársins. Rekstur er í góðu jafnvægi.
8. Húsnæðismál grunn- og leikskóla - 1901017
Anna Guðmundsdóttir, formaður kynnti minnisblað um stöðu húsnæðismála grunn- og leikskóla. Að mati ráðgjafa er talið hagkvæmast að byggja við núverandi húsnæði grunnskólans, fremur en að byggja ofan á skólann eða breyta íþróttahúsinu í skólahúsnæði.
Fleira ekki gert. Fundi slitið kl. 13:50
