40. fundur skipulagsnefndar haldinn í fundarsal sveitarstjórnar að Syðra-Laugalandi fimmtudaginn 24. mars 2005 kl. 16.00.
Mættir voru Gunnar Valur Eyþórsson, Sigurður Eiríksson og Bjarni Kristjánsson, sveitarstjóri, sem skráði fundargerð. Hólmgeir Karlsson boðaði forföll.
Eftirfarandi mál voru tekin fyrir:
1. íbúðarbyggð í landi Brúnahlíðar
Fyrir liggja drög að deiliskipulagi íbúðarbyggð í landi Brúarlands. Tillagan gerir ráð fyrir lóðum undir 5 einbýlishús sunnan og neðan núverandi bæjarhúsa. Landeigandi fer fram á að auglýst verði breyting á Aðalskipulagi Eyjafjarðarsveitar 1994 ? 2014 til að greiða fyrir framgangi deiliskipulagsins. í tillögu að endurskoðuðu deiliskipulagi er gert ráð fyrir íbúðabyggð á umræddu svæði. Skipulagsnefnd leggur til að orðið verði við beiðni landeignda.
2. íbúðarbyggð í landi Jódísarstaða
Fyrir liggja drög að deiliskipulagi íbúðarbyggðar fyrir 9 einbýlishús. Landeigandi fer fram á að auglýst verði tillaga að breytingu á Aðalskipulagi Eyjafjarðarsveitar 1994 - 2014 til að greiða fyrir framgangi deiliskipulagsins. í tillögu að endurskoðuðu aðalskipulagi er gert ráð fyrir íbúðarbyggð á umræddu svæði. Skipulagsnefnd leggur til að orðið verði við beiðni landeiganda.
3. Frístundabyggð í landi Bjarkar
Eigandi 0.5 ha. skika úr landi Bjarkar neðan Eyjafjarðarbrautar eystri fer fram á að á honum verði leyfð bygging 3ja frístundahúsa. í tillögu að endurskoðuðu aðalskipulagi er gert ráð fyrir einu húsi á landskikanum. Eigandi fer fram á að auglýst verði tillaga að breytingu á Aðalskipulagi Eyjafjarðarsveitar 1994 - 2014 til að flýta fyrir framgangi deiliskipulags fyrir umræddan skika.
Fyrirhugað er að hefja framkvæmdir sem fyrst á umræddum þremur svæðum sbr. 1.- 3. lið. þótt takist að halda áætlun varðandi auglýsingu á endurskoðuðu aðalskipulagi (maí) eru litlar líkur á endurskoðað skipulag hafi öðlast staðfestingu umhverfisráðuneytisins eins og lög ákveða fyrr en síðla sumar. það fellur ekki að áætlunum viðkomandi og fara þeir því fram á að þessar tillögur fái flýtimeðferð þ. e. að auglýst verði breyting á gildandi aðalskipulagi.
4. Stækkun frístundahúss í landi Eyrarlands
Erindi frá Opus ehf, f. h. óla G. Jóhannssonar og Lilju Sigurðardóttur, þar sem farið er fram á heimild til að stækka sumarhús á lóð nr. 9 í landi Eyrarlands um allt að 60 ferm. í byggingunni verði vinnustofa. Nefndin mælir með að umsóknin verði samþykkt enda leggi umsækjandi fram uppdrætti sem sýni breytingu á deiliskipulagi svæðisins og verði breytingin kynnt sem óveruleg sbr. 2. mgr. 26. gr. skipulags- og byggingarlaga nr. 73/1997.
5. Breyting á deiliskipulagi Djúpadalsvirkjunar II
Lögð er fram tillaga Teiknistofunnar Forms að breytingu á deiliskipulagi Djúpadalsvirkjunar II. Breytingin felst í færslu á stíflu um ca. 130 m ofar í ána. Breytingin minnkar áætlaða lónstærð um ca. 1 ha. en hefur lítil sem engin önnur áhrif. Skipulagsnefnd leggur til að tillagan verði samþykkt og hún kynnt sem óveruleg sbr. 2. mgr. 26. gr. skipulags- og byggingarlaga nr. 73/1997.
6. Breyting á deiliskipulagi við Laugartröð í Reykárhverfi
Við götuna er gert ráð fyrir fjórum einbýlishúsum. Skipulagið er hins vegar svo þröngt að annmarkar eru á að byggja þar timburhús eins og allir lóðarhafar ætla sér, án breytinga deiliskipulaginu (fjarlægð milli húsanna verður ekki næg miðað við ákvæði í byggingarreglugerð). Með ákveðinni hliðrun sýnist mega ná lágmarksfjarlægð. Skipulagsnefnd leggur til að gerð verði breyting á deiliskipulaginu til að mæta óskum lóðarhafanna og uppfylla reglugerðarákvæðin. Breytingin verði kynnt sem óveruleg sbr. 2. mgr. 26. gr. skipulags- og byggingarlaga nr. 73/1997.
7. Frístundahúsasvæði í landi þverár
Skipulagsstofnun hefur gert athugasemd við þá gjörð að afgreiða deiliskipulagstillögu á sama fundi og afgreidd er tillaga að breytingu á aðalskipulagi, sem deiliskipulagstillaga byggir á (bréf dags. 28. okt. 2004). Nefndin afgreiddi tillöguna með þeim hætti á 34. fundi sínum þann 8. júlí 2004. Með vísan til framanskráðs leggur nefndin til að sveitarstjórn staðfesti að nýju deiliskipulag svæðanna.
8. Umsókn um leyfi til byggingar fjóss á jörðinni Garði
Nefndin leggst ekki gegn framkvæmdinni og leggur til að sveitarstjóra verði falið að afgreiða umsóknina þegar frekari gögn hafa borist.
Fleira ekki gert og fundi slitið kl. 16.35.
